1 Timotius 1:15 - Tetun

¹⁵ Noo ema mak dale naꞌak, “Yesus Kristus mai raiklaran neꞌe atu sori ema maksalan.” Tebes! Nosi ema maksalan hotu-hotu, haꞌu neꞌe mak aat kaliuk.

1 Timotius 1:15 ပူးပေါင်းရင်းမြစ်များ

Mateus 1:21

Maria atu nahoris oan mane ida. O musti manaran nia maꞌak, Yesus, tan Nia mak atu sori Naꞌi Maromak eman sia nosi sala.”

Mateus 18:10

Hotu Yesus dale tenik naꞌak, “Sintidu! Keta toꞌo emi titu haraik ema kiꞌik hanesan lawarik neꞌe sia, tan Naꞌi Maromak Niakaan makbukar laleꞌan daka sia. Baa oras nabee dei, makbukar laleꞌan nia sia bele tama baa Naꞌi Maromak atu nasara siakaan lia.

Mateus 18:11

Rona mai. Noo ema makbalin ida, niakaan bibi malae matan atus ida. Baa loron ida, bibi malae matan ida lakon. Emi haneo makbalin nia musti nalo saa? Nia nanis laꞌo nela niakaan bibi malae matan siwi nulu resin siwi nia iha foho leten, baa buka bibi malae matan ida mak lakon nia. Netan nikar tiꞌan, makbalin nia neon diꞌak tebes naree bibi malae matan ida mak lakon nia, liu nosi nia naree niakaan bibi malae matan siwi nulu resin siwi mak la lakon. [Haꞌu neꞌe, Ema Raiklaran Isin nosi laleꞌan. Haꞌu kmai atu sori ema mak lakon nosi dalan moris loos.]

Mateus 20:28

Haꞌu, Ema Raiklaran Isin nosi laleꞌan, moos nunia. Haꞌu kmai, lahoos nebee ema naliku Haꞌu. Mais Haꞌu kmai atu kaliku ema, kodi latan Haꞌukaan moris tomak atu sori ema waꞌin.”

Mateus 9:13

Diꞌak liu emi fila baa leno diꞌa-diꞌak Maromak Manfatin mak uluk makoꞌan Hosea nakerek naꞌak, ‘Haꞌu kakara nebee Haꞌukaan ema sia nadomi malu no dodan malu. Kalo sia la nalo nunia, sera tunun mak sia nodi natetu baa Haꞌu la noo folin saa ida.’ Naꞌi Maromak katak tebes nunia. Tan lia nia, Haꞌu la kmai kaliku ema mak filak aan ema loos tiꞌan. Haꞌu kmai atu kaliku ema maksalan mak nakara buka moris loos.”

Markus 2:17

Rona sia nusu nunia, Yesus katak baa sia naꞌak, “Ema moras buka makdook. Ema isin lolon diꞌak, la buka makdook. Haꞌu kmai atu babilan ema mak aat, lahoos atu babilan ema mak noran aan diꞌak.”

Lukas 15:2

Titu-naree ema nia sia mai baa Yesus, ema Farisi no matenek ukun Yahudi sia nakmuuk naꞌak, “Hoi! Yesus neꞌe namalu no ema lisan aat sia!”

Lukas 19:10

Naꞌi Maromak solok Haꞌu kdadi Ema Raiklaran Isin iha raiklaran neꞌe. Haꞌu kmai atu buka ema mak sees nosi Naꞌi Maromak dalan, nebee Haꞌu ksori sia.”

Lukas 5:32

Haꞌu kmai atu kaliku ema maksalan, lahoos atu kaliku ema mak filak aan ema loos.”

Yohanis 1:12

Mais ema mak simu Nia nodi fiar baa Nia, Naꞌi Maromak foo beran baa sia atu dadi baa Niakaan oan.

