2 Petrus 1:6 - Tetun

⁶ Ita hetak kreꞌis ho Nia, mais keta tuka baa nia dei, tan ita moos musti babilan aan toꞌo moris hetu aan. Ita moris hetu aan, mais keta tuka baa nia dei, tan ita moos musti haterus aan iha susar laran. Ita haterus aan iha susar laran, mais keta tuka baa nia dei, tan ita moos musti halo lia hotu-hotu tuir Naꞌi Maromak hakaran.

2 Petrus 1:6 ပူးပေါင်းရင်းမြစ်များ

Lukas 21:19

Mais kalo emi haterus aan bei-beik, Naꞌi Maromak nanis sori emi.”

Lukas 8:15

Mais fini mak monu baa rai isin, nuꞌu ema neon loos. Nia rona Maromak Manfatin, hotu rai diꞌa-diꞌak baa neon. Hodi nunia, nia fiar nohuun nodi nalo lia diꞌak waꞌin.”

Kristus Klosan Lian 24:25

Nia moos nalore dalan nebee ema bele moris loos no dalan nebee ema bele daka aan keta monu baa sala. Nia moos nalore nosi lia Naꞌi Maromak tetu ema hotu-hotu moris dalan oras rai falu fila. Rona nola nunia, gubernur Feliks moos nataꞌuk tebes. Hotu nia dale baa Paulus naꞌak, “Paulus! Toꞌo ona. Leet seluk, foin haꞌu kbolu kikar o.”

Roma 15:4

Hotu-hotu mak Naꞌi Maromak naruka ema nakerek iha Hakerek Moon dadi hanorin bodik ita. Hanorin nia natudu dalan nebee ita haterus aan no neon boot. Ita moos bele haloon baa Naꞌi Maromak hodi neon metin.

Roma 2:7

Ema mak nalo diꞌak bei-beik, Naꞌi Maromak foo moris nima-nimak. Sia simu kneter, naran diꞌak, no moris toꞌo nima-nimak.

Roma 8:25

Mais kalo ita sei neo-neon baa lia ida mak sei la dadi dauk, ita musti haterus aan hodi hein bei-beik.

1 Korintus 9:25

Ema mak tuir sita malu musti rona baa manorik nodi tuir niakaan ukun. Sia narui aan makaꞌas nebee netan sabeo sita malu, masik sabeo nia, la oras naklaik mohu. Mais ita harui aan atu hetan lia mak nafati nima-nimak.

2 Korintus 6:4

Ami halo lia hotu-hotu nunia atu hatudu haꞌak, ami neꞌe, Naꞌi Maromak ain-liman mak diꞌak. Masik ami hetan susar ka, ami moris iha tokar lauk klaran ka, ami haterus aan halaꞌok Niakaan serwisu bei-beik.

Galatia 5:23

ita halo hahalok mamar, no ita daka aan diꞌa-diꞌak. La noo ukun-badu ida kois mak badu lia neꞌe sia.

Kolose 1:11

Ami moos hamulak hodi hakroꞌan nebee Naꞌi Maromak natuun Niakaan beran makaꞌas, nebee emi bele hatiu lia hotu-hotu hodi heti neon. Nebee emikaan neon diꞌak bei-beik, toꞌo emi sera dodan baa Ama Maromak, tan Nia loke dalan atu sori emi nosi beran aat mak moris iha kukun laran. Nia latan Oan Yesus Kristus nebee selu nola emi, no kasu mohu emikaan salan. Hotu, Nia foti Oan dadobe nia, dadi baa emikaan Naꞌin, nebee emi bele simu fafaꞌek hosi sasoin iha laleꞌan. Sasoin nia, Naꞌi Maromak atu foo baa ema mak natene Yesus Kristus no ema mak moris iha kroman laran.

1 Tesalonika 1:3

Ami moos hanoin serwisu mak emi halaꞌok, tan emi fiar baa Yesus no hadomi Nia. Emi haterus aan ho serwisu nia sia hodi haloon baa Nia. Ami sera lia nia sia hotu-hotu baa Naꞌi Maromak, itakaan Ama.

