2 Timotius 1:4 - Tetun

⁴ Haꞌu ksei kanoin o luun turu, baa oras ita rua faꞌe malu. Tan baa nia, kalo haꞌu kasoru kikar o, haꞌu neon diꞌak.

2 Timotius 1:4 ပူးပေါင်းရင်းမြစ်များ

Yohanis 16:22

Emi moos nunia. Oras neꞌe, emi tanis hodi neon susar. Mais la kleur, Haꞌu kmai karee kikar emi, foin emi neon boot lo-loos. La noo ema ida kois mak bele nadau nola neon boot nia nosi emi.

Yohanis 16:24

Toꞌo oras neꞌe, emi sei la husu dauk sa-saa hodi Haꞌukaan naran. Husu baa dei, nebee emi simu. Hodi nunia, emikaan neon boot lo-loos.”

Kristus Klosan Lian 20:19

Emi moos hatene haꞌu kserwisu bodik Naꞌi Maromak iha emikaan klaran. Haꞌu la dala ida kfoti aan. Haꞌukaan luun turu waꞌin. Haꞌu moos ketan susar waꞌin, kosi ema Yahudi siakaan aꞌaat.

Kristus Klosan Lian 20:31

Tan lia nia, emi musti daka aan diꞌa-diꞌak. Keta haluꞌa, haꞌu kein kamutuk ko emi tinan tolu laran. Haꞌu la koran kole tateꞌan emi loron-kalan. Haꞌukaan luun moos turu waꞌin tiꞌan, tan emi.

Roma 1:11

Kamulak nunia, tan haꞌu kbeer karee emi, atu kakbiit emikaan neon kodi Naꞌi Maromak Kmalar Lulik beran, nebee emi dadi Naꞌi Maromak eman mak fiar hetak biit.

Filipi 1:8

Naꞌi Maromak duꞌuk natene naꞌak, haꞌu kanoin emi tebe-tebes, tan haꞌu kadomi emi nuꞌu Yesus Kristus nadomi ita.

Filipi 2:26

tan nia beer basuk atu naree nikar emi. Nia neo-neon baa emi, tan nia natene emi rona tiꞌan haꞌak, nia noꞌi moras.

1 Tesalonika 2:17

Mamaluk sia! Baa oras neꞌe, ita dook baa malu. Mais dook baa matan dei, neon lale. Ami buka leet atu mai tone emi tenik, tan ami hanoin emi basuk.

2 Timotius 4:21

Timo, marui aan, nebee oras rai malirin sei la toꞌo dauk, o mai tiꞌan. Mamaluk iha neꞌe sia, mak neꞌe: Ebulus, Pudes, Linus no Bii Klaudia. Sia hotu-hotu foo tabe baa emi no baa mamaluk sarani rumak sia.

2 Timotius 4:9

Timo! Mai lai-lais maree haꞌu lai!

1 Yohanis 1:4

Ami solok hakerek neꞌe baa emi, nebee emi bele neon boot. Hodi nunia, amikaan neon moos hetak boot.

Lia Raiklaran Falu Fila 21:4

Nia atu noꞌas namara siakaan luun, hotu sia la tanis ona. Iha kota nia, moras la iha ona. Iha kota nia, mate moos la iha ona. Tan hotu-hotu mak nasusar ema hori uluk, la iha ona. Tan hotu-hotu mak naloot ema hori uluk, lakon mohu ona.”

Lia Raiklaran Falu Fila 7:17

Bibi Malae Oan mak kreꞌis habesi aan fatin nia, atu dadi siakaan makbalin. Nia atu nalaꞌo nodi sia, baa nemu iha wee matan mak nalo ema moris nohuun. Naꞌi Maromak moos atu kasu mohu siakaan susar, nebee sia la tanis ona.”