Yohanis 1:29

Baa awan, Yohanis naree Yesus mai baa sia. Hotu Yohanis dale naꞌak, “Mana lai! Bibi malae oan mak Naꞌi Maromak nadiꞌa kedan, Nia mai tiꞌan. Nia mak atu dadi sera, kasu ema raiklaran salan.

Yohanis 12:47

Kalo ema la tuir Haꞌukaan hanorin, Haꞌu la ukun sia. Tan Haꞌu kmai iha raiklaran neꞌe atu sori ema, lahoos atu ukun ema.

Yohanis 3:36

Ema mak fiar baa Oan nia, simu moris nima-nimak. Mais ema mak la nanono baa Nia, la simu moris nia, tan Naꞌi Maromak nahibu sia nima-nimak.”

Kristus Klosan Lian 11:1

Petrus sei la fila dauk nosi Kaisarea, Kristus klosan sia no ema makfiar seluk sia iha Yerusalem rona tiꞌan naꞌak, ema mak lahoos Yahudi simu Naꞌi Maromak Manfatin.

Kristus Klosan Lian 11:18

Rona Petrus naloos aan nunia, sia la nasalak tenik nia ona. Sia moos tonu-naboot Naꞌi Maromak naꞌak, “Makaꞌas basuk! Naꞌi Maromak loke dalan tiꞌan, nebee ema mak lahoos Yahudi moos bele soe lakon siakaan salan. Nia nakara nebee sia moos bele moris nima-nimak no Nia.”

Kristus Klosan Lian 3:26

Naꞌi Maromak solok tiꞌan Niakaan Oan baa ita atu natudu dalan, nebee ita soe lakon itakaan hahalok aat sia. Hodi nunia, Nia natudu laran diꞌak baa ita.”

Roma 11:14

tan kaneo kalo haꞌu kalaꞌok diꞌa-diꞌak serwisu neꞌe bodik emi mak lahoos Yahudi, arumak haꞌukaan ema Yahudi duꞌuk laran moras, toꞌo balu netan moris tan fila nikar baa Naꞌi Maromak.

Roma 5:6

Niakaan dadomin nia, nuneꞌe: natoon baa oras ita ema maksalan la bele halo sa-saa, Naꞌi Maromak boi leet tiꞌan atu solok Kristus mai, nebee mate bodik ita.

1 Korintus 15:9

Kristus klosan uluk sia hotu-hotu boot liu haꞌu. Haꞌu la kfatan dadi baa klosan, tan uluk haꞌu mak kasusar no ktonan Kristus eman sia iha fatin hotu-hotu.

Efesus 3:8

Nosi Naꞌi Maromak eman hotu-hotu, haꞌu neꞌe mak la folin basuk. Masik nunia moos, Nia sei boi haꞌu atu kalore Lia Diꞌak baa ema lahoos Yahudi sia, nebee sia moos bele natene Kristus laran diꞌak mak makaꞌas kaliuk.

1 Timotius 1:13

Tuir loos, uluk haꞌu lahoos nunia. Haꞌu kakara kahonu Yesus naran kodi kasusar ema mak tuir Nia, toꞌo haꞌu ktonan kadodok sia. Haꞌu kalo aat nunia, tan sei la katene dauk itakaan Naꞌin Yesus Kristus, no sei la fiar dauk baa Nia. Mais Nia la naluꞌa haꞌu. Nia nadomi haꞌu, toꞌo natudu laran diꞌak baa haꞌu. Nia fakar matak-malirin baa haꞌu, toꞌo haꞌu kbele fiar biit baa Nia, no kadomi ema hanesan Nia nadomi haꞌu.

1 Timotius 1:19

Fiar metis baa Kristus. Daka okaan neon, nebee moon nohuun. Noo ema mak la rona siakaan neon ain botu, toꞌo nadodok siakaan fiar, hanesan roo saꞌe tan fatuk moris.

1 Timotius 3:1

Noo ema mak dale naꞌak, “Kalo ema ida nakara dadi ema sarani ulun, ema nia boi serwisu mak diꞌak basuk.” Tebes.

