2 Tesalonika 2:2 - Tetun

² Mais noo ema mak katak naꞌak, Naꞌi Yesus namaan aan mai nikar tiꞌan. Keta kona beꞌur nunia. Masik ema naꞌak, sia netan lia nia nosi Maromak Kmalar ka, sia rona nosi ema ka, sia netan hakerek nosi ami ka, keta fiar! Tan bosok!

2 Tesalonika 2:2 ပူးပေါင်းရင်းမြစ်များ

Mateus 24:24

Ema atu mosu mai nodi basa karas naꞌak, ‘Haꞌu neꞌe, Kristus!’ Balu tenik naꞌak, ‘Haꞌu neꞌe, Maromak makoꞌan.’ Sia atu naseꞌi tadak blaar oi-oik nodi diabu beran toꞌo tolek nola ema. Sia sokur kokon, nebee Naꞌi Maromak eman sia moos bele kona beꞌur!

Markus 13:7

Mais, lalika hataꞌuk kalo emi haree ema natuda malu, lale emi rona haꞌak ema natuda iha fatin hotu-hotu. Hahalok oi-oik nunia, musti mosu uluk lai, foin rai falu fila.

Lukas 21:19

Mais kalo emi haterus aan bei-beik, Naꞌi Maromak nanis sori emi.”

Lukas 21:9

Kalo rona lia naꞌak, ema rakut malu no natuda malu iha nabee dei, lalika sarebak. Tebes! Lia nia sia hotu-hotu musti dadi, mais rai falu fila sei la toꞌo dauk.

Yohanis 14:1

Hotu, Yesus dale tuꞌan tenik naꞌak, “Keta hanoin waꞌin. Emi fiar baa Naꞌi Maromak tiꞌan, dadi emi moos musti fiar baa Haꞌu.

Yohanis 14:27

Kalo Haꞌu kbaa tiꞌan, Haꞌu kfoo baa emi moris manek no dame. Moris oin nunia la mai nosi raiklaran, mais mai nosi Haꞌu duꞌuk. Dadi, keta haneo waꞌin no hataꞌuk.

1 Korintus 1:8

Nia nakbiit emi atu bele haterus aan, toꞌo oras Nia mai nikar raiklaran neꞌe, emi bele hariik iha Niakaan oin hodi neon moos.

1 Korintus 14:32

Hanoin diꞌa-diꞌak. Ema mak natoꞌo Naꞌi Maromak mamenon, sia musti natene babilan aan. Hodi nunia, sia bele seluk malu, tan sia natene netu aan.

1 Korintus 7:26

Oras neꞌe ita hasoru susar oi-oik. Dadi, kalo ema moris nunabee tiꞌan, moris nunia ona. Nuneꞌe:

Efesus 5:6

Keta kona beꞌur hosi ema mak dale bosok naꞌak, “Lalika moris moos!” Naꞌi Maromak nanis nahibu ema mak la moris tuir Niakaan beer nunia.

1 Tesalonika 3:3

Hodi nunia, emi bele kaer metin emikaan fiar, no la kakoen hasoru susar. Emi hatene haꞌak, ema mak fiar Kristus nanis netan susar.

1 Tesalonika 4:15

Loron ikus, Naꞌi Yesus namaan aan nosi laleꞌan tuun mai raiklaran, noo lia maliak makaꞌas ida naruka. Makbukar laleꞌan ulun moos naruka nebee huu kfui. Hotu Naꞌi Yesus ema mak mate tiꞌan sia moris nikar. Sia niꞌit aan namutuk no ita mak sei moris neꞌe, saꞌe baa kaloꞌan atu simu Naꞌi Yesus namaan mai nia. Hotu, ita hotu-hotu moris ho Nia nima-nimak. Rona diꞌa-diꞌak! Lia mak ami katak neꞌe, Naꞌi Maromak duꞌuk mak katak.

1 Tesalonika 5:2

Tan emi hotu-hotu hatene tiꞌan, Niakaan mamain nia teki-tekis, hanesan ema naꞌok mai baa kalan.

2 Tesalonika 2:15

Tan lia nia, emi musti haterus aan, mamaluk sia! Kaer diꞌa-diꞌak hanorin hotu-hotu mak ami hanorin tiꞌan no ami hakerek tiꞌan baa emi.

2 Tesalonika 3:17

Haꞌu kakerek lia fuan tatakan neꞌe sia, kodi haꞌukaan liman duꞌuk, nebee emi bele hatene haꞌak, hakerek neꞌe tebe-tebes nosi haꞌu. Iha haꞌukaan hakerek seluk sia, haꞌu moos kalo nunia.

Lia Raiklaran Falu Fila 19:20

Mais, ema maksaꞌe kuda mutik nia, kohi nola buat nia no niakaan makoꞌan tolek teen nia. Uluk, makoꞌan nia nalo tadak blaar oi-oik nodi tolek ema, nebee simu niakaan marak no loꞌu baa niakaan aiꞌoik. Mais, oras neꞌe, ema maksaꞌe kuda mutik nia, leꞌak lerek buat krakat aat nia no niakaan makoꞌan baa haꞌi tasi fatuk lobot mak laka la nakotu.