Ibrani 7:14 - Tetun

¹⁴ Mais ita hotu-hotu hatene haꞌak, itakaan Naꞌin Yesus Kristus moris nosi hunun Yahuda. Tuir Ukun-badu Bei Musa, la noo naꞌilulik nosi hunun nia.

Ibrani 7:14 ပူးပေါင်းရင်းမြစ်များ

Lia Uluk Fohon 46:12

Tuir loos, Yahuda no oan naꞌin lima, mak: Er, Onan, Sela, Peres no Sera. Mais, Er no Onan mate tiꞌan iha Kanaꞌan. Yahuda nodi no Peres oan naꞌin rua mak: Hesron no Hamul.

Lia Uluk Fohon 49:10

Loron ikus, o atu kaer ukun! Okaan husar-binan moos atu kaer ukun tuir malu, toꞌo noo husar-binan ida mak beran kaliuk mak tuur kaer ukun nia! Hotu, ema klubun hotu-hotu atu loꞌu-sudur no rona baa Nia!

Mateus 2:6

‘Hei, emi ema Betlehem iha rai Yudea. Keta hakraik emikaan leo nia, leo kiꞌik mak la noo folin. Tan Ema boot ida atu mosu mai nosi nebaa. Nia atu dadi makbalin bodik Haꞌukaan ema Israꞌel sia.’ ”

Lukas 1:43

Haꞌu neon boot, tan haꞌukaan Naꞌin inan mai nateke haꞌu.

Lukas 3:33

Nahason aman, Aminadab. Aminadab aman, Admin. Admin aman, Arni. Arni aman, Hesron. Hesron aman, Peres. Peres aman, Yahuda.

Yohanis 20:13

Hotu, sia nusu Maria naꞌak, “Tan saa o tanis?” Maria nataa naꞌak, “Ema foti nodi tiꞌan haꞌukaan Ulun maten. La katene sia rai iha nabee.”

Yohanis 20:28

Rona nola nunia, Tomas nataa naꞌak, “Aikee, Ama! Haꞌu kfiar tebes tiꞌan! Ama neꞌe, Haꞌukaan Ulun. Ama moos Haꞌukaan Maromak!”

Roma 2:3

Nuꞌunabee? Arumak o maneo maꞌak, “Ema mak nalo aat, sia fatan kona Naꞌi Maromak kastikar.” Tebes. Mais hanoin, tan o moos malo aat hanesan sia. Mais o maneo maꞌak, “Haꞌu la kona Naꞌi Maromak kastikar.” Lia nia, o metan mosi nabee?

Efesus 1:3

Tonu-haboot Naꞌi Maromak, itakaan Naꞌin Yesus Kristus, Aman. Nia natuun matak-malirin oi-oik nosi laleꞌan bodik ita, tan ita talin malu ho Kristus.

Ibrani 7:13

Naꞌilulik foun nia, mak Yesus. Nia moris nosi ema hunun seluk, lahoos nosi ema hunun Lewi. Tuir Ukun-badu Bei Musa, naꞌilulik oin nuꞌu Harun, musti mai nosi hunun Lewi dei, la bele nosi hunun seluk.

Ibrani 7:15

Mais oras neꞌe, Naꞌi Maromak la tau tenik ukun-badu tuan nia, tan Yesus iha tiꞌan. Nia dadi naꞌilulik foun nuꞌu Melkisedek.

Lia Raiklaran Falu Fila 22:16

Haꞌu neꞌe, Yesus. Haꞌu, mak solok makbukar laleꞌan nia atu nalore lia neꞌe sia hotu-hotu, nebee o baa katak Haꞌukaan Manfatin baa ema sarani klubun hitu nia. Haꞌu neꞌe, Naꞌi Daud husar-binan. Haꞌu neꞌe, Naꞌi makaer ukun. Haꞌukaan kroman lakan, boot kaliuk hanesan Fitun Lorosaꞌe. Haꞌukaan sinak, biit kaliuk hanesan Fitun Naꞌin.”

Lia Raiklaran Falu Fila 5:5

Hotu, naꞌin ida nosi fukun rua nulu resin haat nia, dale no haꞌu naꞌak, “Hei, mau! Keta tanis. Mana lai! Noo Naꞌi Daud husar-binan makaꞌas ida mak ema temi naꞌak, ‘Busa fuik boot nosi husar-binan Yahuda’. Nia nabeꞌo mohu lia aat hotu-hotu. Nia mak noo beran loke hanit nia sia, nodi leno hakerek nia isin.”