1 Timotius 1:17 - Tetun

¹⁷ Tonu Naꞌi Maromak! Nia mesan dei, mak Maromak. La noo ida seluk! Nia kaer ukun hori nima-nimak toꞌo nima-nimak. Nia moris hori nima-nimak toꞌo nima-nimak. Nia la natene mate. Ema raiklaran la bele titu nola Nia. Kneter no tonun hotu-hotu, sera baa Nia! Kneter no mose hotu-hotu, latan baa Nia! Tebes.

1 Timotius 1:17 ပူးပေါင်းရင်းမြစ်များ

Mateus 25:34

Baa oras nia, Haꞌu kaer ukun Naꞌin. Haꞌu katak baa ema mak iha Haꞌukaan sorin kwana kaꞌak, ‘Emi neꞌe mak simu matak-malirin hosi Haꞌukaan Ama. Mai tama baa fatin kabaas mak Nia babilan kedan bodik emi. Oras raiklaran sei la iha dauk, Nia babilan kedan tiꞌan fatin Nia bodik emi.

Mateus 28:20

Hotu hanorin nebee sia nalo tuir ukun hotu-hotu mak Haꞌu katak tiꞌan baa emi. Hanoin diꞌa-diꞌak! Haꞌu kafati ko emi toꞌo rai falu fila.”

Mateus 6:13

Daka ami nebee ami keta halo aat. Sori ami mosi diabu niakaan aꞌaat. [Tan Ita Boot beran kaliuk, makaꞌas kaliuk. Ita Boot mak kaer ukun hori nima-nimak toꞌo nima-nimak. Nunia tebes. Amen.]’

Yohanis 1:18

La noo ema ida mak naree Naꞌi Maromak. Oan mesak duꞌuk mak naree. Oan nia bele nalore Naꞌi Maromak baa ita, tan Nia namutuk kedan no Aman.

Yohanis 5:44

Loron-loron emi buka mose malu. Mais la buka mose nosi Naꞌi Maromak. Tuir loos, Naꞌi Maromak ida dei! La noo seluk tenik. Mais kalo emi la hikir Nia, oin nunabee emi bele fiar baa Nia?

Roma 1:23

Sia seꞌi kotuk baa Naꞌi Maromak mak boot kaliuk, tan sia naneo naꞌak, “Ami la hoꞌuk Maromak oin nunia!” Hotu, sia loꞌu-sudur baa aiꞌoi lulik ilas ema raiklaran. Sia moos loꞌu-sudur baa aiꞌoi lulik ilas manu, samea, no buat seluk sia. Hodi nunia, sia dudu nasai Maromak mak la bele mate, nodi loꞌu-sudur baa buat mak bele mate!

Roma 11:36

Hotu-hotu nahabut baa Maromak. Hotu-hotu, Nia mak babilan. Hotu-hotu bodik Nia. Ita tonu-haboot Nia toꞌo nima-nimak! Nunia tebes!

Roma 16:27

Nia mesan dei, mak Maromak. Nia mesan dei, mak matenek kaliuk. Tonu-haboot Nia, tan ita talin malu ho Yesus Kristus tiꞌan. Nunia tebes! Haꞌukaan hakerek toꞌo neꞌe dei. Dame, Paulus

Roma 2:10

Mais ema hotu-hotu mak nalo diꞌak atu simu kneter nosi Naꞌi Maromak toꞌo moris manek no dame. Masik sia ema Yahudi ka, lahoos ema Yahudi ka, hotu-hotu simu.

Roma 2:7

Ema mak nalo diꞌak bei-beik, Naꞌi Maromak foo moris nima-nimak. Sia simu kneter, naran diꞌak, no moris toꞌo nima-nimak.

Kolose 1:15

Masik ita ema raiklaran la bele titu-haree Naꞌi Maromak, mais ita titu-haree tiꞌan Kristus mak ilas ida no Naꞌi Maromak. Laleꞌan no raiklaran la iha dauk, Kristus iha kedan tiꞌan. Nia, Ulun nosi hotu-hotu mak Naꞌi Maromak naseꞌi.

Ibrani 11:27

Tan Bei Musa fiar, nia nusu leet baa naꞌi Mesir atu nodi itakaan bei uluk sia laꞌo nela rai nia. Masik naꞌin nawan saꞌe tebe-tebes, Bei Musa la nataꞌuk. Nia fiar nohuun baa Naꞌi Maromak, nuꞌu naree duꞌuk Naꞌi Maromak tiꞌan.

Ibrani 2:7

Mais Naꞌi Maromak latan beran baa sia tiꞌan, nebee sia dadi kreꞌis manesak no makbukar laleꞌan. Naꞌi Maromak moos foo kneter baa sia, nodi foti sia,

1 Petrus 5:11

Ita haloon nebee Nia kaer beran hotu-hotu toꞌo nima-nimak. Tebes!

