Ibrani 6:18 - Tetun

¹⁸ Noo lia oik rua mak la maseluk. Ida mak, Naꞌi Maromak mamenon. Ida tenik mak, Naꞌi Maromak narai aan nodi natebes mamenon nia. Kalo Naꞌi Maromak nameno lia ida tiꞌan, Nia nanis nalo tuir, tan Nia la bosok. Ita lalika neon ruak baa Niakaan mamenon nia. Tan ita halai baa buka moris tiꞌan iha Nia, oras neꞌe ita hein hodi haloon baa Nia nohuun.

Ibrani 6:18 ပူးပေါင်းရင်းမြစ်များ

Lia Uluk Fohon 19:22

Lai-lais baa nebaa ona! Tan haꞌu la kbele kalo sa-saa ida, kalo emi sei la toꞌo dauk.” Nahuu baa oras nia, ema nanaran leo nia naꞌak, ‘Soar’. Lia isin naꞌak, ‘kiꞌik’.

Mateus 24:35

Masik laleꞌan no raiklaran lakon mohu moos, Haꞌukaan Manfatin neꞌe nafati nohuun.”

Mateus 3:7

Baa oras nia, ema nosi partee Farisi no partee Saduki moos mai nusu nebee Yohanis sarani sia. Mais Yohanis nakbehek naꞌak, “Hoi! Emi neꞌe nuꞌu samea tolek teen! Naꞌi Maromak atu kastikar emi tan emikaan hahalok aat sia. Keta haneo emi bele hakbois hosi Niakaan kastikar nia.

Lukas 2:25

Natoon baa nia, noo katuas ida naran Simeon. Nia nein iha kota Yerusalem. Nia ema moon mak beer Naꞌi Maromak. Kmalar Lulik katak kedan baa nia tiꞌan naꞌak, nia atu naree uluk Kristus lai, foin nia bele mate.

Roma 15:5

Naꞌi Maromak nakbiit itakaan neon, nebee ita bele haterus aan. Haꞌu kamulak kodi kakroꞌan baa Nia, nebee nalo emi moris neon ida, tuir Yesus Kristus beer.

Roma 3:25

Naꞌi Maromak boi Yesus dadi baa sera atu selu nola itakaan tate, nodi kasu mohu itakaan salan. Mais ita musti fiar lia nuneꞌe: Yesus simu itakaan kastikar nodi naduar raan toꞌo mate atu selu nola ita. Uluk, Naꞌi Maromak netu neon baa ema raiklaran salan, no nakotu atu naluꞌa lakon sala nia sia. Mais kalo Nia la kastikar ema raiklaran salan, Nia la moon. Tan nunia, Nia loke dalan nebee ema raiklaran siakaan kastikar tula baa Yesus nodi selu nola sia. Hodi nunia, Naꞌi Maromak natudu naꞌak, Nia nakotu lia nodi moon. Kalo ema ida fiar naꞌak, Yesus selu nola nia tiꞌan, Naꞌi Maromak nakotu naꞌak, ema nia, ema loos.

Roma 3:4

Lale! Naꞌi Maromak nanis nalaꞌok Niakaan mamenon. Masik ema raiklaran hotu-hotu tolek, Naꞌi Maromak la naktolek! Iha Hakerek Moon noo lia nosi Naꞌi Maromak naꞌak, “Ema balu tula sala naꞌak, Nia nakotu lia la nodi moon. Mais sia atu naree naꞌak, saa mak Nia dale, Nia nanis nalaꞌok. Kalo ema nalo lia no Nia, sia nanis monu, tan Nia la dale sala.”

Roma 5:5

Kalo ita fiar nunia, ita la neon kiꞌik ona. Tan Naꞌi Maromak foo Niakaan Kmalar Lulik baa ita, nebee ita bele horan Niakaan dadomin boot iha itakaan neon no laran.

Filipi 2:1

Mamaluk sia! Kristus foo lia diꞌak waꞌin boot baa ita tiꞌan. Ita bele hakbiit malu neon. Ita bele foo lia tateꞌan mak nahabut nosi itakaan dadomin. Ita bele moris furak ho malu, tan Naꞌi Maromak Kmalar Lulik serwisu iha itakaan klaran. Ita moos bele hatudu laran dodan no laran maluak baa malu.

Kolose 1:23

Surak emi haterus aan ho emikaan fiar. Kaer metis fiar nia, nebee keta nawae. Keta hakiduk hosi Manfatin Diꞌak mak emi simu tiꞌan nia. Ema nalore tiꞌan Manfatin Diꞌak nia iha raiklaran tomak. Naꞌi Maromak moos solok haꞌu, Paulus neꞌe, nebee haꞌu moos baa kalore Manfatin Diꞌak nia.

Kolose 1:5

Emi halo nunia, tan emi hatene tiꞌan Naꞌi Maromak rai nein lia diꞌak sia bodik emi iha laleꞌan. Emi hatene lia nia, tan emi rona hosi Maromak Manfatin Diꞌak. Manfatin nia, tebes no loos.

