1 Timotius 6:3 - Tetun

³ Itakaan hanorin loos neꞌe, dadi tatuur baa moris dalan mak tuir Naꞌi Maromak hakaran hotu-hotu. Ema mak nanorin seluk, dudu sees Naꞌi Yesus Kristus hanorin loos.

1 Timotius 6:3 ပူးပေါင်းရင်းမြစ်များ

Mateus 22:21

Sia nataa naꞌak, “Nia, Keser, mak liurai Roma.” Hotu Yesus katak baa sia naꞌak, “Kalo nunia, foo baa ukunrai saa mak ukunrai niakaan. No foo baa Maromak saa mak Maromak Niakaan.”

Mateus 28:20

Hotu hanorin nebee sia nalo tuir ukun hotu-hotu mak Haꞌu katak tiꞌan baa emi. Hanoin diꞌa-diꞌak! Haꞌu kafati ko emi toꞌo rai falu fila.”

Roma 16:17

Mamaluk sia! Haꞌu kodi neon todan, kusu emi atu daka aan diꞌa-diꞌak. Tan noo ema iha emikaan leet mak buka dalan atu faꞌe karin emi, nodi rai diꞌa atu naloti emi. Hanorin mak sia katak baa emi, sakar hanorin mak ami hanorin baa emi tiꞌan. Dadi, keta hadulur ho ema nunia sia!

1 Tesalonika 4:8

Ema mak nakur hanorin neꞌe, lahoos sakar ema raiklaran dei, mais sakar Naꞌi Maromak mak natuun Niakaan Kmalar Lulik baa emi.

1 Timotius 1:10

Nia moos foo Ukun-Badu nia bodik ema mak nalo lia kfoꞌer, mane mak toba no mane, feto mak toba no feto, ema mak nanaꞌo ema nodi buka osan, ema mak tokar lauk, ema mak narai aan bosok, no ema hotu-hotu mak sakar hanorin loos.

1 Timotius 1:3

Hori hirak nia, ita rua hamutuk iha kota Efesus. Oras haꞌu atu kbaa rai Makedonia, haꞌu kamaus o mein iha Efesus, tan noo ema balu mak nanorin ema sarani sia nodi hanorin kaleꞌuk. Haꞌu karuka o matuka mola ema mak nanorin kaleꞌuk nia.

1 Timotius 1:6

Mais noo ema manorik balu mak sees nela haꞌukaan tateꞌan neꞌe. Sia toe malu baa lia mak la noo folin.

2 Timotius 1:13

O musti tuir knaninuk moris nosi hanorin loos mak haꞌu katudu baa o. Kalo o fiar bei-beik, modi madomi ema hotu-hotu, neꞌe naꞌak, o talin malu tiꞌan mo Yesus Kristus.

2 Timotius 4:3

Awan-wainrua, ema la noꞌuk rona tenik hanorin loos. Sia atu libur nola ema mak nanorin sia tuir siakaan hakara dei.

Titus 1:1

Oa Titus mak diꞌak! Hakerek neꞌe nosi haꞌu, Paulus, mak Naꞌi Maromak ain-liman no Yesus Kristus klosan. Naꞌi Maromak solok haꞌu atu kaliku ema mak Nia boi atu fiar baa Nia. Nia moos solok haꞌu atu kanorin dalan moris mak loos, nebee Niakaan ema sia bele natene moris tuir Niakaan hakaran. Hodi nunia, sia bele moris namutuk no Nia nima-nimak. Naꞌi Maromak sei la naseꞌi raiklaran neꞌe dauk, Nia nameno tiꞌan atu nalo nunia. Tebes. Nia la naktolek. Toꞌo baa niakaan oras, Nia foo natene naꞌak, Nia nakara sori ema nosi siakaan salan, nebee sia bele moris no Nia nima-nimak. Hotu, Nia naruka haꞌu atu katak Niakaan Manfatin nia bodik ema hotu-hotu. Titus! Tuir haꞌu, o nuꞌu haꞌukaan oan duꞌuk, tan o mo haꞌu fiar bele-bele baa Kristus. Haꞌu kamulak baa itakaan Ama Maromak no itakaan Maksorin Yesus Kristus, nebee natudu laran diꞌak baa o, nebee o bele moris manek no dame.

Titus 1:9

Musti kaer tebe-tebes Maromak Manfatin mak ita hanorin tiꞌan baa sia. Hodi nunia, ema sarani ulun bele natudu Naꞌi Maromak dalan moris loos baa ema seluk, no bele naloos hanorin kaleꞌuk sia.

Titus 3:8

Haꞌu kdale neꞌe, tebes no loos. Lia mak haꞌu kanorin neꞌe, folin boot bodik ema hotu-hotu. O musti madalan ema atu tuir tebe-tebes hanorin neꞌe. Ema mak fiar baa Naꞌi Maromak musti nakaꞌas aan nalo lia diꞌak.