Yútoe Lúka koeku ítuke ne ápostuluhiko, enepone páhoe Jesus 5:22 - Emo'u Itukó'oviti

²² Itea simoné'e ika'ákovokutike ne húndaruhiko, páhoehiko veyóponea ne evo Pêturu, áko'onehikoya ne opósiu. Yane kayú koéponehiko xoko pahukoâtihiko.

Yútoe Lúka koeku ítuke ne ápostuluhiko, enepone páhoe Jesus 5:22 ပူးပေါင်းရင်းမြစ်များ

Máteu 26:58

Kene Pêturu, ákone malíka kixoku hókea Jesus. Tukú kíxoa kíndanake óvoku koati payásoti ya uhá koeti sasedóti. Yane ûrukovone, ina ivatáko xapákuke neko ahinoêtihiko kaha'âti noíxea kixókonokumo ne Jesus.

Yútoe Lúka koeku ítuke ne ápostuluhiko, enepone páhoe Jesus 12:18

Yuponíne, koyó'ikene neko húndaruhiko. Akó'oti exêa koêku ne Pêturu.

Yútoe Lúka koeku ítuke ne ápostuluhiko, enepone páhoe Jesus 5:23

Hara kíxovokoxopa: —Símo ûti ya ika'ákovokuti, títiu kóye exéxeovo páhapetea. Koáne ne koyónoti, ápehiko pahapétike, itea mihe'ókoane ûti, ákone apêtiya —kíxovokoxopane.

Yútoe Lúka koeku ítuke ne ápostuluhiko, enepone páhoe Jesus 5:26

Yane pihónehiko ne húndaru koyonoâti ne hána'iti imokóvokuti, koánemaka ne payásoti húndaru inuxínoati, ina veyopónoa ne ápostuluhiko, itea itupa'ii kíxoahiko. Koáhati pikotíhiko hepókeokono, eneponi vaheréxina ítuke, vo'oku itúkeovo kotíxone xanéhiko ne evo ápostulu.