2 Timotius 4:18 - Tetun

¹⁸ Nosi ikus, Naꞌi Maromak atu nasai haꞌu nosi aꞌaat hotu-hotu, no nalaꞌo haꞌu diꞌa-diꞌak tama laleꞌan. Iha nebaa, Nia mak kaer ukun. Naꞌi Maromak boot kaliuk! Haꞌu ktonu no foti-kahaas Nia nima-nimak! Tebes!

2 Timotius 4:18 ပူးပေါင်းရင်းမြစ်များ

Lia Uluk Fohon 48:16

Maromak sori haꞌu tiꞌan nosi maufinu oi-oik. Tan lia nia, haꞌu moos kaloon, nebee Nia natuun matak-malirin baa oan neꞌe sia no siakaan husar-binan. Hanoin. Kalo sia namulak baa Maromak, sia keta naluꞌa temi bei Abraham naran, no bei Isak naran no haꞌukaan naran! Hodi nunia, siakaan husar-binan hetak waꞌin tuꞌan, dadi klubun boot iha raiklaran neꞌe!”

Mateus 13:43

Mais ema mak nalo tuir Naꞌi Maromak hakaran, sia atu nein nima-nimak no siakaan Ama Naꞌi iha laleꞌan. Iha nia, sia naksinak nakroma hanesan loro. Rona mai! Ema mak noꞌuk nanono baa Haꞌu, taꞌan tilun diꞌa-diꞌak!”

Mateus 25:34

Baa oras nia, Haꞌu kaer ukun Naꞌin. Haꞌu katak baa ema mak iha Haꞌukaan sorin kwana kaꞌak, ‘Emi neꞌe mak simu matak-malirin hosi Haꞌukaan Ama. Mai tama baa fatin kabaas mak Nia babilan kedan bodik emi. Oras raiklaran sei la iha dauk, Nia babilan kedan tiꞌan fatin Nia bodik emi.

Mateus 6:13

Daka ami nebee ami keta halo aat. Sori ami mosi diabu niakaan aꞌaat. [Tan Ita Boot beran kaliuk, makaꞌas kaliuk. Ita Boot mak kaer ukun hori nima-nimak toꞌo nima-nimak. Nunia tebes. Amen.]’

Lukas 11:4

Nebee, Ama naluꞌa lakon amikaan salan sia, hanesan ami moos haluꞌa lakon ema salan baa ami. Nebee, Ama daka ami, keta monu baa aat.”

Lukas 12:32

Hotu Yesus natutan tenik naꞌak, “Emi hanesan bibi malae klibur kiꞌik ida mak biit lalek. Mais keta hataꞌuk, tan emikaan Ama iha laleꞌan, Naꞌi Boot. Saa mak Niakaan, Nia nakara foo baa oan sia.

Lukas 22:29

Haꞌukaan Ama foti Haꞌu tiꞌan atu kaer ukun iha Niakaan Fohorai. Oras neꞌe Haꞌu moos foti emi

Yohanis 17:15

Haꞌu la kusu Ama foti sai Haꞌukaan ema neꞌe sia nosi raiklaran. Mais Haꞌu kusu Ama daka sia, nebee nadook aan nosi aꞌaat huun.

Roma 11:36

Hotu-hotu nahabut baa Maromak. Hotu-hotu, Nia mak babilan. Hotu-hotu bodik Nia. Ita tonu-haboot Nia toꞌo nima-nimak! Nunia tebes!

Roma 16:27

Nia mesan dei, mak Maromak. Nia mesan dei, mak matenek kaliuk. Tonu-haboot Nia, tan ita talin malu ho Yesus Kristus tiꞌan. Nunia tebes! Haꞌukaan hakerek toꞌo neꞌe dei. Dame, Paulus

1 Korintus 1:21

Mais Maromak Niakaan matenek, makaꞌas kaliuk. Masik ema raiklaran siakaan matenek oin nunabee moos, sia la bele nodi sukat Maromak. Maromak nodi Niakaan matenek foo dalan bodik ema raiklaran no sori sia nosi sala. Hori uluk, Nia nakotu tiꞌan atu solok Niakaan ema sia atu natoꞌo lia nia baa ema hotu-hotu, nebee sia bele fiar baa Nia. Nia nanoin naꞌak, “Masik ema raiklaran filak Haꞌukaan ema sia naꞌak, momok moos, Haꞌu ksolok sia bei-beik atu baa keke Haꞌukaan lia loos.” Tebes. Ema raiklaran sia la simu Naꞌi Maromak eman neꞌe sia. Sia moos nafolin Maromak dalan naꞌak, momok basuk. Ema Yahudi waꞌin la simu, tan sia nakara loos tadak blaar atu naree Maromak beran. Ema Yunani waꞌin la simu, tan sia nakara rona loos lia matenek mak tama baa siakaan kakutak duꞌuk.

1 Korintus 10:13

Kalo o kona sokur, manoin, tan ema seluk moos kona sokur nunia tiꞌan. Mais o bele fiar baa Naꞌi Maromak nebee Nia nalaꞌok saa mak Nia dale. Nia la nabusik o kona sokur liu nosi okaan babelen, tan Nia atu foo dalan sasin baa o. Nia beer nalo o materus aan, nebee o keta monu.

1 Korintus 15:50

Mamaluk sia! Oras neꞌe, haꞌu katak baa emi lia nuneꞌe: iha raiklaran neꞌe, itakaan isin lolon dadi nosi raan no ruin, tan tuir ilas dala uluk. Hodi ilas nunia, ita la bele moris iha laleꞌan no la bele simu sasoin mak Naꞌi Maromak rai hein bodik Niakaan renu. La bele! Tan ilas nunia, atu mate, hotu aat karin. La bele simu sasoin mak nafati nohuun.

