1 Petrus 3:10 - Tetun

¹⁰ Hakerek Moon naꞌak, “Ema mak buka moris manek, ema mak nakara otas naruk, nia musti daka ibun diꞌa-diꞌak, nebee keta toꞌo nia dale lia aat no lia tolek.

1 Petrus 3:10 ပူးပေါင်းရင်းမြစ်များ

Mateus 19:17

Yesus nataa naꞌak, “Tan saa o musu Haꞌu kosi lia saa mak diꞌak? Naꞌi Maromak mesan dei mak diꞌak. Kalo makara moris mo Nia, tuir lo-loos Niakaan ukun.”

Markus 8:35

Ema mak moris bodik isin lolon duꞌuk, niakaan moris atu lakon mohu. Mais ema mak nadiꞌa aan mate, tan nakara tuir Haꞌu no katak Haꞌukaan Manfatin Diꞌak, ema nia netan moris nima-nimak no Naꞌi Maromak.

Yohanis 1:47

Rona nola nunia, Natanel moos nakara, hotu baa. Oras Yesus titu-naree Natanel, Yesus katak naꞌak, “Ema neꞌe, ema Israꞌel isin. Nia ema moon mak la natene tolek.”

Yohanis 12:25

Ema mak la titu Naꞌi Maromak hakaran, mais nadomi resik niakaan moris iha raiklaran neꞌe, niakaan moris la noo folin. Mais ema mak nadiꞌa aan latan to-tomak niakaan moris iha raiklaran neꞌe, nia atu netan moris nima-nimak.

Yakobus 1:26

Kalo ema ida nafolin aan ema moon, mais nia la natene daka ibun, ema nia beꞌur duꞌuk aan! Niakaan moris moon nia, butan dei.

1 Petrus 2:1

Tan lia nia sia, emi keta halo aat ona. Keta halo kliꞌis ho ema. Keta oin-kotuk. Keta hirus ema. Keta dale hahaat ema. Soe lakon lia aat nia sia hotu-hotu!

1 Petrus 2:22

Hakerek Moon naꞌak, “Nia la nalo sala kois. La noo lia fuan tolek ida moos mak sai nosi ibun.”

Lia Raiklaran Falu Fila 14:5

Siakaan ibun la natene naktolek, tan sia neon moos.