Ibrani 2:3 - Tetun

³ Uluk nunia tebes. Mais oras neꞌe, Naꞌi Maromak Oan Yesus Kristus loke dalan foun atu sori ema raiklaran. Baa oras Yesus moris iha raiklaran, Nia katak duꞌuk lia nosi dalan moris makaꞌas nia baa ema mak tuir Nia. Nunia hotu, ema nia sia katak baa ita, nebee ita bele fiar. Mais kalo ita dudu fila dalan moris makaꞌas nia, ita susar tiꞌan!

Ibrani 2:3 ပူးပေါင်းရင်းမြစ်များ

Mateus 23:33

Emi neꞌe aat hanesan samea mahoo raso. Emi haneo Naꞌi Maromak la kastikar emi ka? Keta haloon kedan! Nia nanis soe lerek emi baa haꞌi naraka!

Mateus 4:17

Nahuu baa oras nia, Yesus nanorin ema naꞌak, “Emi musti laꞌo hela emikaan salan, nebee moris loos ona! Tan oras neꞌe, ema hotu-hotu bele tama tiꞌan dadi baa Naꞌi Maromak eman.”

Markus 1:14

Baa oras nia, ema natama Yohanis baa bui laran. Yesus moos baa rai Galilea, atu nalore Naꞌi Maromak Manfatin Diꞌak iha nebaa.

Lukas 1:69

Nia foti tiꞌan Ema ida nosi Naꞌi Daud husar-binan. Ema nia atu sori ita, nodi Niakaan beran boot.

Lukas 24:19

Yesus moos nusu naꞌak, “Lia saa nia?” Sia nataa naꞌak, “Lia Yesus nosi Nasaret! Nia tebe-tebes Maromak makoꞌan. Naꞌi Maromak latan beran baa Nia nebee naseꞌi tadak blaar oi-oik. Nia moos matenek nanorin ema. Ema hotu-hotu beer Nia. Naꞌi Maromak moos beer Nia.

Yohanis 15:27

Hotu, emi musti hatoꞌo tenik lia nia baa ema seluk, tan emi mak hamutuk ho Haꞌu hori uluk tiꞌan.

Kristus Klosan Lian 2:22

Mamaluk Israꞌel sia! Taꞌan tilun rona diꞌa-diꞌak haꞌukaan dalen neꞌe. Yesus ema Nasaret nia, Nia mak Naꞌi Maromak boi kedan hori uluk atu solok mai sori ita. Tebes! Ami naꞌin duꞌuk haree Nia nalo lia kasalak basuk no nalo tadak blaar nodi Maromak beran. Emi moos haree, tan Nia moos nalo tadak blaar iha emikaan oin.

Kristus Klosan Lian 4:12

Iha raiklaran tomak, la noo dalan seluk mak bele sori ita nosi sala. Dalan mesak dei! Neꞌe, mak Yesus. Kalo lahoos Nia, la noo seluk mak bele sori ita.”

Roma 11:14

tan kaneo kalo haꞌu kalaꞌok diꞌa-diꞌak serwisu neꞌe bodik emi mak lahoos Yahudi, arumak haꞌukaan ema Yahudi duꞌuk laran moras, toꞌo balu netan moris tan fila nikar baa Naꞌi Maromak.

Roma 2:3

Nuꞌunabee? Arumak o maneo maꞌak, “Ema mak nalo aat, sia fatan kona Naꞌi Maromak kastikar.” Tebes. Mais hanoin, tan o moos malo aat hanesan sia. Mais o maneo maꞌak, “Haꞌu la kona Naꞌi Maromak kastikar.” Lia nia, o metan mosi nabee?

1 Korintus 1:21

Mais Maromak Niakaan matenek, makaꞌas kaliuk. Masik ema raiklaran siakaan matenek oin nunabee moos, sia la bele nodi sukat Maromak. Maromak nodi Niakaan matenek foo dalan bodik ema raiklaran no sori sia nosi sala. Hori uluk, Nia nakotu tiꞌan atu solok Niakaan ema sia atu natoꞌo lia nia baa ema hotu-hotu, nebee sia bele fiar baa Nia. Nia nanoin naꞌak, “Masik ema raiklaran filak Haꞌukaan ema sia naꞌak, momok moos, Haꞌu ksolok sia bei-beik atu baa keke Haꞌukaan lia loos.” Tebes. Ema raiklaran sia la simu Naꞌi Maromak eman neꞌe sia. Sia moos nafolin Maromak dalan naꞌak, momok basuk. Ema Yahudi waꞌin la simu, tan sia nakara loos tadak blaar atu naree Maromak beran. Ema Yunani waꞌin la simu, tan sia nakara rona loos lia matenek mak tama baa siakaan kakutak duꞌuk.