2 Tesalonika 1:4

Ami dale lia nosi emi baa Naꞌi Maromak eman sia iha fatin hotu-hotu haꞌak, masik ema tonan nasusar emi moos, emi haterus aan hodi fiar nohuun.

2 Tesalonika 3:5

Ami hakroꞌan, nebee Naꞌi Yesus babilan emi, nebee emi bele hetak hatene Naꞌi Maromak dadomin no hetak haterus susar, hanesan Kristus naterus susar.

1 Timotius 2:2

Hamulak bodik naꞌin no ulun sia. Hodi nunia, ita hotu-hotu bele moris mamatek no dame, tuir Naꞌi Maromak hakaran. Tan moris nunia, fatan bodik ema mak loꞌu-sudur baa Nia.

1 Timotius 3:16

Naꞌi Maromak loke tiꞌan lia funin boot nosi itakaan fiar. Itakaan fiar tatuur nia, nuneꞌe: Kristus namaan aan mai iha raiklaran neꞌe, nola ema raiklaran ilas hanesan ita. Maromak Kmalar dadi saksiin naꞌak, Yesus neꞌe, Ema Moon. Maromak Niakaan makbukar laleꞌan sia naree Nia tiꞌan. Niakaan Lia keke lema tiꞌan, toꞌo baa ema iha fatin hotu-hotu. Iha rai hotu-hotu ema fiar Nia tiꞌan. Naꞌi Maromak foti saꞌe Nia baa laleꞌan, hotu Nia nabesi aan iha fatin kneter. Itakaan fiar tatuur mak nia.

1 Timotius 6:11

Timo! O neꞌe, Naꞌi Maromak niakaan. Tan baa nia, o musti moris nuneꞌe: Moris moon, dook mosi lia aat hotu-hotu. Tuir Naꞌi Maromak hakaran hotu-hotu. Fiar baa Yesus Kristus bei-beik. Madomi ema hotu-hotu. Materus aan mo susar. Moris furak mo ema hotu-hotu.

1 Timotius 6:3

Itakaan hanorin loos neꞌe, dadi tatuur baa moris dalan mak tuir Naꞌi Maromak hakaran hotu-hotu. Ema mak nanorin seluk, dudu sees Naꞌi Yesus Kristus hanorin loos.

1 Timotius 6:6

Tebes! Kalo ita moris tuir Naꞌi Maromak hakaran hodi horan toꞌo no saa mak iha, ita hetan sotir boot hanesan ema maksoin.

2 Timotius 3:5

Sia nalo aan moon, mais mamuk, tan Naꞌi Maromak beran la noo iha siakaan neon. Timo, o keta kreꞌis baa ema nunia sia.

Titus 1:1

Oa Titus mak diꞌak! Hakerek neꞌe nosi haꞌu, Paulus, mak Naꞌi Maromak ain-liman no Yesus Kristus klosan. Naꞌi Maromak solok haꞌu atu kaliku ema mak Nia boi atu fiar baa Nia. Nia moos solok haꞌu atu kanorin dalan moris mak loos, nebee Niakaan ema sia bele natene moris tuir Niakaan hakaran. Hodi nunia, sia bele moris namutuk no Nia nima-nimak. Naꞌi Maromak sei la naseꞌi raiklaran neꞌe dauk, Nia nameno tiꞌan atu nalo nunia. Tebes. Nia la naktolek. Toꞌo baa niakaan oras, Nia foo natene naꞌak, Nia nakara sori ema nosi siakaan salan, nebee sia bele moris no Nia nima-nimak. Hotu, Nia naruka haꞌu atu katak Niakaan Manfatin nia bodik ema hotu-hotu. Titus! Tuir haꞌu, o nuꞌu haꞌukaan oan duꞌuk, tan o mo haꞌu fiar bele-bele baa Kristus. Haꞌu kamulak baa itakaan Ama Maromak no itakaan Maksorin Yesus Kristus, nebee natudu laran diꞌak baa o, nebee o bele moris manek no dame.