2 Korintus 1:10

Nia mak sori ami nosi lia aat sia baa oras ami kreꞌis mate. Ami haloon baa Nia haꞌak, Nia moos nakara sori emi nunia.

Galatia 1:5

Tan baa nia, ita tonu-haboot Nia nohuun! Lia neꞌe, tebes!

1 Tesalonika 5:23

Haꞌu kamulak kodi kakroꞌan, nebee Naꞌi Maromak namoos emikaan neon no laran. Nia mak nalo ita bele dame malu. Hodi nunia, oras itakaan Naꞌin Yesus Kristus namaan aan mai nikar, ita bele hariik iha Niakaan oin hodi isin moos no kmalar moos. Nia bolu ita dadi baa Niakaan ema moos. Ita bele fiar haꞌak, Nia nanis nalo nunia baa ita, tan Nia atu nalaꞌok saa mak Nia nameno tiꞌan.

2 Tesalonika 3:3

Tan Naꞌi Maromak kaer Niakaan mamenon, ami fiar haꞌak, Nia atu nakbiit emi no lituk emi nosi aꞌaat.

1 Timotius 1:17

Tonu Naꞌi Maromak! Nia mesan dei, mak Maromak. La noo ida seluk! Nia kaer ukun hori nima-nimak toꞌo nima-nimak. Nia moris hori nima-nimak toꞌo nima-nimak. Nia la natene mate. Ema raiklaran la bele titu nola Nia. Kneter no tonun hotu-hotu, sera baa Nia! Kneter no mose hotu-hotu, latan baa Nia! Tebes.

1 Timotius 6:16

Nia mesan mak la mate. Nia moris iha kroman mak ema raiklaran la bele terus. La noo ema raiklaran ida kois mak bele titu nola Nia. Sera kneter hotu-hotu baa Nia nima-nimak! Nia kaer beran hotu-hotu iha liman nima-nimak! Nunia tebes!

2 Timotius 1:12

Oras neꞌe, haꞌu ktama bui tiꞌan tan Manfatin nia. Mais haꞌu la kmoe! Tan haꞌu katene see mak haꞌu kfiar baa neꞌe, Naꞌi Yesus duꞌuk. Nia mak rai serwisu neꞌe baa haꞌu, nodi foo babelen nebee haꞌu kbele kalaꞌok toꞌo Nia mai nikar.

2 Timotius 4:1

Loron ikus, oras Yesus Kristus namaan aan mai nikar raiklaran neꞌe, nia atu kaer ukun hanesan naꞌin. Ema mak moris no ema mak mate tiꞌan sia bele-bele nasoru Nia, nebee Nia tetu siakaan moris. Tan baa nia, haꞌu kusu baa o iha Naꞌi Maromak oin no Yesus Kristus oin, nebee o baa katak Manfatin Diꞌak baa ema. Madiꞌa aan nohuun baa oras nabee dei. Matudu ema salan, surak modi neon naruk. Makbiit ema neon, modi hanorin loos.

Ibrani 11:16

Rai moris fatik mak sia beer nia, neꞌe mak rai moris fatik kabaas liu iha laleꞌan. Tan sia haloon nunia, Naꞌi Maromak simu sia diꞌa-diꞌak atu dadi baa Niakaan ema. Nia moos nadiꞌa kedan kota ida bodik sia iha laleꞌan.

Ibrani 12:22

Mais oras neꞌe, dalan baa Naꞌi Maromak nakloke tiꞌan toꞌo ita bele dale duꞌuk ho Nia. Oras neꞌe, ita mai iha foho ida naran Sion. Iha nia moos noo kota Yerusalem. Lahoos kota Yerusalem iha raiklaran, mais kota Yerusalem foun iha laleꞌan, mak Naꞌi Maromak Niakaan tofatik. Iha nia, Niakaan makbukar laleꞌan waꞌin lo-loos nadahur bele-bele.

Yakobus 2:5

Mamaluk sia mak haꞌu kadomi! Naꞌi Maromak boi ema mukit iha raiklaran neꞌe, nebee siakaan fiar bele dadi hanesan sasoin. Nia moos boi sia tama baa Niakaan hutun-renu, tuir saa mak Nia nameno bodik ema mak nadomi Nia.

1 Petrus 1:5

Nia nodi Niakaan beran boot atu daka ita, toꞌo la no saa ida kois mak bele nadodok ita. Oras rai falu fila, Nia atu nalore hotu-hotu mak Nia nalo kedan bodik ita.

1 Petrus 5:11

Ita haloon nebee Nia kaer beran hotu-hotu toꞌo nima-nimak. Tebes!

2 Petrus 1:11

Hodi nunia, Naꞌi Maromak foo lia kabaas baa emi, nebee emi bele tama Yesus Kristus hutun-renun no moris nima-nimak ho Nia. Lia neꞌe, kabaas tebes, tan Nia, itakaan Naꞌin. Nia moos, itakaan Maksorin.

2 Petrus 3:18

Diꞌak liu, emikaan fiar hetak naktubu. Nebee emi hetak kreꞌis ho itakaan Naꞌin no itakaan Maksorin, Yesus Kristus. Nebee Nia hetak natudu laran diꞌak baa emi. Nebee ema hotu-hotu foti-nahaas Nia, baa oras neꞌe toꞌo nima-nimak! Dame, Petrus

Yudas 1:1

Tabe nosi haꞌu, Yudas. Haꞌu neꞌe, itakaan Naꞌin Yesus Kristus ain-liman. Haꞌu moos, Yakobus alin. Haꞌu kakerek neꞌe bodik ema hotu-hotu mak Ama Maromak boi tiꞌan. Nia nadomi emi. No Yesus Kristus moos babilan emi nohuun.