1 Korintus 1:2 - Tetun

² Haꞌu kalo hakerek neꞌe bodik emi iha hutun sarani iha kota Korintus. Naꞌi Maromak boi nola emi atu dadi baa ema moos, tan emi fiar baa Yesus Kristus. Nia namoos emi hanesan Nia namoos ema makfiar sia iha fatin hotu-hotu, tan ita hotu-hotu haloon baa itakaan Naꞌin Yesus Kristus. Nia, mak Naꞌin bodik ita ho sia bele-bele.

1 Korintus 1:2 ပူးပေါင်းရင်းမြစ်များ

Lia Uluk Fohon 12:8

Hotu, Abram sia lori saꞌe baa foho iha lorokbelan baa. Sia nein heik iha fatin ida iha leo Betel no leo Ai leet. Iha nia, Abram nariik taroman ida, nodi loꞌu-sudur baa MAROMAK.

Lia Uluk Fohon 4:26

Kleu-leur Set moos netan oan mane ida naran Enos. Natoon baa oras nia, ema nahuu natene MAROMAK nodi loꞌu-sudur baa Nia.

Kristus Klosan Lian 10:36

Lia diꞌak neꞌe mak Naꞌi Maromak katak tiꞌan baa ami ema Israꞌel. Yesus mate atu nalo ema raiklaran diꞌa-diꞌak nikar no Naꞌi Maromak. Yesus moos Naꞌin bodik ema hotu-hotu.

Kristus Klosan Lian 15:9

Nia la nafoli sia seluk nosi ita. Kalo ema lahoos Yahudi fiar baa Yesus, Yesus nanis namoos siakaan neon, hanesan Nia namoos itakaan neon.

Kristus Klosan Lian 18:1

Baa oras nia, naꞌi fohorai Roma naran Klaudius. Nia krakat no ema Yahudi mak nein iha kota Roma iha rai Italia, toꞌo nia nalatu sai sia. Hotu sia nalai keen karin malu baa fatin hotu-hotu. Nosi ema Yahudi nia sia, noo ema ida naran Akila no feen naran Priskila. Sia rua tuir nalai sai nosi rai Italia, baa kota ida naran Korintus. Akila huun nosi rai Pontus. Nia serwisu nalo batane nosi kulit. Baa oras nia, Paulus moos laꞌo nela kota Atena, baa kota Korintus. Iha nia, nia nasoru Akila no Priskila, tan nia moos serwisu nalo batane nosi kulit. Sia nein namutuk, serwisu namutuk.

Kristus Klosan Lian 22:16

Sei mein saa tenik? Baa ona, musu simu sarani ona. Sarani nia dadi tadak naꞌak, mau naloon tiꞌan baa Yesus, nebee Nia kasu mohu mau salan.’ ”

Kristus Klosan Lian 26:18

Haꞌu ksolok o baa loke ema lahoos Yahudi matan, nebee sia laꞌo nela kukun, mai moris iha kroman laran. O musti masai sia nosi diabu ulun beran, nebee sia moris no Naꞌi Maromak beran. Hodi nunia, Nia kasu mohu siakaan salan. Sia moos bele dadi baa Niakaan ema, manesak no ema seluk sia mak Nia boi tiꞌan, tan fiar Haꞌu. Lia nia dei mak kakara kalore baa o, Saulus.’ ”

Kristus Klosan Lian 9:13

Mais Ananias nataa naꞌak, “Keta nunia, Ama Boot! Ami rona ema dale karuk-kwana nosi ema nia. Nia ema aat basuk mak nasusar tebe-tebes Yesus eman sia iha Yerusalem.

Kristus Klosan Lian 9:14

Oras neꞌe, nia mai iha Damsik neꞌe tiꞌan. Ami rona haꞌak naꞌilulik ulun sia foo hakerek latan beran baa nia, atu nodi kohi mohu ema mak tuir Yesus dalan moris iha neꞌe.”

