Efesus 5:3 - Tetun

³ Ita neꞌe, Naꞌi Maromak eman mak moris moos. Ita keta moris sasobo. Hanoin lia sasobo moos, keta kedas! Keta halo lia kfoꞌer. Keta rotus teen.

Efesus 5:3 ပူးပေါင်းရင်းမြစ်များ

Mateus 15:19

Lia aat waꞌin sai nosi ema neon! Hanesan hanoin aat, hoꞌo ema, hakur biti-kluni, halo lia kfoꞌer, hanaꞌo, hataa lia tolek, no dale hahaat ema.

Lukas 12:15

Hotu Yesus dale baa ema lear nia naꞌak, “Sintidu! Keta rotus! Tan naha waꞌin la foo moris manek.”

Lukas 16:14

Baa oras nia, noo ema Farisi naꞌin hira mak tuir nanono Yesus dale ohin nia. Sia naleuk Nia, tan sia beer osan.

Kristus Klosan Lian 20:33

Baa oras haꞌu kserwisu iha emikaan klaran, haꞌu la kakara kola emikaan naha sa-saa. Haꞌu la kusu kedan emikaan naha mean, lale mutin, lale tais, lale saa dei.

Roma 1:29

Siakaan moris nakonu no lia aat oi-oik. Sia nalo aat dei, la natene nalo diꞌak. Sia rotus teen. Sia hirus ema. Sia tinuk teen. Sia mahoꞌo ema. Sia makaat aat. Sia bosok teen. Sia tolek teen. Sia dale nahaat ema naran.

Roma 16:2

Haꞌu kusu nebee, emi simu nia diꞌa-diꞌak tan nia moos talin malu no itakaan Naꞌin. Haliku nia diꞌa-diꞌak no hatoꞌo saa mak nia buka, tan lia nia fatan bodik ema sarani. Hori uluk, nia tulun haꞌu ko ema waꞌin.

Roma 6:13

Keta sera isin lolon modi malo lia mak la loos, tan lia nia sala. Mais sera baa Naꞌi Maromak dei, nebee Nia mak babilan o. Nuꞌu o mate tiꞌan, mais moris mikar. Modi okaan isin lolon tomak, malo lia loos bodik Naꞌi Maromak.

1 Korintus 10:8

Ita keta hakur biti-kluni nuꞌu sia. Tan sia nalo lia kfoꞌer hori hirak nia, ema naꞌin rihun rua nulu resin tolu mate mohu baa loron ida dei.

1 Korintus 5:1

Haꞌu krona emi ida nalo lia kfoꞌer. Ema nia niakaan aꞌaat liu tan ema mak la natene Maromak, tan nia nalo foꞌer nikar no aman feen.

1 Korintus 6:13

Knaninuk nuneꞌe: “Hahaak buka kabun. Kabun buka hahaak.” Mais keta haluꞌa haꞌak, nosi ikus Naꞌi Maromak atu nadodok lia kabun no hahaak nia. Knaninuk seluk, itakaan isin lolon duꞌuk. Naꞌi Maromak la nalo itakaan isin lolon nebee ita hodi hakur biti-kluni, mais nebee ita hodi serwisu bodik Nia. Tan Nia mak itakaan Naꞌin. Nia noo beran atu babilan itakaan isin lolon.

1 Korintus 6:18

Kalo o metan leet atu malo lia kfoꞌer, malai mela nia! Sala waꞌin nahaat ema mahalo duꞌuk, no nahaat ema seluk. Mais ema mak nalo lia kfoꞌer, nahaat isin lolon duꞌuk.

2 Korintus 12:21

Kalo haꞌu kmai baa emi, haꞌu kneo-neon tan emikaan hahalok nia sia. Keta toꞌo tan emikaan hahalok, Naꞌi Maromak namoe haꞌu iha emikaan oin. Keta toꞌo haꞌu kmusti katodan emi, tan ema waꞌin nosi emi sei moris nalo aat. Sia la noꞌuk nalo neon aat nodi fila tuir Naꞌi Maromak dalan loos. Sia sasobo! Noo mak nalo lia kfoꞌer no nakur biti kluni. Sia nalo oi-oik, la natene moe.

