2 Petrus 1:19 - Tetun

¹⁹ Lia fuan nia sia nalo ami hetak fiar baa lia mamenon mak ami simu hola hosi Maromak makoꞌan uluk aan sia. Diꞌak liu, emi moos hanono baa siakaan lia mamenon, tan lia nia sia nuꞌu badut mak laka iha fatin makukun. Hanono baa sia, toꞌo Yesus namaan aan mai nikar. Oras nia, foin emi hatene malorek lia nia sia, hanesan ema ida mak uluk titu-naree fitun naꞌin dei, mais oras neꞌe, loro saꞌe tiꞌan, naroma hotu-hotu.

2 Petrus 1:19 ပူးပေါင်းရင်းမြစ်များ

Mateus 4:16

Sia moris iha makukun laran, mais oras neꞌe, sia naree Kroman tiꞌan. Oras neꞌe, Kroman naksinak tiꞌan bodik ema hotu-hotu mak sei la natene dauk Naꞌi Maromak.”

Yohanis 5:35

Yohanis nia, hanesan badut lolon ida mak nakroma iha makukun. Baa oras sei nakroma, emi neon diꞌak. Mais neon diꞌak nia, la oras dei.

Yohanis 5:39

Loron-loron emi leno lotu-lotuk Hakerek Moon, tan emi buka dalan baa moris loos hosi Hakerek nia. Tuir loos, Hakerek Moon nia natebes lia nosi Haꞌu.

Yohanis 8:12

Hotu Yesus dale nikar tenik no ema lear naꞌak, “Haꞌu neꞌe, kroman bodik ema raiklaran. Ema mak tuir Haꞌu la moris iha makukun ona, mais nein iha kroman mak natudu dalan baa moris.”

Kristus Klosan Lian 15:29

Keta halo lia kfoꞌer. Keta haa naꞌan sera baa kukun. Keta haa naꞌan raan. Keta haa naꞌan mak ema nisak noꞌo. Kalo emi daka isin lolon hodi tuir lia nia sia, emikaan maun-alin Yahudi sia la nakribi emi. Hodi nunia, emi bele kahur malu diꞌa-diꞌak ho sia. Amikaan hakerek, nunia dei. Dame!”

Kristus Klosan Lian 17:11

Sia naree ema Yahudi iha kota Berea seluk nosi ema Yahudi iha kota Tesalonika. Ema Yahudi iha kota Berea beer rona lia nosi Yesus. Sura loron sia leno Hakerek Moon toꞌo lotu-lotuk atu nodi natene Paulus dalen nia tebes ka lale.

Ibrani 2:2

Uluk, Naꞌi Maromak nodi Niakaan makbukar laleꞌan, katak Niakaan lia menon baa itakaan bei uluk sia. Lia menon nia, tebes. Mais kalo bei uluk sia nakur, sia nanis kona kastikar.

Yakobus 2:8

Diꞌak liu, tuir ukun-badu kabaas iha Hakerek Moon mak naꞌak, “Hadomi ema seluk, nudaar hadomi isin lolon duꞌuk.”

1 Petrus 1:10

Maromak makoꞌan uluk aan sia katak kedan lia nosi Naꞌi Maromak laran diꞌak nia baa emi. Masik sia katak kedan nunia moos, sia sei buka bei-beik atu natene liu nosi lia Naꞌi Maromak sori ema.

1 Yohanis 5:10

Kalo ema ida fiar baa Naꞌi Maromak Oan, neꞌe naꞌak, nia simu tiꞌan saa mak Naꞌi Maromak dale nosi Oan nia. Mais ema mak la fiar, ema nia nalo Naꞌi Maromak baa maktolek teen, tan nia la simu saa mak Naꞌi Maromak dale duꞌuk nosi Niakaan Oan naꞌak,

3 Yohanis 1:6

Oras neꞌe, sia mai nikar tiꞌan. Sia nasara baa hutun sarani iha neꞌe naꞌak, o simu sia modi laran maluak. Haꞌu kusu nebee o tulun bei-beik ema nuꞌu sia nia, tan hahalok nunia nalo Naꞌi Maromak neon diꞌak.

Lia Raiklaran Falu Fila 2:28

Haꞌu moos atu foo fitun naꞌin baa emi.

Lia Raiklaran Falu Fila 22:16

Haꞌu neꞌe, Yesus. Haꞌu, mak solok makbukar laleꞌan nia atu nalore lia neꞌe sia hotu-hotu, nebee o baa katak Haꞌukaan Manfatin baa ema sarani klubun hitu nia. Haꞌu neꞌe, Naꞌi Daud husar-binan. Haꞌu neꞌe, Naꞌi makaer ukun. Haꞌukaan kroman lakan, boot kaliuk hanesan Fitun Lorosaꞌe. Haꞌukaan sinak, biit kaliuk hanesan Fitun Naꞌin.”