1 Yohanis 2:20 - Tetun

²⁰ Mais emi oin seluk hosi sia. Emi simu tiꞌan Naꞌi Maromak Kmalar Lulik. Nia babilan emi, toꞌo emi hatene hanorin loos hotu-hotu.

1 Yohanis 2:20 ပူးပေါင်းရင်းမြစ်များ

Mateus 13:11

Yesus nataa naꞌak, “Emi neꞌe beer hatene tebe-tebes Naꞌi Maromak ukun. Tan lia nia, Haꞌu kloke malorek lia hatetek nia isin baa emi. Mais, kalo ema seluk, Haꞌu kanorin kodi lia hatetek dei.

Markus 1:24

“Hoi! Yesus, ema Nasaret! O mai malo saa!? O moo lia saa mo ami!? O mai keen karin ami baa saa! Ami hatene O neꞌe, ema moon nia mak Naꞌi Maromak nameno atu solok mai.”

Lukas 4:18

“Naꞌi Maromak Kmalar Lulik natuun beran baa Haꞌu. Nia boi Haꞌu atu katak Manfatin Diꞌak baa ema susar. Nia solok Haꞌu atu katak kaꞌak, ema bui, atu sai; ema delek, atu naree; ema mak oin kraik, atu foti ulun.

Lukas 4:34

“Hoi Yesus, ema Nasaret! O moo lia saa mo ami! O mai atu madodok ami ka? Ami hatene O. O neꞌe, Ema Moon mak uluk Naꞌi Maromak nameno atu solok mai.”

Yohanis 14:26

Mais la kleur ona, Haꞌukaan Ama atu solok Malikuk ida mai. Nia, mak Niakaan Kmalar Lulik. Kmalar Lulik nia atu seluk Haꞌu iha raiklaran neꞌe. Nia atu nanorin lia hotu-hotu baa emi, nodi foo natene lia hotu-hotu mak Haꞌu katak tiꞌan baa emi.

Yohanis 16:13

Kalo Kmalar Lulik mai tiꞌan, Nia nanorin emi nebee bele hatene lia loos hotu-hotu. Nia la dale aan duꞌuk, mais Nia katak saa mak Nia rona nola nosi Haꞌukaan Ama. Nia moos atu katak baa emi, saa mak atu dadi.

Kristus Klosan Lian 10:38

Emi moos hatene haꞌak, Naꞌi Maromak natuun Niakaan Kmalar Lulik baa Yesus ema Nasaret nia. Hotu Yesus nodi Naꞌi Maromak beran laꞌo sura leo, nalo lia diꞌak bodik ema. Nia moos tulun ema mak diabu ulun nasusar. Nia bele nalo nunia, tan Naꞌi Maromak namutuk no Nia.

Kristus Klosan Lian 3:14

Hodi nunia, emi soe Yesus, mak Ema Moon no Laran Diꞌak nia. Aat liu tenik, emi sasuꞌat gubernur nebee nabusik fila ema aat ida baa emi.

1 Korintus 2:15

Ema musti talin aan no Naꞌi Maromak Kmalar lai, foin bele natene lia nia sia. Ema seluk sia nanis benar, tan la bele natene itakaan neon.

Ibrani 1:9

O neon diꞌak, kalo O maree ema moris loos. Mais O neon susar, kalo O maree ema moris kaleꞌuk. Tan lia nia, Haꞌu neon diꞌak, toꞌo Haꞌu kfui mina baa Okaan ulun, kodi foti O dadi baa Naꞌi, liu ema seluk sia.”

Ibrani 8:11

Sia lalika hanorin tenik baa siakaan mamaluk sia, no maun-biin-alin sia haꞌak, ‘Emi musti hatene Naꞌi Maromak!’ Sia lalika dale nunia ona, tan hotu-hotu natene Haꞌu tiꞌan, nahuu nosi kau mea oan toꞌo matas.

1 Yohanis 2:27

Emi simu tiꞌan Naꞌi Maromak Kmalar Lulik. Emi moos talin malu nohuun ho Nia. Tan lia nia, emi lalika buka tenik ema seluk atu nanorin emi. Kmalar Lulik dei toꞌo tiꞌan, tan Nia bele nanorin lia loos hotu-hotu. Nia la kaleꞌuk nuꞌu manorik kaleꞌuk nia sia. Dadi kaer metin Niakaan hanorin, nebee emi bele talin malu nohuun ho Kristus.

1 Yohanis 4:13

Naꞌi Maromak natuun Niakaan Kmalar baa ita. Tan lia nia, ita bele hatene ita talin malu ho Nia. Nia moos talin malu no ita.

Yudas 1:5

Lia mak haꞌu atu katak neꞌe, emi hatene tiꞌan. Mais haꞌu kakara katak tenik baa emi, nebee sintidu. Hanoin lia uluk baa oras ema Israꞌel sia sai nosi Mesir. Naꞌi Maromak sori siakaan klubun boot nia, mais baa loron ikus, Nia nadodok sia hotu-hotu mak la noꞌuk fiar baa Nia.

Lia Raiklaran Falu Fila 3:7

Hotu, Ema Raiklaran Isin nia dale natutan tenik naꞌak, “Yohanis, dala ida neꞌe o musti makerek mola tenik hakerek ida seluk. Hakerek nia lian nuneꞌe: ‘Bodik ema sarani sia iha kota Filadelfia: Hakerek neꞌe, nosi Haꞌu, mak Yesus. Haꞌu, mak moon no loos. Haꞌu moos mak kaer Naꞌi Daud sabin. Kalo Haꞌu kloke odamatan, la noo ema ida mak bele taka. Kalo Haꞌu ktaka, la noo ema ida mak bele loke.

Lia Raiklaran Falu Fila 4:8

Buat matan haat nia, ida-idak noo liras neen. Liras nia sia luan no laran nakonu mesan matan fuan. Loron-kalan buat nia sia nananu la nakotu naꞌak, “Ami tonu-haboot Naꞌi Maromak! Ami foti-hahaas Naꞌi Maromak naran! Naꞌi Maromak, mak Lulik Kaliuk! Naꞌi Maromak, mak Beran Kaliuk. Naꞌi Maromak, mak iha hori uluk. Naꞌi Maromak, mak iha baa oras neꞌe. Naꞌi Maromak, mak iha toꞌo nima-nimak!”