Efesus 5:12

tan siakaan hahalok kadoor liu resik, toꞌo nalo ita moe.

Efesus 5:5

Hanoin diꞌa-diꞌak! Naꞌi Maromak la simu ema mak moris sasobo, no mak nalo lia kfoꞌer. Nia moos la simu ema rotus teen, tan sia dudu sees Naꞌi Maromak nodi foti nasaꞌe lia seluk sia. Ema oin nunia sia, la bele dadi Kristus eman no la bele dadi Naꞌi Maromak renun.

Filipi 1:27

Masik nunabee moos, emikaan moris musti loos, tan emi neꞌe, Naꞌi Maromak eman. Emi musti moris fatan hodi halo tuir Kristus Manfatin Diꞌak. Kalo haꞌu kfila mai karee emi, haꞌu kakara katene emi moris fatan nafati nunia. Masik haꞌu krona loos lia nia kosi ema moos, bele. Haꞌu kakara katene emi moris neon ida, tan emi talin malu ho Kmalar ida. Haꞌu moos kakara katene emi hariik metin hodi halaꞌok bele-bele Kristus Manfatin Diꞌak, toꞌo ema seluk moos fiar tuir. Masik ema sakar emi, emi la hataꞌuk. Lia nia dadi tadak baa funu sia naꞌak, Naꞌi Maromak atu soe sia. Mais Nia atu sori emi nebee moris nima-nimak ho Nia.

Kolose 3:5

Tan lia nia, emi musti foti soe emikaan beer halo aat sia. Nuꞌu beer makur biti kluni; malo lia kfoꞌer; malo lia sasobo; malo tuir nawan aat; malo aat oi-oik; no rotus ema sasoin. (Kalo o malo tuir lia nia sia, neꞌe hanesan o loꞌu-sudur baa ai no fatuk, modi sesu sai Naꞌi Maromak nosi okaan neon.)

1 Tesalonika 4:3

Naꞌi Maromak nakara nuneꞌe: Moris moon no dook hosi lia kfoꞌer.

1 Tesalonika 4:7

Naꞌi Maromak bolu ita atu dadi Niakaan ema mak moris moon, lahoos ema mak moris hanesan ema mak nalo lia kfoꞌer nia sia.

1 Timotius 3:3

Nia lahoos tua lanuk teen. Nia lahoos maktaꞌe ema. Makonak liu basuk, kalo nia ema mak laran diꞌak, mak nakara dame, no la rotus osan.

1 Timotius 6:10

Aꞌaat oi-oik moris tan ema rotus osan. Ema balu nabuꞌa osan nunia, toꞌo sia sees nela siakaan fiar mak loos no nadodok siakaan moris duꞌuk.

2 Timotius 3:2

Oras nia toꞌo mai, ema nadomi aan duꞌuk dei. Sia rotus osan. Sia loko aan. Sia titu naraik ema. Sia dale lia aat. Sia la rona inan-aman. Sia la natene sera dodan. Sia notar lalek. Sia hirus lia Maromak.

Titus 1:11

Sia dada nola famili balu sees nosi hanorin loos tiꞌan. Sia beꞌur ema atu buka osan. O musti taka ema nia sia ibun, nebee sia keta nalo nunia ona.

Titus 1:7

Tan sarani ulun nalaꞌok Naꞌi Maromak serwisu, nia musti moris moon. Musti noo naran diꞌak. Keta foti ema mak naksaꞌek aan, mak nawan aat, mak kanarak aat, mak tua lanuk aat, makaat aat, no mak rotus osan.

Titus 2:3

Nunia moos, ferik sia. Katak baa sia nebee daka diꞌa-diꞌak siakaan tuur-hariik no moris tuir Naꞌi Maromak hakaran nohuun. Sia keta dale nadois ema naran. Sia keta natoos aan baa tua. Mais sia musti nanorin ema atu moris diꞌak.

