1 Timotius 3:6 - Tetun

⁶ Kalo boi ulun, boi ema mak tuir Kristus kleur tiꞌan. Keta boi ema mak foin fiar. Tan ema oin nunia maus loko aan. Keta toꞌo Naꞌi Maromak deku nia, hanesan Naꞌi Maromak deku diabu ulun.

1 Timotius 3:6 ပူးပေါင်းရင်းမြစ်များ

Lukas 10:18

Rona sia dale nunia, Yesus nataa naꞌak, “Tebes! Baa oras emi halo nunia, Haꞌu karee Naꞌi Maromak soe diabu ulun nosi laleꞌan, hanesan mameran laka karuk-kwana nosi kaloꞌan.

1 Korintus 3:1

Mamaluk sia! Oras haꞌu ksei kamutuk ko emi, emi hanesan ema mak sei la kreꞌis dauk baa Maromak Kmalar. Emi sei moris tuir raiklaran beer. Haꞌu la kbele kanorin emi hanesan kanorin ema matas, tan emi sei nuꞌu lawarik oan.

1 Korintus 8:1

Oras neꞌe, haꞌu kdale kosi lia naꞌan mak ema nodi loꞌu-sudur baa aiꞌoi lulik. Emi hatene waꞌin tiꞌan hosi lia neꞌe. Mais lia nuneꞌe: kalo ita hatene waꞌin, ita maus loko aan, tan ita hanoin haꞌak, ita matenek liu ema seluk sia. Diꞌak liu, ita hadomi ema seluk. Tan lia nia mak nakbiit ema toꞌo bele naterus aan.

2 Korintus 12:7

masik Naꞌi Maromak natudu lia kabaas nia baa haꞌu ahan meꞌi. Mais Naꞌi Maromak nabusik haꞌu kona susar, nebee haꞌu keta loko aan tan lia kabaas nia. Diabu ulun solok niakaan maktuir ida atu kakoꞌen haꞌu nohuun, hanesan noo tadak ida mak tu-tuu haꞌukaan isin. Aikee! Haꞌu ksusar tebes!

1 Timotius 3:7

Ema seluk moos musti nakneter sarani ulun. Hodi nunia, nia la moe aan. Diabu ulun moos la bele foꞌat naloti nia.

1 Timotius 6:4

Sia loko aan, mais mamuk! Sia toe mamuk. Siakaan hahalok nunia nalo ema hirus malu, ema nakaat malu, ema dale nahaat ema seluk naran, no ema naneo aat baa ema seluk.

2 Timotius 3:4

Sia beer faꞌan mamaluk. Sia la naneo naruk. Sia nalo aan matenek. Sia la tuir Naꞌi Maromak beer, mais tuir siakaan beer duꞌuk.

1 Petrus 2:2

Kau mea oan buka inan susun ween. Nunia moos, emi musti buka Maromak Manfatin, tan Manfatin nia nalo emikaan fiar hetak kleur, hetak biit. Hodi nunia, emi dadi hanesan ema matas mak nalo tuir Naꞌi Maromak hakaran hotu-hotu.

1 Petrus 5:5

Ema nurak sia! Emi musti hanono baa ema malikuk sarani sia. Musti hakraik aan, tan Hakerek Moon naꞌak, “Naꞌi Maromak sakar ema mak naksaꞌek aan, mais Nia natudu laran diꞌak baa ema mak nakraik aan.”

2 Petrus 2:4

Nunia moos, Naꞌi Maromak Niakaan makbukar laleꞌan balu. Uluk, baa oras sia nalo sala, Naꞌi Maromak la nabusik. Nia soe tama sia baa haꞌi naraka, nodi neti natoos sia iha rai kuak makukun. Sia musti nein iha nia toꞌo oras Naꞌi Maromak nakotu siakaan lia.

Yudas 1:6

Knaninuk seluk nosi lia Naꞌi Maromak Niakaan makbukar laleꞌan. Naꞌi Maromak latan beran baa sia, mais noo kladik. Sia balu noran la toꞌo, hotu nakur liu siakaan beran nia. Tan baa nia, Naꞌi Maromak kesi sia no neti natoos sia iha fatin makukun, nebee sia nein iha nia toꞌo oras Naꞌi Maromak tetu ema hotu-hotu moris.