Kristus Klosan Lian 9:21

Mais ema mak rona Saulus dale nunia, sia blaar no benar. Sia dale baa malu naꞌak, “Nia neꞌe, ema aat nia mak nasusar Yesus eman sia iha Yerusalem! Nia mai neꞌe atu kohi sia nodi baa naꞌilulik ulun sia. Tan saa oras neꞌe, nia nanorin lia nosi Yesus! Aaa! Nunabee tiꞌan?”

Roma 1:7

Tan lia nia, haꞌu kakerek lia neꞌe bodik emi iha Roma. Haꞌu ksolok tabe kodi foo katene kaꞌak, Naꞌi Maromak nadomi emi. Nia moos nusu nebee emi dadi ema mak moris moon. Kamulak nebee itakaan Ama Maromak no itakaan Naꞌi Yesus Kristus natudu laran diꞌak baa emi, nodi foo moris manek no dame.

Roma 10:12

Ema Yahudi no ema lahoos Yahudi manesak, tan Naꞌin ida dei bodik ema klubun hotu-hotu. Nia moos beer fakar laran diꞌak bodik ema hotu-hotu mak nusu tulun baa Nia.

Roma 3:22

Naꞌi Maromak naloos ita, surak ita fiar Yesus Kristus. Nia la fihir oin, tan Nia naloos ema hotu-hotu mak fiar Yesus Kristus.

Roma 8:28

Ita hatene haꞌak, Naꞌi Maromak nalo hotu-hotu dadi diꞌak bodik ema mak nadomi Nia no boi kedan atu tuir Niakaan hakara.

1 Korintus 1:30

Naꞌi Maromak loke dalan nebee ita bele talin malu ho Yesus Kristus. Tan baa nia, ita bele diꞌak hikar ho Naꞌi Maromak. Ita bele hatene Niakaan matenek. Ita bele moris moos no loos. Ita moos bele hakbois hosi sala.

1 Korintus 10:32

Keta halo ema laran moras tan okaan hahalok. Masik sia ema Yahudi ka, lahoos ema Yahudi ka, ema sarani ka, keta.

1 Korintus 12:27

Nunia moos ita. Ita nuꞌu Kristus isin lolon. Ita ida-idak nuꞌu rohan ida nosi Niakaan isin lolon nia.

1 Korintus 8:6

Mais bodik ita, Maromak mesak dei. Nia, itakaan Ama. Lia hotu-hotu nahabut baa Nia. Ita halo hotu-hotu bodik Nia. Itakaan Naꞌin moos, mesak dei. Neꞌe mak, Yesus Kristus. Naꞌi Maromak nodi Nia atu naseꞌi hotu-hotu. Ita moris, tan Nia mak foo moris baa ita.

2 Korintus 1:1

Hakerek neꞌe nosi haꞌu, Paulus, mak Naꞌi Maromak boi baa Yesus Kristus klosan. Itakaan maluk Timotius namutuk no haꞌu iha neꞌe. Ami rua solok tabe. Haꞌu kalo hakerek bodik emi hutun sarani sia iha kota Korintus no rai Akaya tomak.

2 Korintus 4:5

Ami la dale aan duꞌuk, mais ami dale waꞌin hosi lia Yesus Kristus, itakaan Naꞌin. Kalo ami dale aan duꞌuk, ami dale loos lia neꞌe: ami neꞌe dadi emikaan ain-liman, tan Yesus mak nakara.

Efesus 5:26

Nia nalo nunia, nebee ita dadi moos iha Naꞌi Maromak oin. Kristus namoos ita nosi itakaan salan, nodi Niakaan Manfatin no wee sarani.

1 Tesalonika 1:1

Hakerek neꞌe, nosi haꞌu, Paulus, ko haꞌukaan belu Silas no Timotius. Ami foo tabe. Ami solok hakerek neꞌe bodik emi mak tuir itakaan Ama Maromak no itakaan Naꞌi Yesus Kristus iha kota Tesalonika. Ami hakroꞌan nebee Naꞌi Maromak natudu laran diꞌak baa emi, nebee emi bele moris manek no dame.

