Efesus 3:9 - Tetun

⁹ Hori Naꞌi Maromak naseꞌi raiklaran neꞌe, Niakaan hakaran atu solok Kristus mai nia, sei lia subar. Mais oras neꞌe, Nia nakara naroma ema hotu-hotu neon nebee sia bele natene Niakaan hakaran nia.

Efesus 3:9 ပူးပေါင်းရင်းမြစ်များ

Mateus 10:27

Lia mak haꞌu kanorin baa emi mesan, emi musti katak baa ema hotu-hotu. Lia mak Haꞌu katak no-nook baa emi, emi musti katak hasirin fatin hotu-hotu.

Mateus 13:35

Nia nanorin nunia atu natoꞌo saa mak Maromak makoꞌan nakerek kedan hori uluk naꞌak, “Haꞌu atu kanorin kodi lia hatetek. Haꞌu atu katak lia sia mak ema sei la rona dauk, nahuu hori Naꞌi Maromak naseꞌi raiklaran toꞌo oras neꞌe.”

Mateus 25:34

Baa oras nia, Haꞌu kaer ukun Naꞌin. Haꞌu katak baa ema mak iha Haꞌukaan sorin kwana kaꞌak, ‘Emi neꞌe mak simu matak-malirin hosi Haꞌukaan Ama. Mai tama baa fatin kabaas mak Nia babilan kedan bodik emi. Oras raiklaran sei la iha dauk, Nia babilan kedan tiꞌan fatin Nia bodik emi.

Mateus 28:19

Tan lia nia, emi musti baa raiklaran tomak, katak Haꞌukaan Manfatin Diꞌak baa ema nosi rai hotu-hotu. Hatudu dalan nebee sia dadi baa Haꞌukaan ema. Sarani sia nebee foo tadak naꞌak sia talin malu tiꞌan no Ama, no Niakaan Oan, no Niakaan Kmalar Lulik.

Lukas 24:47

Oras neꞌe, Haꞌu klatan beran baa emi nebee emi hodi Manfatin Diꞌak nia baa ema iha rai-rai, nahuu nosi Yerusalem neꞌe. Katak baa sia haꞌak, ema mak nalo neon aat tan siakaan salan no fila baa Naꞌi Maromak, Naꞌi Maromak nanis kasu mohu siakaan salan hotu-hotu.

Yohanis 10:30

Haꞌu neꞌe ko Haꞌukaan Ama, Ami mesak ida.”

Yohanis 5:17

Mais Yesus katak baa sia naꞌak, “Nuneꞌe. Haꞌukaan Ama la natene nanawa serwisu. Tan baa nia, Haꞌu moos serwisu bei-beik.”

Yohanis 5:19

Mais Yesus katak baa sia naꞌak, “Rona, tan Haꞌukaan dalen neꞌe, tebes no loos: Haꞌu la kserwisu tuir Haꞌukaan beer duꞌuk, mais Haꞌu kserwisu tuir saa mak karee kosi Haꞌukaan Ama iha laleꞌan. Haꞌukaan Ama nalo lia ida, Haꞌu moos kalo tuir nunia.

Roma 11:25

Mamaluk iha Roma sia! Emi musti hatene lia neꞌe mak uluk sei lia subar. Mais kalo hatene tiꞌan, keta kakaku aan hodi haneo haꞌak, emi matenek. Lia subar nia nuneꞌe: oras neꞌe, ema Yahudi sia neon monas no la noꞌuk fiar baa Yesus. Mais la nunia bei-beik. Tan kalo ema seluk hotu-hotu fiar baa Yesus tiꞌan, ema Yahudi sia moos fiar baa Nia.

1 Korintus 2:7

Ami hanorin hodi matenek nosi Naꞌi Maromak. Uluk, lia nia sei subar. Mais oras neꞌe, Naꞌi Maromak nakotu tiꞌan atu nalore baa ita, tan hori uluk aan, Nia nakotu kedan naꞌak, ita moos simu fafaꞌek hosi Niakaan makaꞌas.

Efesus 1:4

Naꞌi Maromak sei la naseꞌi raiklaran dauk, Nia nadomi ita no boi kedan ita dadi baa Kristus eman mak moris moos iha Niakaan oin.

Efesus 3:2

Emi hatene tiꞌan haꞌak, Naꞌi Maromak solok haꞌu, tan nakara natudu laran diꞌak baa emi mak lahoos Yahudi sia.

Efesus 6:19

Keta haluꞌa hamulak no bodik haꞌu. Nebee, Naꞌi Maromak foo lia fuan makonak baa haꞌu, nebee haꞌu kbele katak malorek Niakaan Lia Diꞌak baa ema seluk sia.

Kolose 1:23

Surak emi haterus aan ho emikaan fiar. Kaer metis fiar nia, nebee keta nawae. Keta hakiduk hosi Manfatin Diꞌak mak emi simu tiꞌan nia. Ema nalore tiꞌan Manfatin Diꞌak nia iha raiklaran tomak. Naꞌi Maromak moos solok haꞌu, Paulus neꞌe, nebee haꞌu moos baa kalore Manfatin Diꞌak nia.

Kolose 1:26

Hori uluk fohon, ema rona tiꞌan Maromak Manfatin, mais sia la natene malorek dauk Manfatin nia isin, tan Manfatin isin sei lia subar. Mais oras neꞌe, Naꞌi Maromak nakotu tiꞌan atu loke fore Manfatin nia isin bodik Niakaan ema. Manfatin nia, folin boot kaliuk bodik ema klubun hotu-hotu iha raiklaran neꞌe. Manfatin nia, mak neꞌe: Naꞌi Maromak nakara nebee, Kristus moris iha emikaan neon. Lia nia mak nalo emi fiar nohuun haꞌak, Nia atu nalo lia diꞌak bodik emi iha laleꞌan. Lia neꞌe mak ita ema raiklaran hein hori uluk aan.

