Filipi 4:20 - Tetun

²⁰ Tan baa nia, ita musti foti-hahaas Ama Maromak naran toꞌo nima-nimak. Nia tebes!

Filipi 4:20 ပူးပေါင်းရင်းမြစ်များ

Mateus 28:20

Hotu hanorin nebee sia nalo tuir ukun hotu-hotu mak Haꞌu katak tiꞌan baa emi. Hanoin diꞌa-diꞌak! Haꞌu kafati ko emi toꞌo rai falu fila.”

Mateus 6:9

Dadi kalo hamulak, tuir knaninuk neꞌe: ‘Amikaan Ama iha laleꞌan! Ita Boot naran mak lulik kaliuk. Nebee ema hotu-hotu foti-nahaas Ita Boot naran.

Roma 11:36

Hotu-hotu nahabut baa Maromak. Hotu-hotu, Nia mak babilan. Hotu-hotu bodik Nia. Ita tonu-haboot Nia toꞌo nima-nimak! Nunia tebes!

Roma 16:27

Nia mesan dei, mak Maromak. Nia mesan dei, mak matenek kaliuk. Tonu-haboot Nia, tan ita talin malu ho Yesus Kristus tiꞌan. Nunia tebes! Haꞌukaan hakerek toꞌo neꞌe dei. Dame, Paulus

Efesus 3:21

Tan lia nia, ita mak Yesus Kristus eman musti foti-hahaas Naꞌi Maromak naran hori nima-nimak toꞌo nima-nimak. Tebes!

Filipi 1:11

Nia duꞌuk mak namoos emikaan neon, nebee emi bele moris loos. Hodi nunia, ema seluk moos foti-nahaas Naꞌi Maromak nodi tonu-naboot Nia.

Filipi 4:23

Haꞌu kakroꞌan nebee itakaan Ulun Yesus Kristus natudu laran diꞌak baa emi hotu-hotu. Haꞌukaan hakerek toꞌo neꞌe dei, Paulus

1 Timotius 1:17

Tonu Naꞌi Maromak! Nia mesan dei, mak Maromak. La noo ida seluk! Nia kaer ukun hori nima-nimak toꞌo nima-nimak. Nia moris hori nima-nimak toꞌo nima-nimak. Nia la natene mate. Ema raiklaran la bele titu nola Nia. Kneter no tonun hotu-hotu, sera baa Nia! Kneter no mose hotu-hotu, latan baa Nia! Tebes.

Yudas 1:25

Nia mesan, Maromak mak loos. Nia mesan mak sori ita nodi itakaan Naꞌin Yesus Kristus. Ita foo kneter hotu-hotu baa Nia. Nia makaꞌas kaliuk. Niakaan beran boot kaliuk. Nia kaer ukun hotu-hotu, hori uluk, baa oras neꞌe, toꞌo nima-nimak. Tebes! Nosi haꞌu, Yudas

Lia Raiklaran Falu Fila 1:6

Hotu, Nia foti ita baa Niakaan renu, nebee ita serwisu bodik Niakaan Ama Maromak. Yesus Kristus makaꞌas nanis! Niakaan beran la nakotu! Neꞌe, tebes!

Lia Raiklaran Falu Fila 11:13

Sarebak, kakekuk boot moris. Uma moos nakroꞌon. Kalo sura uma hotu-hotu iha kota nia, halo baa faꞌek sanulu, faꞌek ida nakroꞌon. Ema naꞌin rihun hitu moos mate. Ema mak la mate, nataꞌuk tebe-tebes. Hotu, sia foo kneter baa Naꞌi Maromak, tan Nia mak kaer ukun iha laleꞌan.

Lia Raiklaran Falu Fila 14:7

Nia nahii makaꞌas naꞌak, “Emi musti hakneter Naꞌi Maromak! Emi musti foti-hahaas Niakaan naran! Tan Naꞌi Maromak oras toꞌo tiꞌan, atu leno ema hotu-hotu hahalok. Tonu-haboot Nia! Foti-hahaas Niakaan naran! Tan Nia mak naseꞌi laleꞌan no raiklaran. Nia mak naruka tasi no wee matan hotu-hotu dadi.”

Lia Raiklaran Falu Fila 5:12

Sia hotu-hotu nananu nodi lian makaꞌas naꞌak, “Ami foti-hahaas Bibi Malae Oan mak kona hoꞌo. Nia mak fatan simu amikaan tonun! Niakaan beran, boot kaliuk. Niakaan sasoin, waꞌin kaliuk. Niakaan kakutak, matenek kaliuk. Niakaan babiit, makaꞌas kaliuk. Ami foti-hahaas Niakaan naran. Ami sera kneter baa Nia. Ami tonu-haboot Nia.”

Lia Raiklaran Falu Fila 7:12

nodi naꞌak, “Tebes! Nunia, tebes! Ami moos tonu-haboot Naꞌi Maromak! Ami moos foti-hahaas Niakaan naran! Naꞌi Maromak hanoin, matenek kaliuk. Naꞌi Maromak beran, boot kaliuk. Naꞌi Maromak makaꞌas, biit kaliuk. Ami sera dodan baa Naꞌi Maromak nohuun. Ami sera kneter baa Ama Maromak nima-nimak.”