1 Tesalonika 5:3

Niakaan mamain mai nia moos hanesan ema mak tuur diꞌa-diꞌak, la noo udan-anin, teki-tekis netan dinu. Hanesan no nuꞌu feto mak teki-tekis moras nahoris. Kalo lia nia sia toꞌo, ita la bele dudu. Nunia moos, oras Naꞌi Yesus namaan aan mai nikar.

1 Timotius 1:15

Noo ema mak dale naꞌak, “Yesus Kristus mai raiklaran neꞌe atu sori ema maksalan.” Tebes! Nosi ema maksalan hotu-hotu, haꞌu neꞌe mak aat kaliuk.

Titus 2:11

Naꞌi Maromak natudu laran diꞌak baa ema hotu-hotu, nodi loke dalan atu sori sia nosi siakaan salan.

Ibrani 1:1

Uluk, Naꞌi Maromak nodi Niakaan makoꞌan sia atu dale no itakaan bei uluk ema Ibrani sia. Nia dale no sia dala waꞌin, nodi dalan oi-oik.

Ibrani 1:14

Niakaan makbukar sia nanis noo folin. Tan Nia solok sia atu baa naliku Niakaan ema hotu-hotu, nebee natudu dalan moris baa sia. Masik makbukar laleꞌan sia makaꞌas nunia moos, Naꞌi Maromak Niakaan Oan liu sia hotu-hotu.

Ibrani 1:2

Mais oras neꞌe, Naꞌi Maromak solok Niakaan Oan tiꞌan, atu dale duꞌuk no ita. Hori uluk, Naꞌi Maromak boi nola Niakaan Oan neꞌe, atu kaer ukun namutuk no Nia. Baa oras Naꞌi Maromak naseꞌi laleꞌan no raiklaran no sasoin hotu-hotu, Niakaan Oan neꞌe namutuk no Nia naseꞌi hotu-hotu.

Ibrani 12:25

Taꞌan tilun, rona diꞌa-diꞌak saa mak Naꞌi Maromak atu dale baa emi. Keta halo nuꞌu bei uluk sia mak dudu sees Bei Musa dalen, baa oras nia dadi Maromak makoꞌan iha raiklaran. Etuk, Naꞌi Maromak natuun kastikar baa sia. Saa tenik no ita! Kalo ita la hoꞌuk rona Niakaan dale nosi laleꞌan, Nia atu natuun kastikar todan liu baa ita.

Ibrani 4:1

Oras neꞌe, ita musti hanoin halo naruk, tan sei noo mamenon ida nosi Naꞌi Maromak naꞌak, Niakaan ema sia bele nanawa kole namutuk no Nia. Keta toꞌo ema ida nosi emi dudu sees Naꞌi Maromak mamenon nia.

Ibrani 4:11

Dadi hariik metin, nebee emi bele tama hanawa kole nodi moris hamutuk ho Nia. Keta toꞌo, noo ema mak la bele tama, tan la noꞌuk nanono Manfatin, hanesan itakaan bei uluk nia sia.

Ibrani 5:9

Hodi nunia, Nia nalo tuir Naꞌi Maromak hakaran toꞌo tetuk. Tan lia nia, Nia dadi Moris Huun bodik ema hotu-hotu mak fiar baa Nia, nebee sia bele moris nohuun no Naꞌi Maromak.

Ibrani 9:28

Kristus moos mate isin ida dei baa oras Nia latan isin lolon nodi natiu nola ema raiklaran salan. Nosi ikus, Nia moos atu namaan aan mai nikar iha raiklaran, lahoos atu natiu ema raiklaran salan tenik, mais atu foo moris nima-nimak baa ema hotu-hotu mak naloon baa Nia.

1 Yohanis 1:1

Haꞌu kakerek neꞌe kosi Maromak Manfatin mak Foo Moris. Baa oras laleꞌan no raiklaran sei la iha dauk, Manfatin neꞌe iha kedan tiꞌan. Uluk, Nia nein no Niakaan Ama iha laleꞌan, mais oras neꞌe haꞌu ko haꞌukaan mamaluk sia haree Nia hodi matan duꞌuk tiꞌan. Ami rona Nia hodi tilun duꞌuk tiꞌan. Ami moos kaer Nia hodi liman duꞌuk tiꞌan. Ami bele nunia,

Yudas 1:17

Mamaluk sia mak haꞌu kadomi! Keta haluꞌa lia mamenon mak itakaan Naꞌin Yesus Kristus klosan sia katak kedan baa emi naꞌak, kreꞌis rai falu fila, ema maleuk teen sia atu mosu mai. Sia nahaat itakaan fiar no moris tuir siakaan nawan aat.

Lia Raiklaran Falu Fila 7:10

Sia foti tonun bele-bele naꞌak, “Ami tonu-haboot amikaan Maromak mak nabesi aan iha habesi aan fatin neꞌe. Ami moos foti-hahaas Bibi Malae Oan neꞌe. Sia neꞌe, mak sori ami. Sia neꞌe, mak loke dalan moris bodik ami.”