Yútoe Lúka koeku ítuke ne ápostuluhiko, enepone páhoe Jesus 5:2 - Emo'u Itukó'oviti

² Itea véyoa Anániya poixo'o ésa'i neko poké'exa, itúkoti koúnae. Kutikokó koéhiko isóneu neko hóyeno koane yêno véyea poixô'o neko tiûketi. Kene hâxa, kuríkoponoa xoko ápostuluhiko itûkoati heú kixoâti kuríkopea ésa'i neko vâne.

Yútoe Lúka koeku ítuke ne ápostuluhiko, enepone páhoe Jesus 5:2 ပူးပေါင်းရင်းမြစ်များ

Máteu 23:5

Enepohikone farîzeu yoko éskiriba, itúkinoake uhá koêti ne ítukehiko, hane kahá'a éxokeovo po'ínuhiko xâne. Énomone kapáya'ikinoa ne íhaku yutoéti ukeâti emó'uke Itukó'oviti, iká'aehiko ya inúkuke itukovo takíkuke, kaha'âti noíxeokono. Énomonemaka kapáya'ikinoa ne iyóyonevo hevékuke ípovo, kaha'âti ápeyea koyuhoâti itúkeovo teyonéti.

Xuâum 12:6

Kó'inokeneye yûho, haina vo'oku yónea okóvo ne xâne ákoti apeínoati, itea vo'oku itúkeovo koyónoti tiûketina evo Jesus, yoko kóyekune véyea apê tiûketi urúkovoti íhakuke.

Yútoe Lúka koeku ítuke ne ápostuluhiko, enepone páhoe Jesus 2:44

Kaha'iné kixókokohiko neko kutípoti Jesus. Ákomaka kamáxatikaka. Póhutihiko, kutí kíxoa ítukemaka po'ínuhiko neko apeínoati.

Yútoe Lúka koeku ítuke ne ápostuluhiko, enepone páhoe Jesus 4:37

Ápe poké'exa vâne, ina kurikóponoa ne tiûketi, ésa'i ne vâne, xoko ápostuluhiko.

Yútoe Lúka koeku ítuke ne ápostuluhiko, enepone páhoe Jesus 5:1

Ápe hóyeno koéhati Anániya kavánetimaka poké'exa. Sáfira koéha yêno, ha'íne yaneko kavaneâne ne poké'exa.

Yútoe Lúka koeku ítuke ne ápostuluhiko, enepone páhoe Jesus 5:3

Ina kixôa Pêturu: —Ananiyá, na koeti sikovó ké'ino Satánae ípihea semekénovo'iti iséneuke? Koati itîkoheinovoti Sasá'iti Omíxone Itukó'oviti koeku he'ono'ú kíxi víyi poixo'o ésa'i ne peké'exa!

Yútoe Lúka koeku ítuke ne ápostuluhiko, enepone páhoe Jesus 5:8

Ina kixôa Pêturu neko sêno: —Koati yé'akeneoxoye ésa'i keváneyi ne peké'exa, îti yoko îme? Ina yumopâ sêno: —Énomone koati yé'akeneye.

Filípensi 2:3

Koêkuti itukéti ítike, hako itukovo vo'oku poéhayeane unako kêku yíxovo, áko'o vo'oku yopósiki ihéyu'ikikono, itea itíka ya ákotike kepayásakapu. Yoko péhutinoe, konókoti yónea yokóvo unako koêku ne po'ínuhiko xâne. Kene hako itukóvo unako kêku yóno ne iséneu inúxotike.

1 Timóti 6:10

Vo'oku koati turi ákoti tôpi kó'iyeovoku pahunévoti ne yupíheovo íyokeovokono ne tiûketi. Yoko koati apêti xâne itavókopeatine ne kúveovo Jesus vo'oku íyokeovo tiûketi, koane koati ihaxíkopinovotimaka êno kotíveti koekúti vo'ókuke.