1 Tesalonika 3:11 - Tetun

¹¹ Tan baa nia, ami haloon baa itakaan Ama Maromak no itakaan Naꞌin Yesus Kristus, nebee loke dalan baa ami atu hasoru emi.

1 Tesalonika 3:11 ပူးပေါင်းရင်းမြစ်များ

Mateus 6:14

Hanono diꞌa-diꞌak! Kalo emi haluꞌa lakon sala mak ema nalo baa emi, emikaan Ama iha laleꞌan moos atu naluꞌa lakon emikaan salan.

Mateus 6:18

Nodi nunia, ema mak naree emi la natene naꞌak, emi hoꞌi halirin aan. Mais emikaan Ama natene. Nia nanis selu baa emi.”

Mateus 6:26

Haree kokon manu ai leten sia mak semo iha kaloꞌan. Sia la nalau aan atu kuda no kuꞌu. Sia la rai haan iha kanaha uman. Mais emikaan Ama iha laleꞌan naliku sia nohuun. Nia nanis bele naliku emi diꞌak liu nosi sia tenik. Hanoin diꞌa-diꞌak, tan Nia nafoli emi liu tan manu ai leten sia.

Mateus 6:32

Ema mak la fiar baa Naꞌi Maromak narui aan atu buka lia nia sia hotu-hotu. Mais emi keta nunia, tan emikaan Ama iha laleꞌan natene hotu-hotu mak emi buka.

Mateus 6:4

Hodi nunia, ema iha raiklaran la natene. Mais emikaan Ama iha laleꞌan natene saa mak emi halo no-nook nia. Nia nanis selu nikar baa emi.”

Mateus 6:6

Emi keta nunia. Oras hamulak, tama baa keꞌan laran, taka odamatan, foin hamulak no-nook baa emikaan Ama. Masik ema seluk la naree moos, emikaan Ama naree. Nia nanis selu baa emi.

Markus 1:3

Ema nia atu baa rai fuik ida, nodi nahii naꞌak, ‘Ema hotu-hotu hadiꞌa dalan bodik Naꞌin atu mai! Ema hotu-hotu haweer dalan atu simu Nia.’ ”

Lukas 12:30

Ema mak la naloon baa Nia, sia susi ruin baa lia nia sia. Mais emi keta nunia, tan emikaan Ama iha laleꞌan natene hotu-hotu mak emi buka.

Lukas 12:32

Hotu Yesus natutan tenik naꞌak, “Emi hanesan bibi malae klibur kiꞌik ida mak biit lalek. Mais keta hataꞌuk, tan emikaan Ama iha laleꞌan, Naꞌi Boot. Saa mak Niakaan, Nia nakara foo baa oan sia.

Yohanis 20:17

Hotu Yesus katak baa nia naꞌak, “Keta koko Haꞌu lai, tan Haꞌu ksei la saꞌe dauk baa Haꞌukaan Ama iha laleꞌan. Baa katak baa Haꞌukaan mamaluk sia maꞌak, ‘Haꞌu atu ksaꞌe baa Haꞌukaan Ama. Nia moos, emikaan Ama. Nia, mak Haꞌukaan Maromak. Nia moos, emikaan Maromak.’ ”

2 Korintus 6:18

Halo nunia lai, foin Haꞌu kdadi baa emikaan Ama; emi moos dadi baa Haꞌukaan oan. Tebes! Itakaan Naꞌin mak beran kaliuk, katak nunia.”

Galatia 1:4

Kristus latan isin lolon toꞌo mate nebee kasu mohu itakaan salan no nasai ita nosi aꞌaat raiklaran. Lia nia sia hotu-hotu tuir Ama Maromak hakaran.

Kolose 1:2

Haꞌu kakerek bodik emi mak Naꞌi Maromak eman sia iha kota Kolose. Emi neꞌe, amikaan mamaluk mak fiar metin baa Yesus Kristus tiꞌan. Ami hakroꞌan nebee Ama Maromak natudu laran diꞌak baa emi, nebee bele moris manek no dame.

1 Tesalonika 3:13

Hodi nunia, emikaan neon bele biit toꞌo emi dadi ema laran moon. Loron ikus, kalo Naꞌi Yesus namaan aan mai nikar no Niakaan ema sia, emi bele hariik iha itakaan Ama Maromak oin, hodi la hoo sala.

1 Tesalonika 5:23

Haꞌu kamulak kodi kakroꞌan, nebee Naꞌi Maromak namoos emikaan neon no laran. Nia mak nalo ita bele dame malu. Hodi nunia, oras itakaan Naꞌin Yesus Kristus namaan aan mai nikar, ita bele hariik iha Niakaan oin hodi isin moos no kmalar moos. Nia bolu ita dadi baa Niakaan ema moos. Ita bele fiar haꞌak, Nia nanis nalo nunia baa ita, tan Nia atu nalaꞌok saa mak Nia nameno tiꞌan.

2 Tesalonika 2:16

Ami hamulak bei-beik baa itakaan Ama Maromak no itakaan Naꞌin Yesus Kristus, nebee nakbiit emikaan neon, toꞌo emi bele halo lia diꞌak hotu-hotu. Ami haberan aan hakroꞌan nunia, tan ami hatene haꞌak, Naꞌi Maromak nadomi ita liu basuk. Tan Nia laran diꞌak, Nia la nanawa nakbiit ita. Ita bele haloon baa Nia nohuun.

2 Tesalonika 3:16

Naꞌi Yesus, Naꞌi Dame. Haꞌu kakroꞌan nebee, Nia natuun Niakaan dame baa emi nohuun. Nebee, Nia namutuk no emi nohuun.

2 Tesalonika 3:5

Ami hakroꞌan, nebee Naꞌi Yesus babilan emi, nebee emi bele hetak hatene Naꞌi Maromak dadomin no hetak haterus susar, hanesan Kristus naterus susar.

1 Yohanis 3:1

Hanoin kokon itakaan Aman dadomin baa ita! Dadomin nia, makaꞌas kaliuk, toꞌo Nia foti ita baa Niakaan oan. Tebes! Mais ema mak moris tuir raiklaran beer, sia la natene ita neꞌe see, tan sia la natene itakaan Ama.

Lia Raiklaran Falu Fila 21:3

Haꞌu moos rona kola lia maliak makaꞌas ida mai nosi habesi aan fatin iha nia naꞌak, “Mana diꞌa-diꞌak! Nahuu baa oras neꞌe, Naꞌi Maromak hutun-renun bele tama-sai Niakaan Tofatik. Nahuu baa loron neꞌe, Naꞌi Maromak eman sia moris namutuk no Nia. Nia dadi baa siakaan Maromak. Sia moos dadi baa Niakaan hutun-renun. Nia atu moris no sia nohuun. Nia atu nein no sia nohuun.