Márku 4:39 - Emo'u Itukó'oviti

³⁹ Iyukóvone ne Jesus, pahúkoa ókea ne ihunóvoti. Hara koéne: —Akáne ra ihunóvoti. Hákone ovoxókovo ra úne —koéne. Yane okóne ne ihunóvoti, huvemoo koépone ikéne.

Márku 4:39 ပူးပေါင်းရင်းမြစ်များ

Máteu 8:26

Ina kixovókoxoa Jesus: —Na koeti itíkinovonoe îreti? Koati itínoe xâne ôriti kúveovonu —kíxovokoxoane. Ina exepúko ne Jesus pahukôa ókea ne ihunóvoti koane kóyunukeovo ne úne. Yane huvemoo koépone ikéne.

Márku 4:38

Yoko imókoti ne Jesus terékuke neko vatéke ayátokoke. Ina koyúkoa íhikauhiko koane kíxea: —Ihikaxotí, ako yónoku iséneu? Inípono kahá'ayeane yúpuririkeovo ûti —kíxoanehiko.

Márku 9:25

Noixoâne Jesus éhahikeovo ne xanéhiko xokóyoke, sayá'ikoa ne ndémoniu. Hara kíxoa: —Iti ndémoniu mokeréxoti xâne konae ákoti ikayúhaxa, mbahúkopi ipíhikopi ra homoêhou, koane hákone keyukópinova —kíxoane.

Lúka 4:35

Ina saya'íkoa Jesus neko ndémoniu. Hara kíxoa: —Hákone keyûho, ipíhikapi ra hóyeno —kíxoane. Yane íkorokoane ndémoniu neko hóyeno poké'eke xapákuke uhá koêti neko xâne, ina ipuhíkopea ákoti aka'áka.

Lúka 4:39

Simeáne xêrerekuke ipéna, pahúkoane uké'epea ne otuko mûyo. Koá'axo, uké'epone neko êno otuko mûyo. Yane exépukopone neko sêno koane kátarakopea evo Jesus.

Lúka 8:24

Ina ahi'ókovo Jesus ne íhikauhiko koyúkoati. —Ihikaxotí, vivohíkovotinemo —kíxoanehiko. Iyukóvone ne Jesus, pahúkoa ókea ne xúnati ihunóvoti koáne ne êno xúnati ovósokeovo úne. Yane okóne ne ihunóvoti koáne ne úne, huvemoo koépone ikéne.