Ibrani 11:31 - Tetun

³¹ Noo tenik Rahab, mak uluk feto aat iha kota nia. Tan Rahab fiar, nia simu diꞌa-diꞌak ema Israꞌel siakaan ema mak nateke, hotu subar sia iha niakaan uma. Nunia hotu, Naꞌi Maromak nadodok ema Yeriko hotu-hotu, tan sia la noꞌuk nanono baa Nia. Mais Nia sori Rahab, tan niakaan fiar.

Ibrani 11:31 ပူးပေါင်းရင်းမြစ်များ

Mateus 1:1

Hakerek neꞌe katak lia nosi Yesus Kristus, Ema mak Naꞌi Maromak nameno kedan hori uluk atu solok mai. Nia neꞌe, Naꞌi Daud husar-binan no Bei Abraham husar-binan. Nahuu nosi Bei Abraham toꞌo Naꞌi Daud, siakaan husar-binan mane, dalas sanulu resin haat. Siakaan naran, mak neꞌe: Abraham oan, naran Isak. Isak oan, naran Yakob. Yakob oan, naran Yahuda. Yahuda moos sei noo maun-alin tenik.

Mateus 1:5

Salmon oan, naran Boas (Boas inan, naran Rahab). Boas oan, naran Obet (Obet inan, naran Rut). Obet oan, naran Isai.

Kristus Klosan Lian 15:33

Sia nein iha nia kleur oda tiꞌan, ema sarani sia iha nia nabusik sia fila nikar baa ema mak solok sia. Sia nabusik nodi neon diꞌak.

Ibrani 3:18

Ema mak kona hahibun nosi Naꞌi Maromak, toꞌo la bele tama baa rai nia atu nanawa kole namutuk no Nia, see sia? See tenik, kalo lahoos itakaan bei uluk sia. Tan sia la noꞌuk nanono baa Naꞌi Maromak.

Yakobus 2:25

Knaninuk seluk nosi Ina Rahab, mak uluk feto aat. Baa oras ema Yeriko sia buka ema Israꞌel siakaan ema mak nateke sia, Rahab subar sia. Nia naruka sia nalai sai nosi kota tuir dalan seluk, nebee ema keta kohi sia. Tan Rahab niakaan hahalok diꞌak nia, Naꞌi Maromak nafoli nia naꞌak, ema loos.

1 Petrus 2:8

Hakerek no naꞌak, “Noo fatuk ida mak nalo ema sidi ain. Noo fatuk ida mak nalo ema nakloti tan.” Ema nakloti, tan sia la noꞌuk nalo tuir Maromak Manfatin. Hodi nunia, sia netan sotir aat.

1 Petrus 3:20

Matebian nia sia, ema uluk aan mak moris iha raiklaran baa Noh oras. Sia la noꞌuk nanono baa Maromak. Baa oras nia, Noh nalo roo boot ida. Hotu Naꞌi Maromak nei-nein atu naree ema nia sia atu nanono baa Nia ka, lale. Mais sia la noꞌuk. Tan baa nia, ema naꞌin walu dei mak sasin nosi motasaꞌe boot nia.