Titus 1:8

Sarani ulun musti laran maluak. Musti nakara lia diꞌak. Musti moris mamatek. Musti ema mak la kliꞌis sorin baluk. Musti neon moon. Musti natene netu aan.

Titus 2:2

Katak baa katuas sia, nebee sia moris netu aan. Sia musti daka naran diꞌak, no moris mamatek. Sia musti fiar metin baa hanorin loos. Sia musti nadomi ema seluk.

Ibrani 10:36

Haterus aan baa dei! Kalo emi halaꞌok tuir Naꞌi Maromak hakaran hotu-hotu, emi simu hotu-hotu mak Nia nameno baa emi tiꞌan.

Ibrani 12:1

Dadi nunabee, baa ita mak sei moris neꞌe? Ita hanesan ema mak nalai sita. Itakaan bei uluk mak fiar baa Naꞌi Maromak, sia hanesan ema mahobun mak nariik nalik, atu foo babiit baa ita. Mais kalo ita sei tatalik ho sala, ita halai todan. Ita musti soe hela sala hotu-hotu, nebee ita bele halai biit. Naꞌi Maromak duꞌuk mak boi ita atu tuir sita malu neꞌe. Dadi ita musti haterus aan halai toꞌo marak rohan.

Ibrani 6:12

Surak, keta baruk teen! Haninu ema mak fiar kleur tiꞌan baa Naꞌi Maromak. Tan sia naloon nohuun baa Nia, toꞌo sia simu nola saa mak Nia nameno tiꞌan baa sia.

2 Petrus 1:3

Naꞌi Maromak bolu nola ita dadi baa Niakaan ema mak moris tuir Niakaan hakara. Kalo ita kreꞌis ho Nia, Nia nodi Niakaan beran makaꞌas, foo lia hotu-hotu mak ita buka atu moris loos tuir Niakaan hakara nia.

2 Petrus 3:11

Kalo hotu-hotu atu namotuk bele-bele nunia, ita musti moris oin nunabee? Ita musti moris moos hodi tuir Naꞌi Maromak hakaran.

Lia Raiklaran Falu Fila 1:9

Tan ita fiar bele-bele haꞌak, Yesus, itakaan Naꞌin, etuk haꞌu kdadi emikaan maluk. Ema balu krakat tan ita tuir Yesus, mais Yesus nakbiit itakaan neon, toꞌo ita bele haterus aan bei-beik. Sia moos krakat haꞌu, tan haꞌu katak Naꞌi Maromak Manfatin baa ema, kodi kanorin lia Yesus. Tan lia nia, sia kohi nodi soe haꞌu tiꞌan baa rai neꞌe, mak naran Patmoos.

Lia Raiklaran Falu Fila 13:10

Kalo Naꞌi Maromak nakotu tiꞌan naꞌak, ema ida musti kona kohi, ema nia nanis kona kohi. Kalo Naꞌi Maromak nakotu tiꞌan naꞌak, ema ida kona hoꞌo hodi surik, ema nia nanis kona hoꞌo hodi surik.” Tan baa nia, Naꞌi Maromak eman sia musti naterus aan iha susar laran, hodi fiar bei-beik baa Nia.

Lia Raiklaran Falu Fila 14:12

Tan baa nia, Naꞌi Maromak eman sia musti nanono diꞌa-diꞌak Niakaan ukun, no fiar bei-beik baa Yesus. Keta nakiduk.

Lia Raiklaran Falu Fila 2:2

Karee tiꞌan emikaan moris iha kota Efesus. Emi haterus aan hodi serwisu susi ruin bodik Naꞌi Maromak. Oras ema aat mai iha emikaan klaran, emi dudu sai. Oras ema mai naktolek naꞌak, nia mak Haꞌukaan klosan, emi leno diꞌa-diꞌak niakaan moris, toꞌo hatene hola niakaan tolek teen. Hotu, emi dudu sai, la hanono nia.