2 Tesalonika 3:3 - Tetun

³ Tan Naꞌi Maromak kaer Niakaan mamenon, ami fiar haꞌak, Nia atu nakbiit emi no lituk emi nosi aꞌaat.

2 Tesalonika 3:3 ပူးပေါင်းရင်းမြစ်များ

Lia Uluk Fohon 48:16

Maromak sori haꞌu tiꞌan nosi maufinu oi-oik. Tan lia nia, haꞌu moos kaloon, nebee Nia natuun matak-malirin baa oan neꞌe sia no siakaan husar-binan. Hanoin. Kalo sia namulak baa Maromak, sia keta naluꞌa temi bei Abraham naran, no bei Isak naran no haꞌukaan naran! Hodi nunia, siakaan husar-binan hetak waꞌin tuꞌan, dadi klubun boot iha raiklaran neꞌe!”

Mateus 5:37

Kalo o makara mamate menon, katak dei maꞌak, ‘Tebes’. Kalo la makara, katak dei maꞌak ‘Lale’. Kalo maꞌak liu tan tenik, lia nia nahabut baa diabu.”

Mateus 6:13

Daka ami nebee ami keta halo aat. Sori ami mosi diabu niakaan aꞌaat. [Tan Ita Boot beran kaliuk, makaꞌas kaliuk. Ita Boot mak kaer ukun hori nima-nimak toꞌo nima-nimak. Nunia tebes. Amen.]’

Lukas 11:4

Nebee, Ama naluꞌa lakon amikaan salan sia, hanesan ami moos haluꞌa lakon ema salan baa ami. Nebee, Ama daka ami, keta monu baa aat.”

Yohanis 17:15

Haꞌu la kusu Ama foti sai Haꞌukaan ema neꞌe sia nosi raiklaran. Mais Haꞌu kusu Ama daka sia, nebee nadook aan nosi aꞌaat huun.

1 Korintus 1:9

Naꞌi Maromak nanis nalaꞌok lia mak Nia nameno, tan Nia loke dalan tiꞌan baa emi nebee bele moris kreꞌis ho Niakaan Oan Yesus Kristus, itakaan Naꞌin.

1 Korintus 10:13

Kalo o kona sokur, manoin, tan ema seluk moos kona sokur nunia tiꞌan. Mais o bele fiar baa Naꞌi Maromak nebee Nia nalaꞌok saa mak Nia dale. Nia la nabusik o kona sokur liu nosi okaan babelen, tan Nia atu foo dalan sasin baa o. Nia beer nalo o materus aan, nebee o keta monu.

2 Timotius 4:18

Nosi ikus, Naꞌi Maromak atu nasai haꞌu nosi aꞌaat hotu-hotu, no nalaꞌo haꞌu diꞌa-diꞌak tama laleꞌan. Iha nebaa, Nia mak kaer ukun. Naꞌi Maromak boot kaliuk! Haꞌu ktonu no foti-kahaas Nia nima-nimak! Tebes!

1 Petrus 5:10

Mais hanoin, tan Naꞌi Maromak nakara natudu laran diꞌak baa emi. Nia bolu nola emi atu dadi baa Niakaan ema, tan emi tuir Kristus tiꞌan. Tan lia nia, Nia atu foti-nahaas emi, nebee emi bele moris nima-nimak ho Nia. Dadi kalo emi hetan susar, la oras dei, tan Naꞌi Maromak atu tulun emi. Nia atu nakbiit emi, nodi foo babelen baa emi nebee emi bele hariik metin.

2 Petrus 2:9

Knaninuk nia sia natudu naꞌak, kalo ema nanono baa Naꞌi Maromak, Naꞌi Maromak nakara sori nola sia nosi sokur oi-oik. Mais Nia moos nakara taa ukun todan baa ema mak moris kaleꞌuk. Nia atu nalo bei-beik nunia toꞌo oras Nia nabesi aan leno ema hotu-hotu moris.

Yudas 1:24

Tonu-haboot Naꞌi Maromak! Tan Nia mak noo beran atu lituk ita, nebee ita la hakloti. Nia mak noo beran atu nalaꞌo ita, nebee ita hariik iha Niakaan oin, la hoo sala ona, la sasobo ona. Ita neon boot lo-loos hariik iha Niakaan oin, hodi haree Niakaan ahar maksinak.