1 Timotius 3:14 - Tetun

^14-15 Timo! Haꞌu kaloon, la kleur ona, haꞌu kbele maꞌi karee o. Mais kalo noo sasenin, haꞌukaan hakerek neꞌe bele toꞌo uluk baa o. Kakerek neꞌe atu foo katene baa o nosi lia Naꞌi Maromak ema uma laran siakaan moris lalaꞌok. Keta maluꞌa maꞌak, Naꞌi Maromak mak sia fiar nia, Maromak mak moris. Sia hanesan uma mak noo tatuur no kakuluk biit, mak tane Naꞌi Maromak hanorin loos.

1 Timotius 3:14 ပူးပေါင်းရင်းမြစ်များ

1 Korintus 11:34

Kalo salaen basuk, diꞌak liu haa uluk iha uma lai. Hotu, oras emi haklibur bele-bele, emi keta kona kastikar. Sei noo lia seluk sia mak emi husu baa haꞌu. Mais hein haꞌu kmai lai, foin kahulin diꞌa-diꞌak.

1 Tesalonika 2:18

Haꞌu duꞌuk karui aan tiꞌan atu kmai tone emi, mais diabu ulun saseni nohuun.

1 Timotius 3:13

Kalo sarani ulun sasiꞌan naliku ema sarani diꞌa-diꞌak, nanis ema hetak nakneter nia. Nia moos hetak naberan aan katak nosi niakaan fiar baa Yesus Kristus.

1 Timotius 4:13

Oras emi sei hein haꞌu kmai, keta maluꞌa leno Hakerek Moon bodik ema makfiar sia. Makbiit sia modi manorin sia diꞌa-diꞌak.

Filemon 1:22

Noo lia ida tenik. Tulun madiꞌa keꞌan ida bodik haꞌu lai. Haꞌu kfiar kaꞌak, Naꞌi Maromak rona emikaan hamulak, toꞌo Nia atu buka dalan nasai haꞌu nosi bui neꞌe, nebee haꞌu ktone hikar karee emi iha nia.

Ibrani 13:23

Haꞌu kbeer nebee emi hotu-hotu hatene haꞌak, itakaan maluk Timotius sai nosi bui tiꞌan. Kalo nia mai lai-lais baa haꞌu, ami rua bele-bele baa emi.

2 Yohanis 1:12

Sei noo lia waꞌin mak haꞌu kbeer kakerek baa emi, mais la kakerek iha neꞌe, tan la kleur ona haꞌu atu kmai dale duꞌuk ko emi, nebee ita neon diꞌak bele-bele.

3 Yohanis 1:14

Haꞌu kaloon, la kleur ona ita hasoru malu, nebee ita rua bele dale duꞌuk baa malu.