1 Timotius 4:9

Tebes! Lia neꞌe sia, tebes no loos! Rai baa neon, nebee keta maluꞌa.

1 Timotius 6:13

Oras neꞌe, haꞌu kusu o mamate menon maꞌak, o tuir Naꞌi Yesus ukun hotu-hotu. Keta makur ukun ida moos, nebee ema la netan okaan salan. Tuir tebe-tebes, toꞌo loron itakaan Naꞌi Yesus Kristus namaan aan mai nikar. Haꞌu kusu o mamate menon nunia iha Naꞌi Maromak oin. Tan Nia mak foo kmalar bodik makmoris hotu-hotu. Haꞌu kusu o moos mamate menon nia iha Yesus Kristus oin. Tan Nia moos katak lia loos iha Gubernur Pontius Pilatus oin.

2 Timotius 2:11

Lia fuan neꞌe sia, tebes no loos: “Kalo ita simu mate tan tuir Kristus, ita moos moris ho Kristus.

Titus 3:8

Haꞌu kdale neꞌe, tebes no loos. Lia mak haꞌu kanorin neꞌe, folin boot bodik ema hotu-hotu. O musti madalan ema atu tuir tebe-tebes hanorin neꞌe. Ema mak fiar baa Naꞌi Maromak musti nakaꞌas aan nalo lia diꞌak.

Ibrani 7:25

Nia bele sori ema hotu-hotu mak nakara mai baa Naꞌi Maromak nodi Niakaan naran. Tan Nia moris nohuun, Nia dadi itakaan Ema iha Naꞌi Maromak oin mak tulun ita nohuun.

1 Yohanis 3:5

Emi hatene tiꞌan haꞌak, Kristus mai raiklaran neꞌe atu kasu mohu itakaan salan. Nia duꞌuk la noo sala.

1 Yohanis 3:8

Mais ema mak nalo sala, nia talin malu no diabu ulun mak nalo hahalok aat hori uluk. Tan baa nia, Naꞌi Maromak Oan mai atu nadodok diabu ulun hahalok aat nia sia.

1 Yohanis 5:11

ema bele hetan moris loos toꞌo nima-nimak, surak fiar baa Oan.

Lia Raiklaran Falu Fila 21:5

Hotu, Nia mak nabesi aan iha nia dale naꞌak, “Mana lai! Haꞌu kalo hotu-hotu foun.” Hotu, Nia dale no haꞌu tenik naꞌak, “Makerek mola lia neꞌe ona! Ema bele fiar Haꞌukaan Manfatin neꞌe, tan Manfatin neꞌe tebes no loos!”

Lia Raiklaran Falu Fila 22:6

Nunia hotu, makbukar laleꞌan nia katak baa haꞌu naꞌak, “Lia hotu-hotu mak haꞌu katak baa o neꞌe, tebes no loos. Ema bele fiar haꞌukaan dalen neꞌe. Uluk, Naꞌi Maromak nodi Niakaan Kmalar Lulik nebee katak Niakaan Manfatin baa Niakaan makoꞌan sia. Mais oras neꞌe, Nia nodi makbukar laleꞌan atu katak baa Niakaan ema sia lia neꞌe sia hotu-hotu mak la kleur ona musti dadi.”

Lia Raiklaran Falu Fila 5:9

Hotu, sia hotu-hotu nananu kananuk foun ida naꞌak: “Bibi Malae Oan mak fatan simu hakerek neꞌe. Bibi Malae Oan mak noo beran loke hanit iha hakerek nia. Tan Nia kona hoꞌo tiꞌan. Hotu, Naꞌi Maromak nodi raan, kasu ema raiklaran salan. Hodi nunia, ema nosi hunun no klubun hotu-hotu bele dadi Naꞌi Maromak eman. Hodi nunia, ema mak dale nodi lia hotu-hotu iha rai hotu-hotu bele dadi Naꞌi Maromak eman.