2 Petrus 3:10 - Tetun

¹⁰ La noo ema ida kois mak natene oras nabee itakaan Naꞌin atu namaan aan mai nikar. Tan Nia atu mai teki-tekis, nuꞌu ema naꞌok tama uma. Baa oras nia, sasoin hotu-hotu iha laleꞌan namotuk mohu. Loro, fulan no fitun hotu-hotu lakon! Nunia moos, raiklaran no sasoin sia hotu-hotu. Namotuk bele-bele!

2 Petrus 3:10 ပူးပေါင်းရင်းမြစ်များ

Mateus 24:35

Masik laleꞌan no raiklaran lakon mohu moos, Haꞌukaan Manfatin neꞌe nafati nohuun.”

Markus 13:31

Masik laleꞌan no raiklaran lakon mohu, Haꞌukaan Manfatin nafati nohuun!”

Lukas 12:39

Hanoin diꞌa-diꞌak! Kalo uma naꞌin natene tuku hira ema naꞌok atu mai, nia la foo leet baa naꞌok sobu uma.

Roma 8:20

Uluk aan, raiklaran no sasoin hotu-hotu kona kastikar toꞌo sia la no folin. Lia nia, lahoos siakaan beer, mais tan Naꞌi Maromak natuun kastikar nunia. Masik nunia moos, sia sei neo-neon baa,

1 Korintus 1:8

Nia nakbiit emi atu bele haterus aan, toꞌo oras Nia mai nikar raiklaran neꞌe, emi bele hariik iha Niakaan oin hodi neon moos.

1 Korintus 5:5

Hotu latan ema nia baa diabu ulun, nebee kleu-leur nia duꞌuk soe lakon aꞌaat nia. Hodi nunia, baa oras itakaan Naꞌin namaan aan mai nikar, Nia bele sori nola ema nia.

2 Korintus 1:14

Masik baa oras neꞌe, emi foin hatene balu, nosi ikus, oras itakaan Naꞌin Yesus Kristus mai nikar, haꞌu kfiar emi bele hatene hotu. Hodi nunia, emi bele neon boot tan ami, hanesan ami moos neon boot tan emi.

1 Tesalonika 5:2

Tan emi hotu-hotu hatene tiꞌan, Niakaan mamain nia teki-tekis, hanesan ema naꞌok mai baa kalan.

1 Tesalonika 5:4

Mamaluk sia! Keta arumak Niakaan mamain nia saꞌe tan emi, hanesan naꞌok mai baa kalan boot oras ema toba dukur. Keta nunia! Tan ita la moris iha makukun ona, hanesan ema mak toba dukur sia. Ita mak fiar baa Yesus moris iha kroman tiꞌan. Ita musti hadiꞌa aan atu simu Nia, hodi daka isin lolon diꞌa-diꞌak. Lia neꞌe sia hotu-hotu, emi hatene tiꞌan!

2 Petrus 3:11

Kalo hotu-hotu atu namotuk bele-bele nunia, ita musti moris oin nunabee? Ita musti moris moos hodi tuir Naꞌi Maromak hakaran.

2 Petrus 3:12

Ita musti hei-hein Naꞌi Maromak namaan aan mai. Hakaꞌas aan nebee loron nia toꞌo lai-lais. Baa oras nia, laleꞌan namotuk mohu. Sasoin hotu-hotu iha laleꞌan moos namotuk toꞌo nawee karin.

Yudas 1:6

Knaninuk seluk nosi lia Naꞌi Maromak Niakaan makbukar laleꞌan. Naꞌi Maromak latan beran baa sia, mais noo kladik. Sia balu noran la toꞌo, hotu nakur liu siakaan beran nia. Tan baa nia, Naꞌi Maromak kesi sia no neti natoos sia iha fatin makukun, nebee sia nein iha nia toꞌo oras Naꞌi Maromak tetu ema hotu-hotu moris.

Lia Raiklaran Falu Fila 16:15

Fatin mak sia meno atu libur malu nodi natuda, tuir lia Ibrani fatin nia naꞌak “Armagedon”. Yesus Kristus moos dale naꞌak, “Hanoin diꞌa-diꞌak! Sarebak Haꞌu kmai hanesan ema naꞌok, mak ema la nanoin nola. Ema mak sotir, ema mak daka nodi nadiꞌa niakaan faru tiꞌan. Nodi nunia, oras Haꞌu kmai, nia la moe, tan la laꞌo nakwalan iha ema lear oin. Mais nadiꞌa aan tiꞌan atu simu Haꞌu.”

Lia Raiklaran Falu Fila 20:11

Nunia hotu, haꞌu ktitu-karee habesi aan fatin mutin boot ida. Naꞌi Maromak nabesi aan baa. Sarebak, raiklaran no laleꞌan nalai karin, toꞌo lakon mohu la bele haree tenik.

Lia Raiklaran Falu Fila 21:1

Hotu, haꞌu ktitu-karee laleꞌan foun no raiklaran foun, tan laleꞌan tuan no raiklaran tuan lakon mohu tiꞌan. Tasi moos la iha tiꞌan.

Lia Raiklaran Falu Fila 3:3

Keta haluꞌa hanorin loos mak emi simu tiꞌan hori uluk nia. Tuir tebe-tebes Naꞌi Maromak beer hodi laꞌo hela emikaan salan. Kalo emi la halo lai-lais nunia, emi la hadiꞌa aan baa oras Haꞌu kmai kikar. Tan Haꞌu kmai teki-tekis, nuꞌu ema naꞌok mak emi la hanoin hola.

Lia Raiklaran Falu Fila 6:14

Haꞌu moos titu-karee laleꞌan naksaki faꞌe rua, hotu naklulun hanesan biti toꞌo mohu. Foho no rai hotu-hotu moos nakdoko toꞌo lakon.