1 Timotius 6:19 - Tetun

¹⁹ Hodi nunia, sia nariik moris mak folin, tan sia babilan kedan bodik moris baa awan-wainrua.

1 Timotius 6:19 ပူးပေါင်းရင်းမြစ်များ

Mateus 19:21

Yesus nataa naꞌak, “Kalo makara tuir tebe-tebes Naꞌi Maromak beer, fila baa, faꞌan okaan sasoin sia hotu-hotu. Hotu faꞌe osan nia baa ema mukit sia. Halo hotu nunia lai, foin mai tuir Haꞌu. Nosi ikus, Naꞌi Maromak atu selu nikar sasoin waꞌin iha laleꞌan.”

Lukas 12:33

Tan lia nia, baa faꞌan lakon emikaan sasoin sia, hotu faꞌe osan baa ema mukit sia. Hodi nunia, emi rai sasoin iha laleꞌan. Laleꞌan, fatin manek. Ema naꞌok la bele tama. Heꞌas moos la bele tota nahaat.

Lukas 16:25

Mais Abraham nataa naꞌak, ‘Oa! Manoin diꞌa-diꞌak lai. Uluk oras o sei moris, o metan diꞌak hotu-hotu. Mais Lasarus netan susar. Oras neꞌe, Naꞌi Maromak nalo Lasarus neon diꞌak iha neꞌe, mais o mak metan susar.

Lukas 16:9

Haneo kokon! Ema raiklaran nakdiuk kadoor nodi siakaan sasoin. Diꞌak liu emi hodi sasoin raiklaran tulun ema. Hodi nunia, emi hetan mamaluk waꞌin. Baa oras sasoin nia mohu, Naꞌi Maromak simu emi atu moris nima-nimak iha laleꞌan.

Lukas 18:2

Lia nia nuneꞌe: “Noo ema makotu lia ida iha kota ida. Nia la fiar baa Naꞌi Maromak. Nia la titu ema ida no.

Lukas 18:22

Rona nola nunia, Yesus naꞌak, “Diꞌak! Mais lia nia sei la toꞌo dauk. O musti baa faꞌan okaan sasoin sia hotu-hotu. Hotu, faꞌe osan baa ema mukit sia. Halo nunia lai, foin mai tuir Haꞌu. Nosi ikus, Naꞌi Maromak selu sasoin iha laleꞌan baa o.”

Galatia 5:6

Dadi, ita hamane aan ka, la hamane aan ka, lia nia la noo folin ona. Lia mak noo folin mak neꞌe: ita fiar baa Kristus no hadomi ema seluk.

Efesus 3:17

toꞌo Yesus Kristus moris nafati iha emikaan neon, tan emi fiar baa Nia nohuun. Nebee, emi moris talin malu ho Niakaan dadomin, toꞌo dadomin nia nahabut iha emikaan neon.

Filipi 3:12

Mamaluk sia! Haꞌu kakara basuk tuir Kristus dalan moris no Niakaan hakaran hotu-hotu. Mais kalo haꞌu kdale moon, haꞌu ksei la tuir malolok dauk. Masik nunia moos, haꞌu karui aan bei-beik tan Yesus Kristus boi haꞌu tiꞌan atu tuir Nia. Haꞌu ktuir Nia hanesan ema mak nalai biit toꞌo marak rohan. Haꞌu kalai katutuk lo-loos baa oin, la mana kotuk kodi kanoin lia uluk sia, tan haꞌu kaluꞌa lakon lia uluk nia sia tiꞌan.

Filipi 3:14

Haꞌu kalai kakaꞌas aan toꞌo marak rohan, nebee ketan saseban. Haꞌukaan saseban nia, mak Naꞌi Maromak atu simu haꞌu iha laleꞌan tan fiar baa Yesus Kristus.

1 Timotius 6:12

Marui aan tebe-tebes atu malaꞌok hanorin hotu-hotu mak ita fiar. Naꞌi Maromak foo moris nima-nimak baa o tiꞌan. O katak sain tiꞌan okaan fiar nunia iha ema lear oin. Dadi kaer metin moris nima-nimak nia.

2 Timotius 1:1

Timotius mak diꞌak! Hakerek neꞌe nosi haꞌu, Paulus. Naꞌi Maromak duꞌuk mak boi haꞌu kdadi Yesus Kristus klosan. Sia solok haꞌu kbaa katak lia moris mak Naꞌi Maromak nameno tiꞌan bodik makfiar Yesus Kristus. Timo! Tuir haꞌu, o nuꞌu haꞌukaan oan duꞌuk. Tan lia nia, haꞌu kamulak nebee, itakaan Ama Maromak no itakaan Naꞌin Yesus Kristus, nadomi o, natudu laran diꞌak baa o, no foo moris dame baa o.

2 Timotius 2:19

Masik nunia moos, Maromak Manfatin nafati, hanesan lia tatuur mak la kakoen. Iha Manfatin nia noo hakerek naꞌak, “Naꞌi Maromak natene Niakaan ema sia.” Noo hakerek tenik naꞌak, “Ema mak loꞌu-sudur baa Naꞌi Maromak, musti nakdook aan nosi aꞌaat.”

1 Petrus 1:4

Nia rai nela sasoin bodik ita iha laleꞌan. Mais sasoin nia seluk nosi sasoin iha raiklaran, tan la bele aat, la bele dodok, no la bele lakon.