1 Korintus 8:4 - Tetun

⁴ Lia naꞌan mak ema sera baa aiꞌoi lulik nuneꞌe. Ita hotu-hotu hatene aiꞌoi lulik mak ema loꞌu-sudur baa, lahoos Maromak. Noo hakerek naꞌak, “Maromak, mesak ida dei.” No “aiꞌoi lulik mak ema loꞌu-sudur baa, la noo folin kois.”

1 Korintus 8:4 ပူးပေါင်းရင်းမြစ်များ

Markus 12:29

Yesus moos nataa naꞌak, “Ukun mak boot kaliuk mak neꞌe: ‘Ema hotu-hotu iha rai Israꞌel, rona diꞌa-diꞌak! Naꞌi Maromak mak itakaan Naꞌin, no itakaan Maromak! La noo seluk tenik. Nia mesan dei.

Kristus Klosan Lian 14:15

“Adeei! Emi halo nuneꞌe baa saa? Keta loꞌu baa ami. Ami moos hanesan emi! Ami mai neꞌe atu katak lia diꞌak baa emi. Lia nia isin nuneꞌe: keta loꞌu-sudur baa ema kukun aat mak la noo folin. Musti loꞌu-sudur baa Naꞌi Maromak mak moris. Nia mak naseꞌi laleꞌan no raiklaran no sasoin hotu-hotu.

Kristus Klosan Lian 19:26

Mais oras neꞌe, ita duꞌuk haree hodi matan, rona hodi tilun, oin nunabee Paulus sasuꞌat ema waꞌin naꞌak, buat mak ita halo neꞌe la noo folin. Nia naꞌak, aiꞌoi lulik mak ita halo neꞌe, tolek dei. Lahoos ema kota Efesus mesan mak rona baa nia, mais ema rai Asia tomak rona baa nia.

1 Korintus 8:1

Oras neꞌe, haꞌu kdale kosi lia naꞌan mak ema nodi loꞌu-sudur baa aiꞌoi lulik. Emi hatene waꞌin tiꞌan hosi lia neꞌe. Mais lia nuneꞌe: kalo ita hatene waꞌin, ita maus loko aan, tan ita hanoin haꞌak, ita matenek liu ema seluk sia. Diꞌak liu, ita hadomi ema seluk. Tan lia nia mak nakbiit ema toꞌo bele naterus aan.

1 Korintus 8:10

Knaninuk nuneꞌe: o matene tiꞌan maꞌak, maa naꞌan lulik, la saa ida. Mais arumak o baa maa iha aiꞌoi lulik fatin. Hotu, maluk sarani ida naree o tuur maa iha nia. Maluk nia dadi neon ruak, tan sei la natene dauk lia nia fatan ka, lale. Mais tan o malo, nia moos nalo tuir.

1 Korintus 8:11

O matene lia waꞌin tebes. Mais kalo o malo nunia, o mahaat okaan maluk sarani mak neon la biit. Manoin, tan Kristus moos mate bodik nia!

Galatia 4:8

Uluk, baa oras emi sei la hatene Naꞌi Maromak dauk, emi halo aan nuꞌu ata hodi loꞌu-sudur baa buat mak lahoos Maromak.

Efesus 4:6

Maromak, mesak ida. Nia mak Ama bodik ita hotu-hotu. Nia mak ukun ita hotu-hotu. Nia namutuk no ita hotu-hotu. Nia moris iha itakaan neon hotu-hotu.

1 Timotius 1:17

Tonu Naꞌi Maromak! Nia mesan dei, mak Maromak. La noo ida seluk! Nia kaer ukun hori nima-nimak toꞌo nima-nimak. Nia moris hori nima-nimak toꞌo nima-nimak. Nia la natene mate. Ema raiklaran la bele titu nola Nia. Kneter no tonun hotu-hotu, sera baa Nia! Kneter no mose hotu-hotu, latan baa Nia! Tebes.

1 Timotius 2:5

Naꞌi Maromak, ida dei. Ailalete moos, ida dei. Ailalete nia, mak Yesus Kristus. Yesus Kristus mak nalo Naꞌi Maromak laran malirin baa ita ema raiklaran. Yesus, ema raiklaran nodi aan.

Yudas 1:25

Nia mesan, Maromak mak loos. Nia mesan mak sori ita nodi itakaan Naꞌin Yesus Kristus. Ita foo kneter hotu-hotu baa Nia. Nia makaꞌas kaliuk. Niakaan beran boot kaliuk. Nia kaer ukun hotu-hotu, hori uluk, baa oras neꞌe, toꞌo nima-nimak. Tebes! Nosi haꞌu, Yudas