2 Timotius 4:14 - Tetun

¹⁴ Aleksander, badaen riti besi nia, nalo aat waꞌin baa haꞌu tiꞌan. Habusik baa, tan Naꞌi Maromak mak selu tuir niakaan hahalok nia.

2 Timotius 4:14 ပူးပေါင်းရင်းမြစ်များ

Roma 12:19

Mamaluk sia mak haꞌu kadomi! Keta selu aat baa ema. Habusik Naꞌi Maromak mak selu baa sia. Tan Nia nahibu kalo ema nalo aat. Hakerek Moon naꞌak, “Itakaan Naꞌin duꞌuk mak dale naꞌak, Haꞌu mak koo beran atu selu aat baa ema. Tan Haꞌu mak koo beran atu katuun kastikar baa ema.”

Roma 2:6

O moris nunabee, Naꞌi Maromak moos selu tuir nunia.

2 Tesalonika 1:6

Tan Nia neon loos, Nia moos selu nikar ema mak nasusar emi nunia.

1 Timotius 1:20

Himeneus no Aleksander siakaan fiar, nunia tiꞌan! Tan baa nia, haꞌu klatan sia baa diabu ulun, atu kanorin sia nebee keta nahaat Naꞌi Maromak naran.

2 Timotius 4:15

Sintidu mo ema nia, tan nia sakar bei-beik itakaan lia fuan.

1 Yohanis 5:16

Kalo emi haree maluk ida nalo sala, diꞌak liu, hamulak hodi husu nebee Naꞌi Maromak tulun nia netan moris. Haꞌu kdale neꞌe, nosi sala mak la nodi ema baa mate. Mais noo sala seluk mak nodi ema baa mate. Haꞌu la karuka emi hamulak, kalo noo sala oin nunia.

Lia Raiklaran Falu Fila 18:20

Hotu, haꞌu krona kola lia maliak boot ida dale nuneꞌe: ‘Hei, emi mak moris iha laleꞌan! Emi lalika neon kiꞌik tenik ona. Hei, emi mak dadi Naꞌi Maromak eman sia, emi lalika neon susar tenik ona. Emi, mak dadi Naꞌi Maromak klosan sia, neon boot baa ona. Emi, mak dadi Maromak makoꞌan sia, neon diꞌak baa ona. Uluk, ema Babel nasusar emi. Uluk, ema kota nia naloot emi. Mais oras neꞌe, Naꞌi Maromak selu emikaan susar nia tiꞌan. Oras neꞌe, Nia selu nikar kota nia niakaan aꞌaat tiꞌan.’ ”

Lia Raiklaran Falu Fila 18:6

Musti selu nikar siakaan aꞌaat, manesak no aꞌaat mak sia nalo baa ema seluk. Mais musti selu baa sia dala rua. Uluk, sia seten ema nemu nosi siakaan hemu fatik halo hosi mean. Hemu fatik nia nakonu tua mak nahoris dinu. Oras neꞌe sia musti nemu duꞌuk tua nia, mais musti nemu dala rua.

Lia Raiklaran Falu Fila 6:10

Sia nahii naꞌak, “Aaa Maromak, amikaan Naꞌin Makaꞌas! Ita Boot mak Moon! Ita Boot mak Loos! Mais ami musti hein toꞌo wain hira tenik, foin Ita Boot kastikar ema mak noꞌo ami iha raiklaran?”