2 Petrus 3:5 - Tetun

^5-7 Sia dale nunia tebes, mais noo lia ida mak sia nodi fudi la nanoin. Lia nia mak neꞌe: hori uluk fohon Naꞌi Maromak dale loos dei, hotu laleꞌan dadi kedas. Nia moos naseꞌi raiklaran nosi wee. Hotu, Nia naketak rai maran no wee. Kleu-leur, baa bei Noh niakaan oras, Naꞌi Maromak moos nodi wee nalo motasaꞌe nadodok nola ema hotu-hotu. Naꞌi Maromak nakotu kedan saa mak Nia atu nalo baa laleꞌan no raiklaran. Oras neꞌe Nia sei la nalo dauk, tan Nia netu aan. Mais toꞌo baa niakaan oras, Nia atu sunu mohu laleꞌan no raiklaran. Nia moos atu natuun kastikar nodi nadodok mohu ema mak taliꞌur baa Nia.

2 Petrus 3:5 ပူးပေါင်းရင်းမြစ်များ

Lia Uluk Fohon 1:6

Hotu, Maromak katak tenik naꞌak, “Musti noo fatin mamuk atu hodi keta faꞌe wee, nebee noo wee iha leten no wee iha ohak.” Katak notu, wee moos naketak aan faꞌe baa rua.

Lia Uluk Fohon 1:9

Hotu, Maromak katak tenik naꞌak, “Wee iha ohak musti naklibur aan fatin ida, nebee noo rai maran!” Katak notu, rai maran moos dadi.

Roma 1:28

Sia naneo naꞌak, “Lalika talin malu ho Naꞌi Maromak.” Etuk, Naꞌi Maromak seꞌi kotuk no nabusik nela sia nalo tuir siakaan hakara dei! Sia naneo loos lia aat nodi nalo lia mak la tuir dalan!

Kolose 1:17

Hotu-hotu sei la iha dauk, Kristus iha kedan tiꞌan. Hotu-hotu mak iha, Nia mak babilan.

Ibrani 11:3

Ita fiar haꞌak, Naꞌi Maromak mak naseꞌi raiklaran no laleꞌan mak ita haree baa oras neꞌe. Nia naseꞌi lahoos nodi buat mak iha kedan mak ema raiklaran bele naree, mais naseꞌi nodi Niakaan Manfatin dei.