2 Petrus 3:18

Diꞌak liu, emikaan fiar hetak naktubu. Nebee emi hetak kreꞌis ho itakaan Naꞌin no itakaan Maksorin, Yesus Kristus. Nebee Nia hetak natudu laran diꞌak baa emi. Nebee ema hotu-hotu foti-nahaas Nia, baa oras neꞌe toꞌo nima-nimak! Dame, Petrus

1 Yohanis 4:12

La noo ema ida kois mak naree lo-loren Naꞌi Maromak. Mais kalo ita hadomi malu, neꞌe naꞌak, Naꞌi Maromak namutuk no ita. Niakaan dadomin moos hetak tuꞌan iha itakaan moris, toꞌo dadi dadomin kabaas.

Yudas 1:25

Nia mesan, Maromak mak loos. Nia mesan mak sori ita nodi itakaan Naꞌin Yesus Kristus. Ita foo kneter hotu-hotu baa Nia. Nia makaꞌas kaliuk. Niakaan beran boot kaliuk. Nia kaer ukun hotu-hotu, hori uluk, baa oras neꞌe, toꞌo nima-nimak. Tebes! Nosi haꞌu, Yudas

Lia Raiklaran Falu Fila 15:3

Hotu, sia nananu kananuk ida. Uluk Naꞌi Maromak ain-liman Musa nananu kananuk nia, baa oras Naꞌi Maromak nodi Niakaan ema sia sai nosi susar iha rai Mesir. Ema nia sia moos nananu kananuk ida tenik nodi tonu-naboot Naꞌi Yesus. Uluk, ema noꞌo Nia, nuꞌu ema sera bibi malae oan iha Uma Hamulak nodi natetu baa Naꞌi Maromak atu nalirin Niakaan laran. Sia nananu naꞌak, “Aaa, Ama Maromak! Ami tonu-haboot Ita Boot! Ami foti-hahaas Ita Boot! Tan Ita Boot beran kaliuk. No Ita Boot makaꞌas kaliuk. Ita Boot mak kaer ukun baa ema klubun hotu-hotu. Ita Boot mak Naꞌin bodik ema hunun hotu-hotu. Ita Boot hahalok, kasalak kaliuk. Ita Boot serwisu, kabaas tebes. Ita Boot dalan, loos tebes. Ita Boot moris, moon kaliuk.

Lia Raiklaran Falu Fila 17:14

Naꞌi nia sia atu baa natuda sakar Bibi Malae Oan. Mais Bibi Malae Oan no Niakaan ema sia atu natoba nola sia hotu-hotu. Ema mak tuir Bibi Malae Oan, sia mak Nia boi nola no bolu nola atu tuir Nia nohuun. Sia atu natoba nola funu, tan Bibi Malae Oan makaꞌas kaliuk. Nia mesan dei mak dadi Naꞌin baa naꞌi hotu-hotu, no Ulun baa ulun hotu-hotu.

Lia Raiklaran Falu Fila 19:1

Makbukar laleꞌan nia dale notu nunia, haꞌu moos rona kola lia maliak boot, hanesan klibur boot noꞌi nananu iha laleꞌan. Sia nananu naꞌak, “Aleluya! Aleluya! Ami tonu amikaan Maromak, tan Nia mak boot kaliuk. Aleluya! Aleluya! Naꞌi Maromak mak sori ami nosi amikaan salan. Naꞌi Maromak mak nahulin ami nosi amikaan aꞌaat.

Lia Raiklaran Falu Fila 19:16

Iha Ema nia tais no kelen, noo hakerek nuneꞌe: Naꞌin baa naꞌi hotu-hotu, Ulun baa ulun hotu-hotu.

Lia Raiklaran Falu Fila 19:6

Hotu, haꞌu krona kola hanesan ema lear dale baa malu. Siakaan lian, maliak boot hanesan wee tatolik, no makaꞌas hanesan kokur. Sia dale naꞌak, “Aleluya! Ami tonu-haboot Naꞌi Maromak. Aleluya! Ami foti-hahaas Niakaan naran. Nia mak beran kaliuk. Nia mak ukun hotu-hotu.

Lia Raiklaran Falu Fila 7:12

nodi naꞌak, “Tebes! Nunia, tebes! Ami moos tonu-haboot Naꞌi Maromak! Ami moos foti-hahaas Niakaan naran! Naꞌi Maromak hanoin, matenek kaliuk. Naꞌi Maromak beran, boot kaliuk. Naꞌi Maromak makaꞌas, biit kaliuk. Ami sera dodan baa Naꞌi Maromak nohuun. Ami sera kneter baa Ama Maromak nima-nimak.”