Ibrani 1:8 - Tetun

⁸ Mais Nia dale seluk tenik, nosi lia Niakaan Oan duꞌuk naꞌak, “O neꞌe, Maromak. O atu tuur baa kadera ukun toꞌo nima-nimak. O atu kaer beran nebee ukun modi neon loos.

Ibrani 1:8 ပူးပေါင်းရင်းမြစ်များ

Mateus 1:23

“Hanono, mai! Feto lawarik ida mak sei la natene mane, atu netan. Hotu nia nahoris mane oan ida. Sia atu nanaran Nia naꞌak, Emanuel.” (Iha lia Ibrani, Emanuel lia isin naꞌak, Naꞌi Maromak namutuk no ita.)

Lukas 1:75

Nia nabusik ita nebee ita bele moris moon no loos iha Niakaan oin nohuun.

Yohanis 10:30

Haꞌu neꞌe ko Haꞌukaan Ama, Ami mesak ida.”

Yohanis 10:33

Sia nataa naꞌak, “Ami atu tuda O, lahoos tan matudu lia kabaas. Mais tan O dale mahaat Naꞌi Maromak. O ema raiklaran, mais O mola aan nuꞌu Naꞌi Maromak!”

Yohanis 20:28

Rona nola nunia, Tomas nataa naꞌak, “Aikee, Ama! Haꞌu kfiar tebes tiꞌan! Ama neꞌe, Haꞌukaan Ulun. Ama moos Haꞌukaan Maromak!”

Roma 9:5

Sia moris nosi itakaan bei uluk, mak Bei Abraham, Bei Isak, no Bei Yakob. (Sia nola naran ꞌIsraꞌelꞌ nosi Bei Yakob naran foun.) Kristus moris nosi siakaan husar-binan. Kristus moos Maromak mak ukun hotu-hotu. Ita tonu-haboot Nia toꞌo nima-nimak. Loos!

1 Korintus 15:25

Kristus musti kaer ukun toꞌo Naꞌi Maromak natoba nola hotu-hotu mak sakar Kristus, nebee sia loꞌu baa Nia.

1 Timotius 3:16

Naꞌi Maromak loke tiꞌan lia funin boot nosi itakaan fiar. Itakaan fiar tatuur nia, nuneꞌe: Kristus namaan aan mai iha raiklaran neꞌe, nola ema raiklaran ilas hanesan ita. Maromak Kmalar dadi saksiin naꞌak, Yesus neꞌe, Ema Moon. Maromak Niakaan makbukar laleꞌan sia naree Nia tiꞌan. Niakaan Lia keke lema tiꞌan, toꞌo baa ema iha fatin hotu-hotu. Iha rai hotu-hotu ema fiar Nia tiꞌan. Naꞌi Maromak foti saꞌe Nia baa laleꞌan, hotu Nia nabesi aan iha fatin kneter. Itakaan fiar tatuur mak nia.

2 Petrus 1:11

Hodi nunia, Naꞌi Maromak foo lia kabaas baa emi, nebee emi bele tama Yesus Kristus hutun-renun no moris nima-nimak ho Nia. Lia neꞌe, kabaas tebes, tan Nia, itakaan Naꞌin. Nia moos, itakaan Maksorin.

1 Yohanis 5:20

Ita hatene, Naꞌi Maromak Oan mai atu nakroma itakaan neon, nebee ita bele hatene Maromak mak loos. Oras neꞌe ita bele kreꞌis ho Nia, tan ita kreꞌis ho Oan, Yesus Kristus. Yesus Kristus moos Maromak mak loos. Nia mak foo moris nima-nimak baa ita.