Yútoe Lúka koeku ítuke ne ápostuluhiko, enepone páhoe Jesus 9:40 - Emo'u Itukó'oviti

⁴⁰ Ina pahukôa Pêturu ipúhihikopea meúkeke heú koêti neko xanéhiko. Yane ipuyuké koéne épemea Itukó'oviti xaneâti inonéxinova ne ivokóvoti koane kó'iyea: —Tabitá, yexépukapa! —koéne. Ina mihe'óko ûke neko sêno. Yane noíxone Pêturu, ina ivatákopo ípeke.

Yútoe Lúka koeku ítuke ne ápostuluhiko, enepone páhoe Jesus 9:40 ပူးပေါင်းရင်းမြစ်များ

Máteu 6:6

Kene îti, enepo itîka orásaum, urukú yákoepo kúveu yóvoku. Exexó íxea ne péhapetea. Yépema ne Yá'a íhae vanúke, enepone ákoti inixoâti, yane iko'íparaxopeatimo nê'e. Koáhati iníxoti koekúti ákoti po'i noixoâti.

Máteu 9:25

Ipuhíhikopone neko êno xâne, yane ûrukovone Jesus, ina namukêa vô'u neko seno kalivôno, yane exépukopone.

Márku 9:25

Noixoâne Jesus éhahikeovo ne xanéhiko xokóyoke, sayá'ikoa ne ndémoniu. Hara kíxoa: —Iti ndémoniu mokeréxoti xâne konae ákoti ikayúhaxa, mbahúkopi ipíhikopi ra homoêhou, koane hákone keyukópinova —kíxoane.

Lúka 22:41

Yane kali ahikuu koéne ne Jesus, kuteâtimea tirinta koeti méturu kíxoaku ne íhikau, ina ipuyúkexo epémoti Itukó'oviti. Hara koéne:

Lúka 8:54

Yane namú kíxeane Jesus vô'u ina kohonóko emó'u kíxea: —Tenó, yexépukapa —kíxoane.

Yútoe Lúka koeku ítuke ne ápostuluhiko, enepone páhoe Jesus 20:36

Uke'éxone koyúhoyea nê'e, ipuyuké koéne itúkea orásaum koánemaka uhá koêti neko inuxínoti ítuke Itukó'oviti simoâti.

Yútoe Lúka koeku ítuke ne ápostuluhiko, enepone páhoe Jesus 21:5

Itea simovóne káxe pihópope ûti, koúsokovone ûti ina vukopóno. Yoko heú kôe neko po'inu ûti xoko Jesus píhea kuríkoponeovi, xané kixotíhiko yêno koane xe'éxaxapa. Tukú kíxoa vipuhíkopeane ne pitivóko. Yâkonoye xe'ókuke ne úne, vipúyukexo vitúkoti orásaum.

Yútoe Lúka koeku ítuke ne ápostuluhiko, enepone páhoe Jesus 28:8

Yoko ka'aríneti há'a ne Pûbiliu. Ípeke óvo, yuvâti xúnati ihoréketi yoko êno otuko mûyo. Ina noixóponoa Poûlu, yane itúkinoane orásaum koane ípihone vô'u tutíkuke koitóvati.

Yútoe Lúka koeku ítuke ne ápostuluhiko, enepone páhoe Jesus 7:60

Yane ipuyuké koéne, koane kóhonokea emó'u kó'iyea: —Unaém, hako ipihéponoahiko vo'ókuke ra váhere ítukeinonu —koéne. Yane ivókovone.