Márku 6:9 - Emo'u Itukó'oviti

⁹ Pahúkoamaka itúkea perékatana itea ako síka ómea esá'ikovope.

Márku 6:9 ပူးပေါင်းရင်းမြစ်များ

Máteu 10:10

Hákonoemaka yómo íhaku ípevo koeku yéni, koane hako yómo yesá'ikovope koane piríkatana. Muhíkova piló'ina hako yomâ, vo'oku koati motokeâti koúsokinokono nókone ne xâne ko'ítuketi.

Máteu 3:11

Kaná'uti ánjikeopinoe ya úne, yéxokovope ikétivexi iséneuke ne pehúnevo koane kirikópati, itea ya ingénepoke, harakénemo koati hána'iti teyonéti ya undíke. Muhíkova anjí'okeova koane omínoam perékatana, ako omóndokea. Énomonemo ahíko xâne, haînati ya úne itea ya xunákoke Sasá'iti Omíxone Itukó'oviti, enepone kutí koetimo xunako yúku kasása'ikea.

Márku 6:10

Ina kixovókoxoa Jesus: —Enepo áva ko'óvokuti porexópiti yóki óvokuke, yâvaneya imókonemo ipihíkapi ne pitivóko.

Márku 6:8

Yoko ako síka Jesus ápeyeahiko ómone koeku píhea. Poéhane puló'ina ómo. Kene kuteâti imóvo, íhaku ípovo, koánemaka itûketi, ako síka ómea.

Yútoe Lúka koeku ítuke ne ápostuluhiko, enepone páhoe Jesus 12:8

Ina kixoá'ikomaka ánju: —Keúnakapapu, itíkapa ne piríkatana —kíxoane. Koáne, itúkopane Pêturu. Ina kixopâmaka ánju: —Itíkapamaka keápana ínamo hekapánu —kíxoane.

Éfeziu 6:15

Kene kuteâti koeku hapátuna húndaru kóxuhevekea, kéxuhevekapumaka yane itíkivo usó koyêti koyúhopoinoa xâne ne inámati ihíkauvoti koyúhoti koeku Kristu, enepone ominoâti unako koêku ikéneke Itukó'oviti.