Yútoe Lúka koeku ítuke ne ápostuluhiko, enepone páhoe Jesus 8:30 - Emo'u Itukó'oviti

³⁰ Ina ehakínova Filípi. Koeku ahí'okeova, koane kámea ne hóyeno yúhoikea emo'u Itukó'oviti yútoeke porofeta Izâiya, ina kixôa Filípi: —Yéxoa kixó'ekone ne yího'iu?

Yútoe Lúka koeku ítuke ne ápostuluhiko, enepone páhoe Jesus 8:30 ပူးပေါင်းရင်းမြစ်များ

Máteu 13:19

Uhá koeti xâne kamoâti ne emo'u Itukó'oviti koyúhoti kixoku koeku natíxea ne Itukó'oviti xapa xâne, koeku ákoyea éxina isóneu, yane kenó'okone Satánae veyopeâti isóneuke ne kámone. Énomone kuteâti ne ake nonéti irihíkovoti xe'ókuke xêne.

Máteu 13:23

Itea enepone ake nonéti irihíkovoti únatike poké'e, énomone kuteâti ne xâne kamoâti ne emo'u Itukó'oviti, epó'oxo koati exínoati isóneu. Yane koâti apêti únati ítukeino Itukó'oviti kuteâti koêku ne ake nonéti porexópoti póhuti séndu há'i ya póhuti áke úkeaku itukovo sesenta koêti, áko'o itukovo tirinta koêti ya póhuti úkeaku.

Máteu 13:51

Ina kixovókoxopamaka Jesus neko íhikauhiko: —Yéxinoanoe iséneu uhá koeti kixó'ekone ra yûnzo? —Êm, véxoa —kíxoanehiko.

Máteu 15:10

Ina ihaxíkoa Jesus neko êno xâne. Hara kíxovokoxoa: —Yakámokenonu maka yéxinanoene iséneu ra yûnzo:

Máteu 24:15

Ina koe'íkomaka ne Jesus: —Enepo neixânenoe ne êno váhere koekúti yane óvoku koati sasá'iti kixovókuti, koesáyu'ixoati koane kotohínekexopati, kuteâti koeku yuhóke porofeta Ndaníye koyúhoti emo'u Itukó'oviti mekúke, hara ngôe vo'ókuke: (Yoko koêkuti yuhoíkoati râ'a, apásika éxea koeku kixó'ekone.)

Márku 13:14

Ina koe'íkomaka Jesus: —Enepo neixânenoe ne êno váhere koekúti xoko ákoyeaku omótova óvea koesáyu'ixoati koane kotohínekexopati ne koati sasá'iti kixovókuti, hara ngôe vo'ókuke: (Yoko koêkuti yuhoíkoati râ'a, apásika éxea koêku kixó'ekone.) Enepohikone xâne ovotíya Njúdeya, okóho'inehiko xapa hána'itinoe mopôi.

Xuâum 4:34

Ina kixôa Jesus: —Hara indúko nînga, indúkea âha ne Pahukónuti yara kúveu mêum, yoko ngoúsexea ne itukéti pónenu indúkea.

Xuâum 5:39

Koati ihíkexovatinoe ne yutoéti emó'uke Itukó'oviti pe'okoâti itéponimo ne apéyeati ákotinemo hunókoku xoko Itukó'oviti vo'ókuke. Yoko ainovó koe ûndi koyúho neko yutoéti.

Yútoe Lúka koeku ítuke ne ápostuluhiko, enepone páhoe Jesus 8:27

Yoko ápe hóyeno íhae po'i poké'e koéhati Etiópea vekoâti neko xêne. Eunúku itukóvoye neko hóyeno, koane koati payásoti ko'itúkeinoti sêno koéhati Kandáse, natina Etiópea. Énomonemaka exôa koêku ne tiûketi ya natíxokuke Kandáse. Yoko ukopeâti Njeruzálem neko hóyeno, yónoku iháyu'ikoponea Itukó'oviti.

Yútoe Lúka koeku ítuke ne ápostuluhiko, enepone páhoe Jesus 8:29

Ina kíxo Filípi ne Sasá'iti Omíxone Itukó'oviti: —Yahí'akapa rakene karósa, yaxénapoa —kíxoane.

Yútoe Lúka koeku ítuke ne ápostuluhiko, enepone páhoe Jesus 8:31

Ina yumopâ neko hóyeno: —Namo ngíxoaye énjea hákotimo kourápu'ikinonoati? —kíxoane. Yane ítaikone Filípi evésenekuyea ne ivú'e ivátakea xêrerekuke.

Yútoe Lúka koeku ítuke ne ápostuluhiko, enepone páhoe Jesus 8:5

Yoko Filípi, Samâriya yóno koane koyúhoyea koeku Kristu.

1 Koríntiu 14:19

Itea ya imokóvokutike, yusikóne ngoyúhoyea kali singu koeti emo'úti ya exoâtike inzóneu motovâti ínzikaxea po'ínuhiko xâne, yane ákoyea yumáxapu yûnzo ya po'i kó'iyeovoku yuhôti ákoti exoâti kixó'ekone.

Éfeziu 5:17

Hákoikopo itikovo xâne ákoti isóneu, itea yapásika yéxi ahá'inopi Itukó'oviti.

Apokalípisi 13:18

Enepone koekúti, konókoti êno exóneti motovâti éxeokono kixó'ekone. Koêkuti xâne koati ko'isóneuti, ivávaka númiruna ne koyuvôrixovoti xâne kutí koeti êno koyuvôrixovoti hó'openo, vo'oku enepone númiruna, koati iha hóyeno kixó'eko. Énomone ne númiru, seisentu sesentai sei.