Filipi 2:6 - Tetun

⁶ Masik Niakaan ilas manesak no Naꞌi Maromak, Nia moos Ulun manesak no Naꞌi Maromak, mais Nia nabusik Niakaan beran, no la tau Niakaan kneter-taek.

Filipi 2:6 ပူးပေါင်းရင်းမြစ်များ

Mateus 1:23

“Hanono, mai! Feto lawarik ida mak sei la natene mane, atu netan. Hotu nia nahoris mane oan ida. Sia atu nanaran Nia naꞌak, Emanuel.” (Iha lia Ibrani, Emanuel lia isin naꞌak, Naꞌi Maromak namutuk no ita.)

Yohanis 1:18

La noo ema ida mak naree Naꞌi Maromak. Oan mesak duꞌuk mak naree. Oan nia bele nalore Naꞌi Maromak baa ita, tan Nia namutuk kedan no Aman.

Yohanis 10:30

Haꞌu neꞌe ko Haꞌukaan Ama, Ami mesak ida.”

Yohanis 10:33

Sia nataa naꞌak, “Ami atu tuda O, lahoos tan matudu lia kabaas. Mais tan O dale mahaat Naꞌi Maromak. O ema raiklaran, mais O mola aan nuꞌu Naꞌi Maromak!”

Yohanis 10:38

Mais kalo Haꞌu kalaꞌo tebes, emi nokbiit fiar, tan haree tiꞌan tadak blaar mak kaseꞌi. Hodi nunia, emi hatene haꞌak, Haꞌu talin aan ko Haꞌukaan Ama. Nia moos talin aan no Haꞌu.”

Yohanis 14:28

Emi rona tiꞌan Haꞌu kdale kaꞌak, ‘Haꞌu atu klaꞌo kela emi, mais atu mai kikar.’ Kalo emi hadomi Haꞌu, emi musti neon diꞌak bele-bele ho Haꞌu, tan Haꞌu kfila baa Haꞌukaan Ama. Nia makaꞌas liu Haꞌu.

Yohanis 14:9

Yesus katak baa nia naꞌak, “Filipus. Haꞌu kamutuk ko emi kleur tiꞌan. Tan saa emi sei la hatene tebe-tebes Haꞌu? Ema mak naree Haꞌu tiꞌan, nia moos naree Haꞌukaan Ama tiꞌan. Tan saa o sei musu tenik Haꞌu katudu Haꞌukaan Ama baa o?

Yohanis 17:5

Uluk, baa oras raiklaran sei la iha dauk, Haꞌu kamutuk ko Ama. Haꞌukaan kabaas moos manesak no Ama. Oras neꞌe, Haꞌu kusu nebee Ama foti-nahaas Haꞌu, nebee Haꞌu kabaas kikar hanesan Ama.”

Yohanis 20:28

Rona nola nunia, Tomas nataa naꞌak, “Aikee, Ama! Haꞌu kfiar tebes tiꞌan! Ama neꞌe, Haꞌukaan Ulun. Ama moos Haꞌukaan Maromak!”

Yohanis 5:18

Nunia hotu, Yahudi ulun sia nasalak Yesus naꞌak, Nia nakur siakaan ukun-badu loron hanawa serwisu. Liu tenik, sia nasalak Yesus tan Nia katak naꞌak, Niakaan Aman mak Maromak. Nodi dale nunia, Yesus foti aan manesak no Naꞌi Maromak. Tan lia nia, ulun sia hetak buka dalan atu noꞌo Yesus.

Yohanis 5:23

Haꞌukaan Ama nakara, nebee ema hotu-hotu nakneter Haꞌu, nudaar sia nakneter Nia. Ema mak la nakneter Haꞌu, mak Ama Oan neꞌe, ema nia moos la nakneter Ama mak solok Haꞌu kmai.

Roma 9:5

Sia moris nosi itakaan bei uluk, mak Bei Abraham, Bei Isak, no Bei Yakob. (Sia nola naran ꞌIsraꞌelꞌ nosi Bei Yakob naran foun.) Kristus moris nosi siakaan husar-binan. Kristus moos Maromak mak ukun hotu-hotu. Ita tonu-haboot Nia toꞌo nima-nimak. Loos!

