2 Korintus 7:13 - Tetun

¹³ Lia nia mak nakbiit haꞌukaan neon. Emi moos hakbiit Titus neon, nebee metin. Tan emi halo nunia, amikaan neon moos hetak biit.

2 Korintus 7:13 ပူးပေါင်းရင်းမြစ်များ

Roma 12:15

Kalo ema neon diꞌak, ho sia neon diꞌak bele-bele. Kalo ema tanis tan neon todan, ho sia tanis bele-bele.

Roma 15:32

Kalo Naꞌi Maromak nakara, haꞌu kbele mai karee emi kodi neon diꞌak, nebee haꞌu kbele kanawa sala-sala lai hodi hakbiit malu neon.

1 Korintus 12:26

Kalo rohan ida netan susar, rohan seluk sia tuir susar bele-bele. Kalo rohan ida netan kneter, rohan seluk sia tuir neon diꞌak bele-bele.

1 Korintus 16:13

Daka aan diꞌa-diꞌak! Haterus aan hodi fiar bei-beik baa Naꞌi Maromak! Keta hataꞌuk! Hakbiit aan!

1 Korintus 16:18

Sia nakbiit haꞌukaan neon, nuꞌu sia moos nakbiit emikaan neon. Ita musti hakneter ema oin nunia sia.

2 Korintus 2:13

Masik nunia moos, haꞌukaan neon la nakmetin, tan haꞌukaan maluk Titus sei la mai dauk nodi lia nosi emi. Tan baa nia, haꞌu kbaa sale ema makfiar sia iha Troas, hotu haꞌu kbaa rai Makedonia.

2 Korintus 2:3

Tan lia nia, haꞌu kfoo hakerek uluk nia, kaꞌak, haꞌu ksei la tone dauk emi. Haꞌu ksei kein toꞌo emi hahulin mohu emikaan lia lai, foin haꞌu ktone. Hodi nunia, haꞌu lalika neon susar tan emikaan lia aat nia sia. Tuir dalan loos, emi musti halo haꞌu neon diꞌak. Malorek tiꞌan baa haꞌu kaꞌak, kalo haꞌu neon diꞌak, neꞌe naꞌak, emi moos neon diꞌak.

2 Korintus 7:14

Uluk, haꞌu ktonun emi iha Titus oin. Haꞌu moos katak baa nia kaꞌak, emi la isin ida dauk hamoe haꞌu. Saa mak ami katak baa emi, tebes. Saa mak ami katak baa Titus hosi emi moos, tebes.

2 Korintus 7:15

Sura nia nanoin nola emikaan hahalok no emikaan dalen, nia hetak nadomi emi. Nia moos nanoin, oras nia baa emi, emi simu nia hodi kneter, masik emi neo-neon baa haꞌukaan hakerek nia.

2 Korintus 7:6

Mais tan Naꞌi Maromak nakara nakbiit ema neon mak noran todan, Nia nakbiit amikaan neon nodi solok Titus mai nikar baa ami.

Filipi 2:28

Tan lia nia, haꞌu kakara solok fila nia tone, nebee emi bele hasoru hikar malu hodi neon diꞌak. Nunia, foin haꞌukaan neon bele noku.

2 Timotius 1:16

Mais Onesiforus lale. O matene baa oras haꞌu ksei iha kota Efesus, nia tulun haꞌu bei-beik. Oras neꞌe, nia iha kota Roma tiꞌan. Oras nia toꞌo mai, nia nasirin fatin hotu-hotu buka haꞌu, foin nia netan haꞌu iha bui laran. Mais nia la moe. Nia mai naree haꞌu bei-beik atu nakbiit haꞌukaan neon. Tan lia nia, haꞌu kamulak kodi kakroꞌan, nebee Naꞌi Maromak natudu laran diꞌak baa Onesiforus no familin hotu-hotu. Nebee, baa oras rai falu fila Naꞌi Maromak nakotu ema raiklaran lian, Nia moos nakotu lia diꞌak bodik Onesiforus sia.

Filemon 1:20

Tebes mau! Tan ita talin malu ho itakaan Naꞌin, haꞌu kusu nebee mau tulun haꞌu baa lia neꞌe. Simu diꞌa-diꞌak Onesimus. Hodi nunia, haꞌukaan neon bele metin. Haꞌukaan neon moos bele biit, tan ita talin malu nunia ho Kristus.

Filemon 1:7

Mau! Okaan dadomin nia, nakbiit haꞌu no nalo haꞌu neon diꞌak. Okaan dadomin nia moos, nakbiit ema makfiar waꞌin neon.

1 Petrus 3:8

Mamaluk sia! Lia rohan nuneꞌe: Emi musti moris neon ida. Kalo emi ida netan susar, emi rumak sia musti tuir horan. Kalo noran neon diꞌak, emi rumak sia moos musti tuir horan. Hadomi mamaluk makfiar sia. Haraik aan hodi hatudu laran diꞌak baa malu.