Ibrani 4:3 - Tetun

³ Mais kalo ita fiar, ita bele hanawa kole hamutuk ho Naꞌi Maromak. Uluk, Nia nameno nunia bodik itakaan bei uluk sia, mais tan sia la fiar, Nia nahibu sia naꞌak, “Haꞌu la kterus karee emikaan aꞌaat nunia ona. Tan baa nia, Haꞌu kakotu kaꞌak, ‘Emi la bele tama ona atu hanawa kole hamutuk ho Haꞌu.’ ” Tuir loos, ita hatene haꞌak, baa oras Naꞌi Maromak naseꞌi laleꞌan no raiklaran, Nia nadiꞌa kedan nebee Niakaan ema sia bele nanawa kole nodi moris namutuk no Nia.

Ibrani 4:3 ပူးပေါင်းရင်းမြစ်များ

Lia Uluk Fohon 1:31

Naree nunia, Maromak neon boot, tan saa mak Nia naseꞌi nia, kabaas tebes. Lia nia mak Maromak nalo baa loron dala neen.

Mateus 13:35

Nia nanorin nunia atu natoꞌo saa mak Maromak makoꞌan nakerek kedan hori uluk naꞌak, “Haꞌu atu kanorin kodi lia hatetek. Haꞌu atu katak lia sia mak ema sei la rona dauk, nahuu hori Naꞌi Maromak naseꞌi raiklaran toꞌo oras neꞌe.”

Mateus 25:34

Baa oras nia, Haꞌu kaer ukun Naꞌin. Haꞌu katak baa ema mak iha Haꞌukaan sorin kwana kaꞌak, ‘Emi neꞌe mak simu matak-malirin hosi Haꞌukaan Ama. Mai tama baa fatin kabaas mak Nia babilan kedan bodik emi. Oras raiklaran sei la iha dauk, Nia babilan kedan tiꞌan fatin Nia bodik emi.

Efesus 1:4

Naꞌi Maromak sei la naseꞌi raiklaran dauk, Nia nadomi ita no boi kedan ita dadi baa Kristus eman mak moris moos iha Niakaan oin.

Ibrani 3:11

Haꞌu la kterus karee emikaan aꞌaat nunia tenik. Haꞌu kahibu emi kaꞌak, ‘Emi la bele tama ona atu hanawa kole hamutuk ho Haꞌu.’ ”

Ibrani 3:14

Ita bele dadi soman ai ida ho Yesus Kristus, surak ita haloon baa Nia nohuun, hanesan baa oras ita foin fiar baa Nia.

Ibrani 9:26

Kalo Nia musti tama sura tinan hanesan naꞌilulik tuan sia, neꞌe naꞌak, Nia musti mate rua-ruan hori raiklaran foin nahuu toꞌo oras neꞌe, nebee Nia kasu mohu ema hotu-hotu salan. Mais, Nia la nalo nunia. Tan Nia dadi sera isin ida dei, nodi hoꞌas lakon ema hotu-hotu salan.

1 Petrus 1:20

Oras Naꞌi Maromak sei la naseꞌi raiklaran dauk, Nia nakotu kedan lia nosi Kristus. Mais uluk, Nia la natudu dauk lia Kristus baa ema raiklaran. Oras neꞌe, foin Nia natudu. Hodi nunia, Kristus dadi matak-malirin bodik emi.