1 Tesalonika 4:7

Naꞌi Maromak bolu ita atu dadi Niakaan ema mak moris moon, lahoos ema mak moris hanesan ema mak nalo lia kfoꞌer nia sia.

2 Tesalonika 1:1

Tabe nosi haꞌu, Paulus, bele-bele ko haꞌukaan belun Silas no Timotius. Ami solok hakerek neꞌe baa emi iha hutun sarani iha kota Tesalonika. Emi boi tiꞌan atu tuir Naꞌi Maromak, itakaan Ama, no Yesus Kristus, itakaan Naꞌin.

1 Timotius 2:8

Haꞌu kakara nuneꞌe: Kalo emi libur malu atu hamulak, emi musti diꞌa-diꞌak ho malu. Keta hirus malu. Keta toe malu. Kalo foti liman atu hamulak, emikaan neon musti moos.

2 Timotius 1:9

Naꞌi Maromak sori nola ita nosi itakaan salan, no boi nola ita dadi Niakaan ema moon. Masik ita la halo sa-saa moos, ita bele simu Niakaan dadiꞌak nia. Naꞌi Maromak sei la naseꞌi raiklaran dauk, Nia nakotu tiꞌan atu solok Yesus Kristus mai, nebee natudu laran diꞌak nodi sori ita.

2 Timotius 2:19

Masik nunia moos, Maromak Manfatin nafati, hanesan lia tatuur mak la kakoen. Iha Manfatin nia noo hakerek naꞌak, “Naꞌi Maromak natene Niakaan ema sia.” Noo hakerek tenik naꞌak, “Ema mak loꞌu-sudur baa Naꞌi Maromak, musti nakdook aan nosi aꞌaat.”

2 Timotius 2:22

Ema nurak sia maus beer aat. Mais Timo, o keta nunia. O musti daka aan diꞌa-diꞌak, nebee keta tuir sia nunia. Malo lia diꞌak bei-beik. Fiar bei-beik baa Naꞌi Maromak. Moris madomi malu, dame malu mo ema hotu-hotu. Ema mak fiar baa Naꞌi Maromak, neon moon, no nalo lia diꞌak bei-beik. Timo, o musti moris nunia!

Ibrani 10:10

Naꞌi Maromak Niakaan beer, mak, Yesus Kristus dadi sera atu mate dala ida bodik ema raiklaran. Hodi nunia, Nia nalo ita dadi ema moos toꞌo nima-nimak.

Ibrani 13:12

Yesus moos nunia. Nia dadi baa sera, nebee Naꞌi Maromak kasu mohu ema raiklaran salan. Baa oras nia mate, ema moos dada nodi Nia atu baa noꞌo iha kota Yerusalem luan.

Ibrani 2:11

Kalo ema tuir Yesus dalan moris, Naꞌi Maromak nanis simu diꞌa-diꞌak sia, nebee sia dadi baa Niakaan oan sia. Tan Naꞌi Maromak moos Yesus Aman, Yesus la moe temi sia naꞌak, “Emi neꞌe, Haꞌukaan maun-biin-alin duꞌuk.”

Yudas 1:1

Tabe nosi haꞌu, Yudas. Haꞌu neꞌe, itakaan Naꞌin Yesus Kristus ain-liman. Haꞌu moos, Yakobus alin. Haꞌu kakerek neꞌe bodik ema hotu-hotu mak Ama Maromak boi tiꞌan. Nia nadomi emi. No Yesus Kristus moos babilan emi nohuun.

Lia Raiklaran Falu Fila 19:16

Iha Ema nia tais no kelen, noo hakerek nuneꞌe: Naꞌin baa naꞌi hotu-hotu, Ulun baa ulun hotu-hotu.