Yútoe Lúka koeku ítuke ne ápostuluhiko, enepone páhoe Jesus 1:6 - Emo'u Itukó'oviti

⁶ Koeku ho'úxeovohiko neko íhikau, hara kixóhiko Jesus: —Unaém, énomonemeamo yara koeku kó'oyene peréximo itúkeovo ûti, uti íhae Izarâe, pahukópo yara poké'exa ûti? —kíxoanehiko.

Yútoe Lúka koeku ítuke ne ápostuluhiko, enepone páhoe Jesus 1:6 ပူးပေါင်းရင်းမြစ်များ

Máteu 17:11

Ina yumopâ Jesus: —Kaná'uteoxo símeane Îliya inúxotike kóyuseyea uhá koêti.

Máteu 20:21

—Kuti kehá'a? —kíxoane Jesus. Ina yumopâ ne sêno: —Mani ngaha'âti peréxi ra pi'âti njé'a itúkeovo teyonéti koane ivátakea xîririkuke, póhuti yéxopeke kene po'ínu lepékuke ya netíxokuke.

Máteu 24:3

Yoko hane ivátaheixo ne Jesus oúkeke neko kali mopôi iháxoneti Olívera. Yane ahí'okovahiko íhikau. Koati ainóvotinehiko ákoti po'i xâne xapákuke. Ina kixohíko Jesus: —Yokóyuhoinovea ápepemo ra koekúti kixínevikemeku, yoko itukóvotimoye koekúti hoénaxovope ne kaxena itíkopivokumo nâti, yoko uké'eyeakumakamo ra kúveu mêum —koénehiko.

Márku 9:12

Ina yumopâ Jesus: —Kaná'uteoxo símea ne Îliya inúxotike kóyuseyea uhá koêti. Itea na kó'inoaye iséneu ne emo'u Itukó'oviti koyúhoinoake kónokea enó'iyeamo koítoponeovo kotíveti ne íhae vanúke ikútipasikoponovoti xâne koane yupíheovomo púveovokono?

Lúka 17:20

Yoko ápehiko farîzeu epémoti Jesus símeovokumo kaxena natíxea Itukó'oviti xapa xâne. Ina kixoáhiko Jesus: —Enepone natíxea Itukó'oviti xapa xâne, haina koekúti motovâti ínixeokono.

Lúka 19:11

Koeku kámokenoyea xanéhiko, itúkinoa Jesus xêti apêti íhokoake ne âha íhikaxea, vo'oku yé'exeanehiko Njeruzálem yoko ikútixane xanéhiko itúkeovo simóvotine kaxena natíxea ne Jesus yane pitivóko.

Lúka 22:29

Kuteâti poréxeonu Nzá'a nandíxeamo, mborexópitinoemakamo netíxi

Xuâum 21:21

Noixoâne Pêturu nekôyo, hara kixo Jesus: —Kene râ'a, namo kó'eye?