1 Korintus 5:7 - Tetun

⁷ Tan lia nia, emi musti lelen lakon ema aat nia, foin emi bele moris moos hikar. Ema Yahudi uluk aan noꞌo bibi malae oan sala lalek, nalo baa sera Paska atu nodi namoos aan. Nosi ikus, ema noꞌo Kristus, Ema Moon nia. Nia moos dadi baa sera atu namoos itakaan neon.

1 Korintus 5:7 ပူးပေါင်းရင်းမြစ်များ

Mateus 13:33

Hotu Yesus tuꞌan tenik lia hatetek ida naꞌak, “Naꞌi Maromak renun moos hanesan tua teen mak ema kahur baa tubi rahun. Tubi rahun nia saꞌe toꞌo boot, tan tua teen mak oan basuk nia.”

Markus 14:12

Hotu, ema Yahudi siakaan loron boot sia toꞌo mai tiꞌan. Baa loron dala uluk, sia tunu tubi mak la kahur tua teen tubi, no noꞌo bibi malae. Baa loron nia Yesus Niakaan maktuir sia mai nusu baa Nia naꞌak, “Ama! Ohin kalan neꞌe ita musti hahuu Dahur Tubi Bakae hodi koꞌa bibi malae atu haa baa Paska. Dadi, Ama nakara ami baa hadiꞌa dahur nia iha nabee?”

Yohanis 1:29

Baa awan, Yohanis naree Yesus mai baa sia. Hotu Yohanis dale naꞌak, “Mana lai! Bibi malae oan mak Naꞌi Maromak nadiꞌa kedan, Nia mai tiꞌan. Nia mak atu dadi sera, kasu ema raiklaran salan.

Yohanis 1:36

Naree Yesus laꞌo liu, nia katak baa maktuir sia naꞌak, “Mana lai! Ema nia, bibi malae oan mak Naꞌi Maromak nadiꞌa kedan atu dadi baa sera!”

Yohanis 19:14

Loron nia, Loron Hadiꞌa Aan baa Dahur Paska. Takseer loro natetu, gubernur katak baa ema Yahudi sia naꞌak, “Mana ona! Nia neꞌe, emikaan naꞌin!”

Roma 3:25

Naꞌi Maromak boi Yesus dadi baa sera atu selu nola itakaan tate, nodi kasu mohu itakaan salan. Mais ita musti fiar lia nuneꞌe: Yesus simu itakaan kastikar nodi naduar raan toꞌo mate atu selu nola ita. Uluk, Naꞌi Maromak netu neon baa ema raiklaran salan, no nakotu atu naluꞌa lakon sala nia sia. Mais kalo Nia la kastikar ema raiklaran salan, Nia la moon. Tan nunia, Nia loke dalan nebee ema raiklaran siakaan kastikar tula baa Yesus nodi selu nola sia. Hodi nunia, Naꞌi Maromak natudu naꞌak, Nia nakotu lia nodi moon. Kalo ema ida fiar naꞌak, Yesus selu nola nia tiꞌan, Naꞌi Maromak nakotu naꞌak, ema nia, ema loos.

1 Korintus 10:17

Ita hotu-hotu simu tubi faꞌek hosi tubi ida. Lia neꞌe naꞌak, ita dadi mesak tiꞌan. Masik ita ema lear, ahan ita isin lolon ida, tan hotu-hotu talin malu ho Kristus.

1 Korintus 5:13

tan Naꞌi Maromak duꞌuk mak atu tetu sia. Mais keta haluꞌa Hakerek Moon naꞌak, “Kalo ema ida iha emikaan klaran nalo sala, musti lelen lakon nia!”

Efesus 4:22

Hanorin nia naꞌak, ita musti laꞌo hela itakaan moris dalan tuan ona. Tan kalo ita moris sasobo tuir ema raiklaran beer, ita kona beꞌur toꞌo itakaan moris dodok.

Lia Raiklaran Falu Fila 5:12

Sia hotu-hotu nananu nodi lian makaꞌas naꞌak, “Ami foti-hahaas Bibi Malae Oan mak kona hoꞌo. Nia mak fatan simu amikaan tonun! Niakaan beran, boot kaliuk. Niakaan sasoin, waꞌin kaliuk. Niakaan kakutak, matenek kaliuk. Niakaan babiit, makaꞌas kaliuk. Ami foti-hahaas Niakaan naran. Ami sera kneter baa Nia. Ami tonu-haboot Nia.”