2 Korintus 4:4

Oras neꞌe, ema waꞌin naloon baa diabu ulun. Nia nalo balu kakutak naktomak, toꞌo neon naktomak no la fiar baa Naꞌi Maromak. Tan siakaan matan delek nunia, sia la bele naree Naꞌi Maromak Niakaan sinak. Sia la simu Lia Diꞌak nosi Kristus mak mai naroma sia. Masik Kristus ilas ida no Naꞌi Maromak, sia la titu.

2 Korintus 8:9

Emi hatene tiꞌan, itakaan Naꞌin Yesus Kristus natudu laran diꞌak baa emi. Uluk, Nia nuꞌu ema maksoin. Mais Nia boi namukit aan, nebee nasoi emi.

1 Timotius 1:17

Tonu Naꞌi Maromak! Nia mesan dei, mak Maromak. La noo ida seluk! Nia kaer ukun hori nima-nimak toꞌo nima-nimak. Nia moris hori nima-nimak toꞌo nima-nimak. Nia la natene mate. Ema raiklaran la bele titu nola Nia. Kneter no tonun hotu-hotu, sera baa Nia! Kneter no mose hotu-hotu, latan baa Nia! Tebes.

1 Timotius 3:16

Naꞌi Maromak loke tiꞌan lia funin boot nosi itakaan fiar. Itakaan fiar tatuur nia, nuneꞌe: Kristus namaan aan mai iha raiklaran neꞌe, nola ema raiklaran ilas hanesan ita. Maromak Kmalar dadi saksiin naꞌak, Yesus neꞌe, Ema Moon. Maromak Niakaan makbukar laleꞌan sia naree Nia tiꞌan. Niakaan Lia keke lema tiꞌan, toꞌo baa ema iha fatin hotu-hotu. Iha rai hotu-hotu ema fiar Nia tiꞌan. Naꞌi Maromak foti saꞌe Nia baa laleꞌan, hotu Nia nabesi aan iha fatin kneter. Itakaan fiar tatuur mak nia.

Titus 2:13

Oras neꞌe, ita sei hein Yesus Kristus namaan aan mai nikar. Lia nia atu dadi matak-malirin boot bodik ita hotu-hotu, tan ita atu haree ahar boot nosi Naꞌi Maromak mak Boot Kaliuk, no nosi Yesus Kristus itakaan Maksorin.

Ibrani 1:3

Niakaan Oan neꞌe natudu Maromak Niakaan kabaas, hanesan loro matan sinak mak tubu nosi lalenok. Niakaan ilas, oin ida no Maromak. Hodi Niakaan Manfatin makaꞌas, Nia nalaꞌo hotu-hotu iha laleꞌan no raiklaran. Nia moos loke dalan atu kasu mohu ema raiklaran salan, nebee sia dadi moos. Hotu Nia namaan aan saꞌe baa laleꞌan, tuur nabesi aan iha Maromak sorin kwana iha fatik mak kneter kaliuk.

Ibrani 1:6

Baa oras Naꞌi Maromak solok Niakaan Oan makaꞌas kaliuk nia mai raiklaran neꞌe, Nia naruka Niakaan makbukar laleꞌan sia naꞌak, “Hei! Makbukar sia! Emi musti foo kneter, hodi loꞌu-sudur baa Haꞌukaan Oan!”

Ibrani 1:8

Mais Nia dale seluk tenik, nosi lia Niakaan Oan duꞌuk naꞌak, “O neꞌe, Maromak. O atu tuur baa kadera ukun toꞌo nima-nimak. O atu kaer beran nebee ukun modi neon loos.

Ibrani 13:8

Yesus Kristus la filas aan kedan. Nia nafati hori uluk, oras neꞌe, toꞌo nima-nimak.

Lia Raiklaran Falu Fila 21:6

Hotu, Nia katak tenik baa haꞌu naꞌak, “Hotu-hotu mak Haꞌu kameno hori uluk aan, dadi tiꞌan. Haꞌu neꞌe, Alfa toꞌo Omega. Haꞌu neꞌe, Ulun toꞌo Ikun. Hotu-hotu huun nosi Haꞌu, nosi huun toꞌo rohan. Ema hotu-hotu mak nanroo tan nakara moris, Haꞌu karoo sia baa wee matan mak foo moris nima-nimak. Wee nia, Haꞌu kfoo loos dei.