XIVAN 5:29 - Tepehua Huehuetla

²⁹ Chai catata'acxtuyach. Ju tanavita k'ox ca'axtaknicanach is'atsucunti'an jonk'alhita lact'iyan. Ju tanavita ju talak'alhin ca'axtaknicanach ixmak'alhk'ajnat'an junta jonk'alhita. Ju Jesús tailhi'alh ju ixchivinti chai chani ajunilh ju ist'a'israelitanin:

XIVAN 5:29 ပူးပေါင်းရင်းမြစ်များ

LUCAS 14:14

Chai ju chunch lhik'ach ats'uc'uya' ni jantu lai catamapalhnichokoyan ju yu'unch. Para amap'alhc'ana' acsni catalok'onchokoyach ju yu'unch ju soknic'a alakts'in ju Dios.

IXTAMALAKACHAN JU JESÚS 24:15

Ju quint'a'israelitanin talaca'i ni catata'acxtuchokotachilh ju tanitach. Catata'acxtuchokotachilh ju soknic'a is'atsucunti'an chai ju jantu soknic'a is'atsucunti'an. Pus vachu' chunch ju iclaca'i ju quit'in.

1 TIMOTEO 6:18

Pus a'unit'i ju mak'alinin ni catanavilh ju k'ox. Chai lhu catanavilh ju lamapainin. Chai jantu va lacatap'astu cataxtaknilh ju ixtumin'an ju vasalh tamaktasq'uini. Alai va lacak'achat ju catapu'aktaiju ju ixtumin'an.

JU ISRAELITANIN 10:27

Va yuchi ni ca'alina' ju k'ai quimak'alhk'ajnat'an ju slivasalh lhitalhan cajuna'. Chai catalhk'amna' ju Dios chai calacxavacana' tachi chun ju ixt'alaxcai.

JU ISRAELITANIN 13:16

Para jantu ac'apt'it ju ixnavica ju k'ox chai a'akt'ai'ut'it ju quilhpatinin lami'alinta'an. Chai acsni naviyau ju chunch pus jun tachi ju lakatam lhak'ailakts'in ju xtakniyau ju Dios chai ju yuchi na k'oxich lhiulai.

1 PITALU' 3:11

Ma jantu canavi tu'u' macxcai. Ma va yuchi ju canavi ju k'ox. Ma capuxcaulh ixlhichux ix'alhunut ta yu laich k'ox cat'a'ucxuntsuculh ju ali'in.