Ibrani 2:6 - Tetun

⁶ Iha Hakerek Moon, Bei Daud nusu baa Naꞌi Maromak lia nosi ema raiklaran folin naꞌak, “Naꞌi Maromak! Tan saa Naꞌi Maromak titu ema raiklaran? Tan saa Naꞌi Maromak nadomi sia? Sia ema raiklaran da-daun dei!

Ibrani 2:6 ပူးပေါင်းရင်းမြစ်များ

Lia Uluk Fohon 50:24

Nosi ikus, Yusuf katak baa maun-alin sia naꞌak, “Mane malun sia! Haꞌu koran haꞌukaan loron mate kreꞌis tiꞌan! Mais haꞌu kfiar Naꞌi Maromak nanis naliku emi! Nia atu nalaꞌo emi sai hosi rai neꞌe, baa hikar rai mak Nia nameno tiꞌan no bei Abraham, no bei Isak no ama Yakob!”

Lukas 1:68

“Haꞌu ktonu-kaboot haꞌukaan Naꞌin. Nia, mak ema Israꞌel siakaan Maromak! Nia namaan aan mai tiꞌan atu sori Niakaan hutun-renu nosi moris nuꞌu ata.

Lukas 1:78

Naꞌi Maromak neon monu baa ita, toꞌo Nia foo leet foun baa ita, nuꞌu loro foun nasai kroman foun. Bodik ita mak moris iha makukun laran, no ita mak hataꞌuk mate, kroman mai tiꞌan atu nalaꞌo ita baa dalan dame.”

Lukas 7:16

Ema iha nia sia hotu-hotu nataꞌuk liu! Sia moos tonu-naboot Naꞌi Maromak naꞌak, “Naꞌi Maromak namaan aan mai tiꞌan iha itakaan klaran! Nia solok tiꞌan Niakaan makoꞌan makaꞌas ida baa ita!”

1 Tesalonika 4:6

Keta malo sala baa maluk makfiar. Keta buka sotir hosi sia. Tan Naꞌi Maromak atu kastikar lisan aat nia sia. Hori uluk, ami halore lia nia sia baa emi tiꞌan.

Ibrani 4:4

Iha lia Naꞌi Maromak naseꞌi laleꞌan no raiklaran, noo lia nosi Naꞌi Maromak nanawa kole naꞌak, “Naꞌi Maromak serwisu notu tiꞌan, hotu baa awan, mak kona baa loron dala hitu, Nia nanawa.”

Ibrani 5:6

Hakerek Moon moos naꞌak, “O neꞌe, dadi naꞌilulik mak oin ida nuꞌu Melkisedek uluk nia, mais O dadi naꞌilulik toꞌo nima-nimak.”

1 Petrus 1:11

Kristus Kmalar serwisu iha siakaan neon, nebee sia moos katak kedan nosi lia Kristus kona susar no todan. Sia moos katak kedan naꞌak, kalo Kristus mate tiꞌan, foin Naꞌi Maromak foti-nahaas Nia. Etuk, makoꞌan nia sia buka atu natene wainhira lia neꞌe sia atu dadi.