1 Korintus 2:3 - Tetun

³ Oras haꞌu kanorin emi, koran la kbele, toꞌo kataꞌuk no kiki.

1 Korintus 2:3 ပူးပေါင်းရင်းမြစ်များ

Kristus Klosan Lian 17:1

Paulus no Silas sai nosi kota Filipi, sia baa kota ida naran Amfipolis. Hotu sia baa kota ida seluk, naran Apolonia. Nosi nia, sia liu baa kota Tesalonika. Iha kota nia, noo uma hamulak Yahudi ida.

Kristus Klosan Lian 18:1

Baa oras nia, naꞌi fohorai Roma naran Klaudius. Nia krakat no ema Yahudi mak nein iha kota Roma iha rai Italia, toꞌo nia nalatu sai sia. Hotu sia nalai keen karin malu baa fatin hotu-hotu. Nosi ema Yahudi nia sia, noo ema ida naran Akila no feen naran Priskila. Sia rua tuir nalai sai nosi rai Italia, baa kota ida naran Korintus. Akila huun nosi rai Pontus. Nia serwisu nalo batane nosi kulit. Baa oras nia, Paulus moos laꞌo nela kota Atena, baa kota Korintus. Iha nia, nia nasoru Akila no Priskila, tan nia moos serwisu nalo batane nosi kulit. Sia nein namutuk, serwisu namutuk.

Kristus Klosan Lian 18:12

Oras nia, ukunrai Roma foti gubernur foun iha rai Akaya, naran Galio. Haree nunia, ema Yahudi sia koꞌa kabuar lia fuan atu dada nodi Paulus baa gubernur iha moon-metan.

Kristus Klosan Lian 18:6

Rona Paulus dale nunia, ema Yahudi hira sakar bei-beik nia no dale naraik nia. Paulus moos nakbaas ahukresan nosi niakaan tais, nalo baa tadak naꞌak nia la noꞌuk ulun kalanuk tenik no sia ona, tan sia la noꞌuk simu nia. Nia katak naꞌak, “Emi neꞌe liu resik! Emi hodi neon no laran hadiuk aan. Mais soꞌin! Emi mak hatiu emikaan salan duꞌuk. Haꞌu la kataa bodik emi ona. Nahuu oras neꞌe, haꞌu la koo lia ko emi ema Yahudi ona. Haꞌu atu kbaa klubun seluk, kanorin ema mak lahoos Yahudi.”

2 Korintus 10:1

Oras neꞌe, haꞌu, Paulus duꞌuk mak katak lia neꞌe. Emi balu dale haꞌak, “Kalo Paulus namutuk no ami, nia dale mamamar dei. Mais kalo Paulus dook, nia naberan aan dale makaꞌas.” Nunia tebes ka? Nuneꞌe mai. Haꞌu kusu kodi karaik aan no laran furak hanesan Kristus laran, nebee emi hanono baa haꞌu.

2 Korintus 10:10

Mais noo ema mak dale naꞌak, “Keta titu Paulus. Masik nia dale krakat iha hakerek laran moos, kalo nia mai duꞌuk, nia dale mamamar. Niakaan dale la noo beran.”

2 Korintus 13:4

Baa oras ema noꞌo Nia iha ai karuus, Nia namamar aan tebes, tan rai mohu Niakaan beran. Mais Naꞌi Maromak latan beran baa Nia, nebee Nia moris nikar. Ita mak dadi baa Kristus eman, masik ita duꞌuk la biit moos, Naꞌi Maromak foo moris foun baa ita. Tan lia nia, ami bele haliku emi hodi Niakaan beran.

2 Korintus 13:9

Kalo ami mak mamar, emi mak biit moos, la saa ida. Mais ami haloon nebee emi tebe-tebes biit.

2 Korintus 4:1

Tan Naꞌi Maromak natudu dodan baa ami nunia, ami halaꞌok Niakaan serwisu. Ami la neon mamar, mais ami haterus aan bei-beik.

2 Korintus 4:16

Tan lia nia, ita la neon mamar, mais haterus aan bei-beik. Masik itakaan isin lolon dodok, sura loron Naꞌi Maromak nakbiit itakaan neon.

2 Korintus 6:4

Ami halo lia hotu-hotu nunia atu hatudu haꞌak, ami neꞌe, Naꞌi Maromak ain-liman mak diꞌak. Masik ami hetan susar ka, ami moris iha tokar lauk klaran ka, ami haterus aan halaꞌok Niakaan serwisu bei-beik.

2 Korintus 7:15

Sura nia nanoin nola emikaan hahalok no emikaan dalen, nia hetak nadomi emi. Nia moos nanoin, oras nia baa emi, emi simu nia hodi kneter, masik emi neo-neon baa haꞌukaan hakerek nia.

2 Korintus 7:5

Uluk, baa oras ami mai iha rai Makedonia, ami kole atu mate tan hetan susar karuk-kwana. Ami toe ho ema matak. Ami moos horan hataꞌuk.

Efesus 6:5

Ema ain-liman sia! Emi musti hanono baa emikaan ulun mak ukun emi iha raiklaran neꞌe, no serwisu tuir niakaan hakaran. Keta serwisu asufanu dei, mais serwisu hodi neon no laran tuir ulun hakaran, hanesan tuir tebe-tebes Kristus hakaran,