1 Korintus 11:5 - Tetun

⁵ Mais feto musti taka ulun baa oras namulak, no baa oras natoꞌo Naꞌi Maromak mamenon. Kalo la taka ulun, hahalok nia ahan nia namoe niakaan laꞌen, tan la nalaꞌok tuir itakaan adat kneter. Nia moos namoe aan duꞌuk, ahan feto ulun koi molik.

1 Korintus 11:5 ပူးပေါင်းရင်းမြစ်များ

Lukas 2:36

Iha Uma Hamulak Huun nia moos, noo ferik ida naran Hana. Niakaan otas tinan walu nulu resin haat tiꞌan. Aman, naran Fanuel, nosi ema hunun Aser. Ferik nia foin noo laꞌen tinan hitu, laꞌen mate nela tiꞌan. Ferik nia moos Maromak makoꞌan ida mak namulak no nalirin aan loron-kalan iha Uma Hamulak Huun.

Kristus Klosan Lian 2:17

‘Kalo raiklaran kreꞌis falu fila, Haꞌu atu katuun Haꞌukaan Kmalar Lulik baa ema hotu-hotu. Emikaan oan feto no oan mane sia, Haꞌu kalo baa Haꞌukaan makoꞌan. Emikaan ema nurak sia, bele naree saa mak Haꞌu katudu baa sia. Emikaan matas sia, bele meꞌi nola saa mak Haꞌu katudu baa sia.

Kristus Klosan Lian 21:9

Filipus oan feto, naꞌin haat. Maromak nalo sia baa makoꞌan, nebee katak Niakaan hakara.

1 Korintus 11:4

Mane lalika taka ulun baa oras namulak, no baa oras natoꞌo Naꞌi Maromak mamenon. Kalo taka ulun, hahalok nia, ahan nia namoe Kristus, tan nia la nalaꞌok tuir itakaan adat kneter.

1 Korintus 11:6

Tebes. Kalo feto la noꞌuk taka ulun atu dadi tadak nia nakneter laꞌen, diꞌak liu, nia koi molik ulun. Mais kalo nia noran moe tan ulun koi molik, diꞌak liu, taka ulun dei.

1 Korintus 14:34

Feto sia musti tuur mamatek. Sia keta dale waꞌin. Sia nanono baa malikuk sia. Tan Naꞌi Maromak Ukun-badu naꞌak nunia.