XIVAN 7:23 - Tepehua Huehuetla

²³ Mas avilhchan pa'astacni ch'uc'ucanch ju tam ts'alh va ixlacata ni acsni ju uctaxtui tachi ju lhca'ulai ju la'ixlhamap'aksin ju Moisés. Ni naviyat'it chunch tajuch ni va quilalhixcayauch ni palaich xacnavi ju anu' lapanac ju acs avilhchan pa'astacni.

XIVAN 7:23 ပူးပေါင်းရင်းမြစ်များ

MATEO 12:10

Chai ju anch ixtanumacha pumatam lapanac ju va ixixnita ju ixmaca'. Chai ju ali'in ju vachu' anch ixtatanumanalh va ixtapuxconiputun ixtalak'alhin ju Jesús. Chai yuchi chani talhijuni: ―Ja lai ac'uch'ununcan ju avilhchan pa'astacni.

MATEO 12:2

Para acsni ta'alakts'inilh ju fariseonin tajunilh ju Jesús: ―Alakts'ich. Ju mintamamaka'un va tanavich ju lhich'alhcat. Para jantu lhijun ni chunch ju catalalh ni va avilhchan pa'astacni junita.

MATEO 12:5

Chai ja lana jantu p'ast'ac'at'it tachi ju najun lacalhamap'aksin ju ts'oklh ju Moisés. Ju anch ma najun ni mati' ixtalak'alhin'an ju palijni mas tach'alhcatnan junta lak'ayacan ju Dios ju avilhchan pa'astacni.

XIVAN 5:10

Ju acsnich ju xalack'ajin israelitanin chani tajuni ju anu' tak'ank'an ixjunita: ―Ju chavai avilhchan pa'astacni junita. Jantu lhijun lacalhamap'aksin ni lai ac'uc'a ju mimputaman.

XIVAN 7:21

Pus ju Jesús ak'alhtailh: ―Va lakatam lhamak'an xacnavi. Chai minchux'an va lhamak'anininat'it.

XIVAN 9:16

Pus ju acsnich ju ali'in fariseonin tanaulh: ―Ju ani lapanac jantu la'ixmacni Dios ju xaminacha ni jantu maklaca'ani ju avilhchan pa'astacni. Ju ali'in ixtanajunch: ―Para tas calhinavilhch ju ani lhamak'an ju va alactu'unu lapanac. Pus ju fariseonin jantu va lakatam ixtanavi ixchivinti'an.