Ibrani 4:10 - Tetun

¹⁰ Ema mak tama nanawa kole namutuk no Naꞌi Maromak, nanawa tiꞌan nosi siakaan serwisu, hanesan Naꞌi Maromak moos nanawa nosi Niakaan serwisu kona baa loron dala hitu, baa oras Nia naseꞌi notu raiklaran neꞌe.

Ibrani 4:10 ပူးပေါင်းရင်းမြစ်များ

Lia Uluk Fohon 2:2

Awan, kona baa loron dala hitu. Baa loron nia, Maromak nanawa serwisu.

Yohanis 19:30

Norut nola anggor nosi wee teen nia, Yesus katak naꞌak, “Serwisu hotu-hotu mohu tiꞌan.” Dale notu nunia, Nia sudur, hotu nawan kotu.

Ibrani 1:3

Niakaan Oan neꞌe natudu Maromak Niakaan kabaas, hanesan loro matan sinak mak tubu nosi lalenok. Niakaan ilas, oin ida no Maromak. Hodi Niakaan Manfatin makaꞌas, Nia nalaꞌo hotu-hotu iha laleꞌan no raiklaran. Nia moos loke dalan atu kasu mohu ema raiklaran salan, nebee sia dadi moos. Hotu Nia namaan aan saꞌe baa laleꞌan, tuur nabesi aan iha Maromak sorin kwana iha fatik mak kneter kaliuk.

Ibrani 10:12

Mais itakaan naꞌilulik boot Kristus, latan isin lolon duꞌuk nodi mate dadi sera bodik ita. Nodi dadi sera isin ida dei, Nia loke dalan atu soe mohu itakaan salan hotu-hotu. Nunia hotu, Nia namaan aan saꞌe baa nabesi aan iha Naꞌi Maromak sorin kwana, iha fatin mak kneter kaliuk.

Ibrani 4:9

Tan lia nia, ita hatene haꞌak, Naꞌi Maromak nadiꞌa oras seluk tiꞌan, nebee Niakaan ema sia bele nanawa kole nodi moris namutuk no Nia.

Lia Raiklaran Falu Fila 14:13

Nunia hotu, haꞌu krona kola lia maliak ida nosi laleꞌan. Lia nia katak baa haꞌu naꞌak, “Yohanis! O musti makerek nuneꞌe: Nahuu baa oras neꞌe, kalo ema fiar nohuun baa Naꞌi Yesus toꞌo mate, sia netan sotir.” Hotu, Maromak Kmalar Lulik nataa naꞌak, “Tebes! Sia atu sotir tebes! Masik sia netan susar iha raiklaran moos, sia naterus aan tuir Naꞌi Maromak nohuun. Tan lia nia, Naꞌi Maromak atu selu siakaan kolen. Hotu sia la susar tenik iha laleꞌan.”

Lia Raiklaran Falu Fila 6:11

Nusu notu nunia, sia ida-idak simu faru klobor mutin. Hotu sia rona ida mak katak sain baa sia naꞌak, “Hein tenik lai, tan sei noo emikaan mamaluk sia mak atu kona hoꞌo hanesan emi. Hein toꞌo sia hotu-hotu kona hoꞌo tiꞌan lai, foin Haꞌu kastikar ema mak noꞌo emi.”