1 Timotius 1:9 - Tetun

⁹ Naꞌi Maromak foo Ukun-Badu nia, lahoos bodik ema mak moris loos tiꞌan. Nia foo bodik ema mak sakar ukun, ema mak tokar lauk, ema mak seꞌi kotuk baa Maromak, ema mak nalo aat, ema mak la titu Maromak, ema mak naraik lia moon, ema mak noꞌo ema, no ema mak noꞌo inan-aman duꞌuk.

1 Timotius 1:9 ပူးပေါင်းရင်းမြစ်များ

Mateus 10:21

Emi lei haree! Kalo noo ema mak fiar baa Haꞌu iha uma ida laran, niakaan maun-biin-alin duꞌuk atu buka dalan noꞌo nia. Kalo oan fiar, niakaan ama mak buka dalan noꞌo nia. Kalo inan-aman fiar, siakaan oan duꞌuk mak buka dalan noꞌo sia.

Roma 1:30

Sia ema oin-kotuk. Sia hirus Naꞌi Maromak. Sia notar lalek. Sia titu naraik ema. Sia naksaꞌek aan. Sia buka dalan aat oi-oik. Sia sakar ema matas sia.

Roma 4:13

Naꞌi Maromak namate menon no Abraham no niakaan husar-binan naꞌak, kleu-leur raiklaran tomak dadi baa siakaan bein sasoin. Naꞌi Maromak nameno nunia, lahoos Abraham moris tuir Ukun-badu, mais tan Abraham fiar baa Nia. Tan lia nia, Nia nafoli Abraham naꞌak, ema loos.

Roma 5:20

Naꞌi Maromak natuun Ukun-badu baa Bei Musa, nebee ema raiklaran bele natene aan naꞌak, sia nalo sala waꞌin. Masik ema nalo sala hetak waꞌin, Naꞌi Maromak natudu laran diꞌak liu tan tenik.

Roma 6:14

Aꞌaat la bele ukun tenik o hanesan ata ona! Oras neꞌe, o la moris tenik tuir Ukun-badu nebee Naꞌi Maromak simu o. O moris loos, tan Nia natudu laran diꞌak baa o tiꞌan.

Galatia 3:19

Oras neꞌe haꞌu atu kusu nuneꞌe: kalo Naꞌi Maromak simu Abraham tan niakaan fiar, tan saa Nia natuun tenik Ukun-badu baa Musa? Nia tuꞌan Ukun-badu nia sia atu nodi nanorin ema raiklaran nosi siakaan salan. Nia nakara nebee ema raiklaran moris tuir Ukun-badu nia toꞌo Abraham husar-binan ida mai. Husar-binan nia mak Kristus. Kalo Nia mai tiꞌan, Ukun-badu nia la folin ona. Oras Naꞌi Maromak natuun Ukun-badu baa ema Yahudi sia, Nia la natuun duꞌuk. Mais Nia nodi Niakaan makbukar laleꞌan mai latan baa Musa liman, foin Musa natoꞌo baa ema Yahudi sia. Hodi nunia, Musa dadi ailalete bodik Naꞌi Maromak no Niakaan eman sia.

Galatia 5:18

Kalo Kmalar Lulik babilan ita tiꞌan, ita lalika hanaꞌi baa ukun-badu ona.

Galatia 5:21

ita tinu aat, ita lanu aat bele-bele toꞌo la hatene aan, no ita halo sala seluk sia. Hori uluk, haꞌu katak baa emi tiꞌan kaꞌak, kalo ita halo nunia, ita la bele dadi Naꞌi Maromak eman.

Galatia 5:23

ita halo hahalok mamar, no ita daka aan diꞌa-diꞌak. La noo ukun-badu ida kois mak badu lia neꞌe sia.

2 Tesalonika 2:8

Nunia, foin ema aat nia mosu nodi nalaꞌok lo-loren niakaan serwisu aat. Mais oras Naꞌi Yesus namaan aan mai nikar, Nia atu nadodok ema aat nia nodi lia fuan ida dei.

1 Timotius 4:7

Keta soe haat leet hodi dale karin mak la kona baa Naꞌi Maromak neon. Keta hanono ferik lekan dalen mak la noo huun dikin. Diꞌak liu, bali isin lolon, nebee moris diꞌak tuir Naꞌi Maromak beer.

1 Timotius 6:20

Timo! Daka diꞌa-diꞌak Manfatin hotu-hotu mak Naꞌi Maromak rai baa o. Ema balu naneo naꞌak sia mesan mak matenek. Mais siakaan ‘matenek’ nia, la noo tatuur, tan sia fiar hanorin kaleꞌuk. Keta manesa lia fuan mo sia. Keta kahur ho bosok teen sia. Keta dale lia mak la tuir Naꞌi Maromak beer. Haꞌu kakroꞌan nebee, Naꞌi Maromak natudu laran diꞌak baa o. Nunia dei. Dame, Paulus

2 Timotius 2:16

Madook aan mosi lia fuan mak la noo huun-dikin, no lia fuan mak la nakneter Naꞌi Maromak. Tan lia fuan nunia hetak nahaat ema waꞌin,

2 Timotius 3:2

Oras nia toꞌo mai, ema nadomi aan duꞌuk dei. Sia rotus osan. Sia loko aan. Sia titu naraik ema. Sia dale lia aat. Sia la rona inan-aman. Sia la natene sera dodan. Sia notar lalek. Sia hirus lia Maromak.

