Lúka 22:12 - Emo'u Itukó'oviti

¹² Yane exókopitinoemo koati hána'iti kúveu ovokúti vanúkeke apêti mêsa yoko pánguhiko. Usó koyêtine uhá koetíya. Énomonemo keúsakinavi nikamo utíya —kíxoanehiko.

Lúka 22:12 ပူးပေါင်းရင်းမြစ်များ

Lúka 22:11

ínamo ixêa ne únae ovokúti: “Na óvo ne kúveu ovokúti óvongumo níngea xapa áyui Páskoa, ûndi yoko ínzikauhiko? kixópi Ihíkaxoti” íxeamo.

Lúka 22:13

Úkeane pihohíko ya pitivóko. Yoko uhá koêti neko yuhó'inoa Jesus, aínovo tokopóvoti. Yane koúsokoanehiko neko nikámo xapa áyui Páskoa.

Xuâum 2:25

Ako apásika ápeyea xâne etó'okoati koêku ne xanéhiko yara kúveu mêum, vo'oku heú kíxea Jesus éxea isóneuhiko.

Xuâum 21:17

Ina kixopâ'ikomaka Jesus: —Simaúm, xe'a Xuâum, ako omótovonu yokóvo? —kixópanemaka, yoko mopó'apene épemo'ikoa. Yane isone'ekovó koéne ne Pêturu vo'oku mopó'ayeane épemo'ikoa Jesus ákoyea omótova okóvo. Ina yumopâ Pêturu: —Unaém, yéxoa uhá koeti koekúti. Yéxoa ákoyea omótovopi ongóvo. Ina kixopâmaka Jesus: —Yokóyonoakopo ne ngátarae, enepohikone hokónuti.

Yútoe Lúka koeku ítuke ne ápostuluhiko, enepone páhoe Jesus 1:13

Seopóne pitivókoke, ina alu'ókopo sôparatuke yane ovokúti óvoku. Harâ'a iháhiko neko ho'uxóvoti: Pêturu; Xuâum; Teâku; Ándere; Filípi; Túme; Mbatulúmeu; Máteu; Teâku, enepone xé'a Áfeu; Símaum iháxoneti Nzelóti; yoko Njûda, enepone xé'a Teâku.

Yútoe Lúka koeku ítuke ne ápostuluhiko, enepone páhoe Jesus 20:8

Koati ênoti íhaku yúku ihuxoké koyêti yane kúveu péti vanúkeke ho'úxovoku ûti.