Kolose 3:3

Baa oras Kristus mate, nuꞌu emi moos tuir mate tiꞌan. Neꞌe naꞌak, emikaan moris foun nia atu nafati, tan emi talin malu ho Kristus mak namutuk no Naꞌi Maromak iha laleꞌan.

Kolose 4:3

Keta haluꞌa hamulak bodik ami, hodi hakroꞌan nebee Naꞌi Maromak loke dalan baa ami atu bele katak baa ema hosi lia Kristus mak uluk sei lia subar. Hanoin! Haꞌu ktama bui neꞌe, tan haꞌu katak lia Kristus baa ema.

2 Tesalonika 2:13

Mamaluk sia! Ami hamulak hodi sera dodan bei-beik baa Naꞌi Maromak, tan Nia nadomi emi. Hori Nia sei la naseꞌi raiklaran dauk, Nia nakotu tiꞌan atu sori emi. Hotu Nia natuun Niakaan Kmalar atu namoos emi, tan emi fiar hanorin loos.

1 Timotius 3:16

Naꞌi Maromak loke tiꞌan lia funin boot nosi itakaan fiar. Itakaan fiar tatuur nia, nuneꞌe: Kristus namaan aan mai iha raiklaran neꞌe, nola ema raiklaran ilas hanesan ita. Maromak Kmalar dadi saksiin naꞌak, Yesus neꞌe, Ema Moon. Maromak Niakaan makbukar laleꞌan sia naree Nia tiꞌan. Niakaan Lia keke lema tiꞌan, toꞌo baa ema iha fatin hotu-hotu. Iha rai hotu-hotu ema fiar Nia tiꞌan. Naꞌi Maromak foti saꞌe Nia baa laleꞌan, hotu Nia nabesi aan iha fatin kneter. Itakaan fiar tatuur mak nia.

2 Timotius 1:9

Naꞌi Maromak sori nola ita nosi itakaan salan, no boi nola ita dadi Niakaan ema moon. Masik ita la halo sa-saa moos, ita bele simu Niakaan dadiꞌak nia. Naꞌi Maromak sei la naseꞌi raiklaran dauk, Nia nakotu tiꞌan atu solok Yesus Kristus mai, nebee natudu laran diꞌak nodi sori ita.

2 Timotius 4:17

Masik hotu-hotu laꞌo nela haꞌu moos, Naꞌi Maromak lale. Nia nakbiit haꞌu, nebee haꞌu kbele katak Niakaan Manfatin kodi la mukit saa ida. Haꞌu katak nunia baa ema lahoos Yahudi sia, nebee sia moos bele rona. Haꞌu moos kakbois sai hosi dinu boot.

1 Petrus 1:20

Oras Naꞌi Maromak sei la naseꞌi raiklaran dauk, Nia nakotu kedan lia nosi Kristus. Mais uluk, Nia la natudu dauk lia Kristus baa ema raiklaran. Oras neꞌe, foin Nia natudu. Hodi nunia, Kristus dadi matak-malirin bodik emi.

Lia Raiklaran Falu Fila 13:8

Tan baa nia, ema hotu-hotu iha raiklaran sudur baa buat krakat aat nia. Neꞌe mak, ema hotu-hotu mak naran la iha Bibi Malae Oan Hakerek. Uluk, ema noꞌo Bibi Malae Oan nia, mais Naꞌi Maromak nalo moris nikar. Baa oras Naꞌi Maromak la naseꞌi raiklaran dauk, Nia nakerek kedan ema makfiar hotu-hotu naran iha hakerek nia naꞌak, sia mak atu moris no Nia toꞌo nima-nimak.

Lia Raiklaran Falu Fila 14:6

Hotu, haꞌu ktitu-karee makbukar laleꞌan naꞌin ida tenik. Nia semo aas iha kaloꞌan, nodi keke Naꞌi Maromak Manfatin Diꞌak mak nafati nohuun. Nia semo satan nola raiklaran, katak baa ema hotu-hotu iha raiklaran. Neꞌe mak, ema nosi klubun hotu-hotu, ema nosi hunun hotu-hotu, no ema mak dale nodi lia hotu-hotu nosi rai hotu-hotu.

Lia Raiklaran Falu Fila 17:8

Uluk, buat meak nia moris iha raiklaran, mais oras neꞌe la iha tiꞌan. La kleur, nia mosu nikar nosi kuak susar mak la noo nidin nia. Baa oras nia, noo ema mak moris iha raiklaran, mak naran la iha Bibi Malae Oan Hakerek. Hakerek nia, Naꞌi Maromak nakerek uluk tiꞌan, hori sei la naseꞌi raiklaran dauk. Baa oras ema titu-naree buat meak nia mai nikar, sia atu nakaka beik. Mais nosi ikus, Naꞌi Maromak atu soe lakon nia baa tasi haꞌi mak laka bei-beik.”

Lia Raiklaran Falu Fila 4:11

“Aaa, Naꞌi Maromak! Ami tonu-haboot Ita Boot! Ami foti-hahaas Ita Boot naran. Ita Boot mak amikaan Naꞌin. Ita Boot mak amikaan Maromak! Ita Boot mak fatan simu amikaan tonun. Ita Boot mak fatan simu amikaan kneter. Tan, Ita Boot mak Beran Kaliuk. Tan, Ita Boot mak Boot Kaliuk. Ita Boot mak haseꞌi hotu-hotu. Ita Boot mak halo hotu-hotu moris. Hotu-hotu mak iha, dadi tan Ita Boot mak haseꞌi. Hotu-hotu mak moris, noo nawan tan Ita Boot mak foo.”