Ibrani 10:38 - Tetun

³⁸ Ema mak neon moos, atu netan moris, tan fiar baa Haꞌu. Mais, ema mak taliꞌur Haꞌu, Haꞌu la kbeer nia.”

Ibrani 10:38 ပူးပေါင်းရင်းမြစ်များ

Mateus 12:18

‘Haree kokon! Ema neꞌe, mak Haꞌukaan ema ain-liman mak Haꞌu kboi tiꞌan. Haꞌu kadomi nia. Nia nalo Haꞌu neon diꞌak tebes. Haꞌu atu kfoo Haꞌukaan Kmalar baa nia, nebee nia baa nanorin ema klubun hotu-hotu nosi Haꞌukaan dalan moris mak loos.

Mateus 13:21

Mais Manfatin nia la nahabut, tan ema nia la rai iha neon. Baa oras ema seluk nasusar nia tan nia simu Manfatin nia, nia nabusik nela kedan.

Roma 1:17

Manfatin nia natudu Naꞌi Maromak dalan atu naloos ema. Lia nia bele dadi kalo ema fiar baa Nia. Hakerek Moon naꞌak, “Ema musti fiar baa Naꞌi Maromak lai, foin Nia nafoli sia naꞌak, ema loos. Tan ema mak fiar baa Naꞌi Maromak netan moris.”

Galatia 3:11

Mais oras neꞌe ita hatene malorek tiꞌan haꞌak, Naꞌi Maromak la simu ema tan nalo tuir Ukun-badu. Hakerek Moon naꞌak, “Ema mak Naꞌi Maromak nafoli naꞌak, ema loos, nia netan moris tan niakaan fiar.”

1 Tesalonika 2:15

Kleꞌur tiꞌan ema Yahudi balu sakar Naꞌi Maromak. Uluk, oras Nia naruka makoꞌan sia mai, ema Yahudi nasusar no noꞌo sia. Nunia moos, ema Yahudi noꞌo Naꞌi Yesus. Baa oras neꞌe tenik, sia buka dalan atu dudu sai ami. Sia funu ema hotu-hotu, mais Naꞌi Maromak la nakara sia.

Ibrani 10:39

Ita neꞌe lahoos ema mak taliꞌur Naꞌi Maromak. Ema oin nunia kona lelen nosi Nia. Mais ita neꞌe, ema mak fiar baa Nia no hetan moris nohuun ho Nia.

1 Yohanis 2:19

Maksakar nia sia mai nosi itakaan klaran. Mais sia lahoos itakaan ema. Kalo sia tebe-tebes itakaan ema, sia la laꞌo nela ita. Mais tan sia laꞌo nela ita, malorek tiꞌan, sia lahoos itakaan ema.