Ibrani 12:16

Daka diꞌa-diꞌak, nebee keta emi ida nalo lia kfoꞌer. Nebee keta titu haraik Naꞌi Maromak, hanesan Bei Isak oan ulun Esau. Baa loron nia, Esau fila nodi salaen, hotu nusu haan bikan ida nosi alin Yakob. Tan Esau salaen basuk, nia faꞌan niakaan beran oa ulun, bodik sosa haan bikan ida.

1 Petrus 5:2

Emi hanesan makbalin mak naliku bibi malae. Emi musti haliku diꞌa-diꞌak ema mak Naꞌi Maromak latan baa emi. Keta babilan sia hodi neon baluk, mais babilan hodi neon tomak. Keta babilan sia tan buka sotir, mais babilan tan buka atu halo tuir Naꞌi Maromak hakaran.

2 Petrus 2:10

Nia nanis atu natuun kastikar todan baa ema mak moris sasobo, baa ema mak tuir hakaran duꞌuk, baa ema mak la rona ema, baa ema mak naleuk makaer ukun sia. Naꞌi Maromak nanis kastikar sia. Ema manorik kaleꞌuk ohin nia sia, sia loko aan no naksakar aan liu resik. Sia la nakneter Naꞌi Maromak no la nataꞌuk dale nahaat Nia no Niakaan makbukar laleꞌan sia.

2 Petrus 2:14

Sia matan laka baa feto aat sia. Sia moris nalo aat nohuun. Sia buka ema mak fiar la biit baa Naꞌi Maromak, hotu sia nakair nebee ema sia tuir nalo aat. Sia rotus teen! Nanis Naꞌi Maromak kastikar sia!

2 Petrus 2:3

Sia rotus teen. Sia naseꞌi oi-oik nebee sia bele beꞌur nola emikaan osan. Mais keta haluꞌa, tan Naꞌi Maromak dadi baa Makotu Lia. Nia la toba kois. Hori uluk, Nia nadiꞌa aan tiꞌan atu kastikar sia. Sia nanis dodok.

Lia Raiklaran Falu Fila 2:14

Mais, emi monu baa lia ida-rua, tan emi naꞌin hira tuir Balam hanorin kaleꞌuk. Uluk, Balam nanorin Balak atu sokur ema Israꞌel sia, nebee nakur Naꞌi Maromak beer, toꞌo sia naa hahaak mak sera baa aiꞌoi lulik no nakur biti-kluni.

Lia Raiklaran Falu Fila 2:21

Haꞌu kdeꞌan feto nia hei-hein tiꞌan, nebee laꞌo nela sala nia, mais nia la noꞌuk.

Lia Raiklaran Falu Fila 21:8

Mais, ema seluk sia atu kona soe baa tasi haꞌi fatuk lobot mak laka la nakotu. Sia mak, ema taꞌuk teen, ema mak seꞌi kotuk baa Yesus, ema lisan aat, ema mahalo lia kfoꞌer, ema mahoꞌo ema, ema mak loꞌu-sudur baa aiꞌoi lulik, ema mak nakneko ema, no ema tolek teen. Sia hotu-hotu atu kona kastikar soe baa tasi haꞌi nia. Kastikar nia naꞌak ‘Mate Dala Rua.’ ”

Lia Raiklaran Falu Fila 22:15

Mais ema seluk, la bele tama iha kota nia. Mak lahoos Naꞌi Maromak eman, la bele nein iha nia. Sia neꞌe mak, ema mak la fiar baa Naꞌi Maromak, ema nalo lia kfoꞌer, ema mak loꞌu baa aiꞌoi lulik, ema mak noꞌo ema, ema mak neko ema, no ema tolek teen. Sia hotu-hotu nia, la bele tama. Sia hotu-hotu nia, habusik hela iha luan dei.

Lia Raiklaran Falu Fila 9:21

Sia moos la nanawa nosi sala seluk sia. Sia la nanawa noꞌo ema. Sia la nanawa tau matenek kukun. Sia la nanawa nalo lia kfoꞌer. No sia la nanawa nanaꞌo.