XIVAN 16:17 - Tepehua Huehuetla

¹⁷ Ju acsnich ju ali'in ju ix'amamaka'ui ixtalajunich ju sia yu'unch: ―Tijuch nu' ju ani ju quintajumputunan ni najun: “Vaninch minta ju avilhchan acsni jantu aquilalakts'inau”. Chai ni nompalai: “Acsni catapasaya' lakatam lakat'ui avilhchan aquilalakts'inchokoyauch”. Chai ni najun: “Aclak'anach ju quimpai”.

XIVAN 16:17 ပူးပေါင်းရင်းမြစ်များ

MARCOS 9:10

Pus jantu xamati' tajunilh. Para ixtalasacmi sia yu'unch. Ixtanajun: ―Tijuch nu' ju nomputun ju yuchi ni va nompalai ni cata'acxtuchokoya' junta camacnucana'.

MARCOS 9:32

Para mas chunch ix'ajuni ixlaquilhtu jantu lai ixtamachakxai ju yu'unch tuchi ix'ajumputun. Chai na ixtatalhoni. Jantu istasacmiputun.

LUCAS 18:34

Para ju ix'amamaka'ui ju Jesús lana jantu ixtamachakxai ju ani chivinti. Lana jantu ixtac'atsai tuchi ixnajun ju Jesús. Jantu lai ixtapast'ac'a tuchi canomputulh ju chivinti ju xa'alacjuni ju Jesús.

LUCAS 9:45

Para ju ix'amamaka'ui jantu lai ixtamachakxai tuchi ixnomputun junima chivinti chai jantu ix'alak'a'inican ni laich catamachakxa ju acsnich. Chai ju yu'unch ni va ixtatalhoni ju Jesús pus jantu istasacmiputun tuchi ixnomputun.

XIVAN 12:16

Ju acsni jantu tamachakxa ju ani taxtokni ju ix'amamaka'ui ju Jesús. Para acsni anchokolh lact'iyan ju Jesús acsnica' ju tapastaclh ju ani taxtokni ni chunchach ists'okcanta ixlacata yuchi chai ni chunchach ju tamuctaxtulh ju lapanacni.

XIVAN 14:22

Pus pumatam ju ix'amamaka'ui ju Jesús ixjuncan Judas. Jantiyu' ju Judas Iscariote. Pus ju yuchi chani juni ju Jesús: ―Qui'ucxtin tas aquilapumalacasuniyau ju quijnan chai jantuch at'alac'asuniya' ju jantu talhilaca'antan.

XIVAN 14:5

Ju Tumax junich ju Jesús: ―Qui'ucxtin jantu icc'atsayau ta anchach ju ap'ina'. Tas aclhimispayauch ju ti.

XIVAN 16:1

Iclajuntauch junima taxtokni ni jantuch lai tam at'inomp'alat'it astan.

XIVAN 16:16

―Vaninch minta ju avilhchan acsni jantuch aquilalakts'inau. Chai acsni catapasaya' lakatam lakat'ui avilhchanch aquilalakts'inchokoyauch. Chai astan aclak'anach ju quimpai.

XIVAN 16:18

Ixtanajunch: ―Tijuch nu' ju nomputun ni va najun ni vanin minta ju avilhchan. Jantu machakxayau tuchi ju najunch.

XIVAN 16:19

Pus ju Jesús amachakxanilh ni va istasacmiputunch. Pus ajunich: ―Ja lasacmiyat'it ju va milhi'akstu'an ju tuchi xaclajunau acsni xacnajun ni vaninch minta ju avilhchan acsni jantu aquilalakts'inau. Chai ni xacnajun ni acsni catapasaya' lakatam lakat'ui avilhchan aquilalakts'inchokoyau.

XIVAN 16:5

Para ju chavai aclak'anchokoyach ju quimalakachatachilh. Para jantu xamati' ju milhi'uxijnan ju laich aquisacmiputulhch tas anchach ju ac'ana'.