1 Tesalonika 1:10

Ema moos dale naꞌak, emi sei hein Naꞌi Maromak Oan Yesus mai nosi laleꞌan. Hori hirak nia, ema noꞌo Nia, mais Naꞌi Maromak nalo Nia moris nikar. Nosi ikus, Naꞌi Maromak taa ukun baa ema raiklaran, Yesus mak sori ita nosi Maromak hahibun.

1 Timotius 1:1

Timotius mak diꞌak! Tabe nosi haꞌu, Paulus. Haꞌu neꞌe Yesus Kristus klosan, tuir Naꞌi Maromak hakaran no Yesus Kristus hakaran. Ita haloon baa Yesus Kristus, tan Naꞌi Maromak sori nola ita nosi itakaan salan. Timo! Tuir haꞌu, o nuꞌu haꞌukaan oan duꞌuk, tan haꞌu mak katudu dalan, toꞌo o fiar Kristus. Haꞌu kamulak baa itakaan Ama Maromak no itakaan Naꞌin Yesus Kristus, nebee natudu laran diꞌak nodi foo moris dame no manek baa o.

1 Timotius 6:12

Marui aan tebe-tebes atu malaꞌok hanorin hotu-hotu mak ita fiar. Naꞌi Maromak foo moris nima-nimak baa o tiꞌan. O katak sain tiꞌan okaan fiar nunia iha ema lear oin. Dadi kaer metin moris nima-nimak nia.

2 Timotius 2:13

Masik ita la loos, Nia loos nohuun, tan saa mak Nia dale, Nia nanis nalo.”

Ibrani 11:7

Tan Noh fiar, Naꞌi Maromak katak kedan baa nia naꞌak, “Noh! Haꞌu atu kadodok raiklaran neꞌe kodi motasaꞌe boot mak ema raiklaran sei la naree isin ida dauk.” Masik Noh sei la naree dauk nunia moos, nia nanono baa Naꞌi Maromak, nodi nalo roo atu sori niakaan uma laran isin sia. Tan niakaan fiar nia, Naꞌi Maromak nafoli nia naꞌak, ema loos. Mais Naꞌi Maromak natuun kastikar boot baa ema hotu-hotu mak la fiar.

Ibrani 3:11

Haꞌu la kterus karee emikaan aꞌaat nunia tenik. Haꞌu kahibu emi kaꞌak, ‘Emi la bele tama ona atu hanawa kole hamutuk ho Haꞌu.’ ”

Ibrani 3:6

Yesus moos nalo tuir Naꞌi Maromak hakaran, mais Nia lahoos ain-liman hanesan Bei Musa. Tan Yesus, mak Kristus. Nia, Naꞌi Maromak Oan, mak Naꞌi Maromak boi kedan tiꞌan hori uluk atu solok mai iha raiklaran neꞌe. Kristus natene tebe-tebes babilan Ama Niakaan uma isin. Kalo ita kaer metin itakaan fiar, hodi haloon baa Kristus nohuun, ita moos dadi Naꞌi Maromak eman uma laran.

Ibrani 6:17

Hodi nunia, ita hatene haꞌak, kalo Naꞌi Maromak namate menon no Niakaan ema, Nia narai aan atu natebes naꞌak, saa mak Nia nameno nia, nanis tebes.

Ibrani 7:19

Tan masik ema moris nodi nalo tuir Ukun-badu tuan nia sia hotu-hotu moos, sia sei noo sala. Tan lia nia, Naꞌi Maromak loke seluk dalan mak diꞌak kaliuk, nebee ita bele moris dame malu ho Nia.

Ibrani 7:21

Mais baa oras Nia foti Yesus dadi baa naꞌilulik, Nia nameno naꞌak, “Haꞌu neꞌe, Naꞌin! Haꞌu karai aan kaꞌak, Haꞌu la kseluk lia saa ida mak Haꞌu kameno tiꞌan. Haꞌu kfoti O dadi baa naꞌilulik, nebee malaꞌok Okaan serwisu nohuun.”

1 Yohanis 1:10

Kalo ita dale haꞌak, “Ita la halo sala,” neꞌe naꞌak, ita halo Naꞌi Maromak baa maktolek teen, tan Nia katak tiꞌan naꞌak, ema hotu-hotu nalo sala. Kalo ita dale nunia, neꞌe moos naꞌak, Maromak Manfatin la nahabut iha itakaan neon.

1 Yohanis 5:10

Kalo ema ida fiar baa Naꞌi Maromak Oan, neꞌe naꞌak, nia simu tiꞌan saa mak Naꞌi Maromak dale nosi Oan nia. Mais ema mak la fiar, ema nia nalo Naꞌi Maromak baa maktolek teen, tan nia la simu saa mak Naꞌi Maromak dale duꞌuk nosi Niakaan Oan naꞌak,