Kolose 1:16 - Tetun

¹⁶ Naꞌi Maromak nodi Nia naseꞌi sasoin hotu-hotu iha laleꞌan no raiklaran. Naseꞌi hotu-hotu mak ema raiklaran bele titu-naree, no hotu-hotu mak ema raiklaran la bele titu-naree. Makaer ukun sia ka, makaer beran sia ka, naꞌi sia ka, ulun sia ka, Nia mak naseꞌi hotu-hotu. Hotu-hotu mak Naꞌi Maromak naseꞌi nia, naseꞌi nodi Yesus Kristus, no naseꞌi bodik Yesus Kristus.

Kolose 1:16 ပူးပေါင်းရင်းမြစ်များ

Yohanis 1:10

Masik Naꞌi Maromak nodi Nia naseꞌi hotu-hotu moos, ema la natene Nia baa oras Nia mai nein iha raiklaran neꞌe.

Yohanis 1:3

Naꞌi Maromak nodi Nia naseꞌi nola hotu-hotu. La noo saa ida mak Nia la naseꞌi.

Roma 11:36

Hotu-hotu nahabut baa Maromak. Hotu-hotu, Nia mak babilan. Hotu-hotu bodik Nia. Ita tonu-haboot Nia toꞌo nima-nimak! Nunia tebes!

Roma 8:38

Haꞌu kfiar nuneꞌe: la noo ida kois mak bele saseni Naꞌi Maromak toꞌo Nia la nadomi ita. Ita moris ka, ita mate ka, Nia nadomi nohuun. Makbukar laleꞌan ka, diabu ka, makaer beran seluk ka, la noo ida mak bele seten Naꞌi Maromak toꞌo Nia la nadomi ita. Masik baa oras neꞌe ka, baa loron ikus ka, la noo.

Roma 9:5

Sia moris nosi itakaan bei uluk, mak Bei Abraham, Bei Isak, no Bei Yakob. (Sia nola naran ꞌIsraꞌelꞌ nosi Bei Yakob naran foun.) Kristus moris nosi siakaan husar-binan. Kristus moos Maromak mak ukun hotu-hotu. Ita tonu-haboot Nia toꞌo nima-nimak. Loos!

1 Korintus 8:6

Mais bodik ita, Maromak mesak dei. Nia, itakaan Ama. Lia hotu-hotu nahabut baa Nia. Ita halo hotu-hotu bodik Nia. Itakaan Naꞌin moos, mesak dei. Neꞌe mak, Yesus Kristus. Naꞌi Maromak nodi Nia atu naseꞌi hotu-hotu. Ita moris, tan Nia mak foo moris baa ita.

Efesus 1:10

Niakaan hakaran nia nuneꞌe: oras hotu-hotu tetuk tiꞌan, Yesus Kristus atu dadi Naꞌin bodik hotu-hotu iha laleꞌan no raiklaran.

Efesus 6:12

Hanoin! Tan ita neꞌe iha hatuda laran. Ita la hatuda sakar ema raiklaran, mais hatuda sakar makaer ukun no makaer beran aat sia iha kukun.

Filipi 2:10

Naꞌi Maromak foti-nahaas Niakaan naran nunia, nebee ema hotu-hotu nakneter Nia. Ema iha laleꞌan, no ema iha raiklaran. Ema mak moris no ema mak mate. Nosi ikus, ema hotu-hotu atu nakniꞌa nodi loꞌu-sudur baa Nia.

Kolose 1:15

Masik ita ema raiklaran la bele titu-haree Naꞌi Maromak, mais ita titu-haree tiꞌan Kristus mak ilas ida no Naꞌi Maromak. Laleꞌan no raiklaran la iha dauk, Kristus iha kedan tiꞌan. Nia, Ulun nosi hotu-hotu mak Naꞌi Maromak naseꞌi.

Kolose 1:20

Naꞌi Maromak nodi Yesus Kristus, nalo dame no hotu-hotu mak Nia naseꞌi tiꞌan. Nia latan Niakaan Oan, dadi baa sera, nodi naduar raan, toꞌo mate iha ai karuus, nebee hotu-hotu iha laleꞌan no raiklaran, bele dame nikar no Naꞌi Maromak.

Kolose 2:10

Tan emi talin malu ho Kristus, Nia nalo emi biit toꞌo emi la hakiduk kois. Nia mak aas liu, mak noo beran, no makaer ukun hotu-hotu. Diꞌak ka, aat ka, Nia aas liu hotu-hotu.

Kolose 2:15

Baa oras nia moos, Nia natoba nola beran kukun no ukun aat hotu-hotu. Hotu, Nia namoe sia iha ema lear oin, nuꞌu sondadu natoba nola funu, hotu fila mai nadahur nodi lalore funu mak loꞌu baa sia tiꞌan.

Ibrani 1:2

Mais oras neꞌe, Naꞌi Maromak solok Niakaan Oan tiꞌan, atu dale duꞌuk no ita. Hori uluk, Naꞌi Maromak boi nola Niakaan Oan neꞌe, atu kaer ukun namutuk no Nia. Baa oras Naꞌi Maromak naseꞌi laleꞌan no raiklaran no sasoin hotu-hotu, Niakaan Oan neꞌe namutuk no Nia naseꞌi hotu-hotu.

Ibrani 2:10

Makonak tiꞌan! Naꞌi Maromak nalo Yesus natiu susar, nebee Yesus bele loke dalan moris bodik ema raiklaran. Naꞌi Maromak nakara nunia, nebee ema waꞌin bele moris namutuk no Nia iha laleꞌan. Nia, mak naseꞌi hotu-hotu. Hotu-hotu moris, tan Nia.

1 Petrus 3:22

Oras neꞌe, Yesus namaan aan saꞌe baa laleꞌan tiꞌan. Iha nebaa, Nia nabesi aan iha fatin mak kneter kaliuk iha Naꞌi Maromak sorin kwana. Tan lia nia, makbukar laleꞌan sia, makaer ukun sia, no makaer beran hotu-hotu, musti nanono baa Nia.