Titus 1:10

Ema waꞌin sakar hanorin loos nodi dale lia mak la noo huun-dikin no lia tolek teen. Kaliuk ema Yahudi mak nanorin kaleꞌuk naꞌak, ema hotu-hotu mak nakara moris, musti namane aan.

Titus 1:16

Sia katak naꞌak, sia natene Maromak. Mais sia moris nuꞌu la natene Maromak. Sia dale seluk, sia nalo seluk. Sia huun dois. Sia la noꞌuk tuir Naꞌi Maromak hakaran no la natene nalo lia diꞌak.

Titus 1:6

Kalo hakara foti sarani ulun, niakaan moris la bele noo sala. Nia musti moris moon no feen ida. Niakaan oan sia musti fiar baa Yesus Kristus. La bele noo ema mak nasalak naꞌak, niakaan oan sia maktokar no maksakar.

Titus 3:3

Uluk, oras ita sei la hatene Kristus dauk, ita la hatene sa-saa, no ita maus kona beꞌur. Ita la hanono baa ema seluk. Ita moris tuir laran aat, toꞌo hatoos aan baa itakaan beer aat oi-oik. Ita dale hahaat ema naran no ita hirus sia. Sia moos hirus nikar ita.

Ibrani 11:31

Noo tenik Rahab, mak uluk feto aat iha kota nia. Tan Rahab fiar, nia simu diꞌa-diꞌak ema Israꞌel siakaan ema mak nateke, hotu subar sia iha niakaan uma. Nunia hotu, Naꞌi Maromak nadodok ema Yeriko hotu-hotu, tan sia la noꞌuk nanono baa Nia. Mais Nia sori Rahab, tan niakaan fiar.

Ibrani 12:16

Daka diꞌa-diꞌak, nebee keta emi ida nalo lia kfoꞌer. Nebee keta titu haraik Naꞌi Maromak, hanesan Bei Isak oan ulun Esau. Baa loron nia, Esau fila nodi salaen, hotu nusu haan bikan ida nosi alin Yakob. Tan Esau salaen basuk, nia faꞌan niakaan beran oa ulun, bodik sosa haan bikan ida.

1 Petrus 2:7

Yesus, mak fatuk nia. Ema mak fiar baa Nia, sia nafoli Nia liu resik. Mais ema mak la fiar baa Nia, sia la nafoli Nia. Hakerek Moon naꞌak, “Fatuk mak badaen sia soe nia, oras neꞌe dadi baa fatuk tatuur, mak folin kaliuk.”

1 Petrus 3:20

Matebian nia sia, ema uluk aan mak moris iha raiklaran baa Noh oras. Sia la noꞌuk nanono baa Maromak. Baa oras nia, Noh nalo roo boot ida. Hotu Naꞌi Maromak nei-nein atu naree ema nia sia atu nanono baa Nia ka, lale. Mais sia la noꞌuk. Tan baa nia, ema naꞌin walu dei mak sasin nosi motasaꞌe boot nia.

1 Petrus 4:18

Hakerek Moon naꞌak, “Kalo ema mak moris loos, kreꞌis la netan moris, oin nunabee tenik, ema mak taliꞌur baa Naꞌi Maromak? Oin nunabee tenik, ema mak moris iha sala laran?”

Yudas 1:15

Nia namaan aan mai atu nakotu ema hotu-hotu lian. Nosi ikus, Nia atu natudu ema ida-idak salan, nodi loke walan lia la loos sia. Hotu, Nia atu natuun kastikar baa ema aat sia, tan sia dale nahaat Nia.”

Lia Raiklaran Falu Fila 21:8

Mais, ema seluk sia atu kona soe baa tasi haꞌi fatuk lobot mak laka la nakotu. Sia mak, ema taꞌuk teen, ema mak seꞌi kotuk baa Yesus, ema lisan aat, ema mahalo lia kfoꞌer, ema mahoꞌo ema, ema mak loꞌu-sudur baa aiꞌoi lulik, ema mak nakneko ema, no ema tolek teen. Sia hotu-hotu atu kona kastikar soe baa tasi haꞌi nia. Kastikar nia naꞌak ‘Mate Dala Rua.’ ”

Lia Raiklaran Falu Fila 22:15

Mais ema seluk, la bele tama iha kota nia. Mak lahoos Naꞌi Maromak eman, la bele nein iha nia. Sia neꞌe mak, ema mak la fiar baa Naꞌi Maromak, ema nalo lia kfoꞌer, ema mak loꞌu baa aiꞌoi lulik, ema mak noꞌo ema, ema mak neko ema, no ema tolek teen. Sia hotu-hotu nia, la bele tama. Sia hotu-hotu nia, habusik hela iha luan dei.